Morgunútvarpið

Réttarhöld yfir Marius Borg,myndin Melania og hvað þýðir mikil verðhækkun á gulli ?

Réttarhöld yfir Marius Borg Hoiby syni Mette Marit eiginkonu Hákons krónprins í Noregi hefjast á morgun 3.febrúar. Réttað verður yfir honum vegna ákæru fyrir ofbeldis- og kynferðisbrot. Fyrir nokkrum dögum kom út bókin Kókaín í konungsríki hjá Storytel á Íslandi í þýðingu Atla Steins Guðmundssonar blaðamanns. Í bjókinni afhjúpa tveir af reyndustu rannsóknarblaðamönnum Noregs hvernig sonur norsku krónprinsessunnar flæktist inn í heim eiturlyfja og ofbeldis. Við settum okkur í samband við Atla Stein og ræddum hinn umdeilda Marius Borg.

Okkar maður Guðmundur Jóhannsson mætti með allt það nýjasta úr heimi tækninnar á mánudegi.

Melania kvikmynd þar sem fylgst er með Melaniu Trump forsetafrú Bandaríkjanna síðustu dagana fyrir embættistöku forsetans þann 20.janúar í fyrra var frumsýnd í kvikmyndahúsum nú um helgina. Myndin þykir umdeild og í síðustu viku sögðum við frá því að aðeins væri búið að kaupa einn miða í forsölu í Bretlandi. En hvernig mynd er þetta og hvernig rúllaði fyrsta sýningarhelgin af stað. Við ræddum málið við Ásgrím Sverrisson.

Verð á gulli hefur hækkað um 150% undanfarin tvö ár og er nú í fyrsta sinn komið yfir 5.000 dollara fyrir únsuna. Sagan segir að ríki heim, fjárfestinga og lífeyrissjóðir séu að selja bandaríska ríkisskuldabréf og kaupa gull í staðinn. Það er mikil spenna í viðskiptum heims sem er upprunnin í Bandaríkjunum og hefur vakið óróa með fjárfestum. Fall Bandaríkjadollars spilar líka inn í. Hann hefur fengið annað högg þar sem áhyggjur fara vaxandi af áhrifum tolla, háum ríkisútgjöldum og verðbólgu á bandarískan efnahag. Það kallar á að fjárfestar endurskoði stöðu sína í Bandaríkjunum. Guðlaugur Steinarr Gíslason fjárfestingastjóri og meðstofnandi hjá Visku sjóðum kom til okkar og við spurðum hann hvort skollið væri á efnahagsstríð.

EIns og venja er á mánudögum þá förum við yfir allt það helsta sem gerðist í sportinu um helgina og það er eitthvað sem segir okkur að eitt aðal umfjöllunarefnið verði EM í handbolta en því lauk í gær, fyrir okkur með svekkjandi tapi fyrir Króötum sem nældu sér í bronsverðlaun og niðurstaðan því fjórða sætið á mótinu. Almarr Ormarsson kom til okkar.

Frumflutt

2. feb. 2026

Aðgengilegt til

Rennur ekki út

• 00:13:02 Réttarhöldin yfir Mariusi að hefjast
• 00:27:18 Tæknihornið á sínum stað
• 00:39:36 Myndin um Melaniu fær afleita dóma
• 00:52:30 Staðan á fjármálamarkaði, gull og gervigreind
• 01:20:34 Íþróttir voru á sínum stað

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjónarmenn eru Guðrún Dís Emilsdóttir og Atli Fannar Bjarkason.