Í boði náttúrunnar

Að líða vel í náttúrunni

Í þessum þætti munu Guðbjörg og Jón ræða við Pál Jakop Líndal sem stundar doktorsnám í umhverfissálfræði við Háskólan í Sidney í Ástralíu, en hann mun svara spurningu þáttastjórenda, hver sé í raun ástæðan fyrir því af hverju fólki líður svona vel úti í náttúrunni og hvaða áhrif það hafi á sálartetrið að veru með hendurnar á kafi í gróðurmoldinni. Síðan verða hjónin Sæmundur Benediktsson og Margrét Jónsdóttir heimsótt, en þau hafa komið sér upp myndalegri matjurtarækt upp í sumarbústað sínum í Fitjahlíðinni í Skorradal. Munu þáttastjórnendur skoða með þeim ræktunina og fá hjá þeim góð ráð fyrir þá sem vilja rækta matjurtir í sumarhúsalandinu.

Frumflutt

13. júlí 2025

Aðgengilegt til

Rennur ekki út

Þátturinn Í boði náttúrunnar hefur nú göngu sína annað sumarið í röð, en í fyrra byrjuðu þau hjónakorn, Guðbjörg Gissurardóttir og Jón Árnason að rækta sitt eigið lífræna grænmeti. Þau höfðu þá enga reynslu, né hugmynd um hvernig þau ættu að koma slíku verki í framkvæmd. En til að afla sér þekkingar fóru þau á stúfana og hittu sérfræðinga og vana leikmenn á því sviði og fengu ráðleggingar og hugmyndir sem skiluðu þeim ágætis uppskeru í lok sumars. Nú þegar þau hafa tekið sín fyrstu skref í matjurtaræktinni halda þau ótrauð áfram, full metnaðar og ætla að afla sér enn frekari reynslu og þekkingar á matjurtaræktinni og frekari sjálfbærni.

Í Boði náttúrunnar fjallar um ferðalag þeirra hjóna og verður hlustendum vonandi hvatning til að rækta sitt eigið grænmeti eða innblástur til enn frekari afreka í garðinum. (Áður á dagskrá 2010)