Bæn og hugleiðing að morgni dags.

Séra Hildur Eir Bolladóttir flytur morgunbæn og orð dagsins.

Útvarpsfréttir.

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Páskahátíðin er fram undan og þátturinn tekur sumpart mið af því.

Síðustu vikur hafa Passíusálmar Hallgríms Péturssonar verið lesnir hér á Rás 1, venju samkvæmt. Lokalestur verður á laugardagskvöld. Sigurður Skúlason leikari les að þessu sinni – hann kom til okkar og spjallaði vítt og breitt um þennan magnaða kveðskap sálmaskáldsins um þjáningu krists.

Bæði hefðbundin og óhefðbundin dagskrá var sömuleiðis í þætti dagsins. Hefðbundið er að Borgþór Arngrímsson komi til okkar og segi frá því sem er efst á baugi í Danmörku. Hann gerði það eftir morgunfréttir.

Óhefðbundið er hins vegar að leika sígilda tónlist milli hálf átta og átta. En það gerðum við í dag. Magnús Lyngdal valdi fyrir okkur nokkur verk að leika – verk sem hann hefur fjallað um í föstudagsspjalli um sígilda tónlist og leikið brot úr - við heyrum þau, eða viðkomandi kafla, í heild.

Tónlist:

Björgvin Halldórsson - Ég fann þig.

Sigrún Hjálmtýsdóttir - Vikivaki.

Útvarpsfréttir.

Útvarpsfréttir.

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Bergdís Júlía Jóhannsdóttir og Arnar Hauksson leikarar segja frá útvarpsleikritinu „Sorrí hvað ég svara seint“ sem flutt verður um páskana.

Umsjón: Halldóra Björnsdóttir.

Útvarpsfréttir.

Veðurstofa Íslands.

Umsjón: Kristján Kristjánsson.

Útvarpsfréttir.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: mannlegi@ruv.is

Umsjón: Guðrún Gunnarsdóttir og Gunnar Hansson.

Í dag er síðasti virki dagurinn fyrir páska, því ákváðum við að fá ekki föstudagsgest, heldur miðvikudags-föstudags-páskagest. Logi Bergmann Eiðsson hefur nú búið í Washington í um það bil 8 mánuði, en eiginkona hans, Svanhildur Hólm Valsdóttir, er sendiherra Íslands þar. Við spurðum hann út í dvölina í Washington, fórum með honum aftur í tímann og í gegnum ferilinn og lífið á handahlaupum til dagsins í dag.

Það eru margir sem ætla að matreiða lambakjöt um páskana og oft verða lærin fyrir valinu. Úlfar Finnbjörnsson matreiðslumeistari kom svo til okkar og fór með okkur yfir það hvernig á að elda hið fullkomna páskalamb.

Tónlist í þættinum í dag:

Sjóddu frekar egg / Bogomil Font og Greiningardeildin (Bragi Valdimar Skúlason)

Þá kemur þú / Nýdönsk (Björn Jörundur Friðbjörnsson)

I Don’t Wanna Hear About It / Maggie Antone (Maggie Antone & Carol Karpinen)

UMSJÓN GUÐRÚN GUNNARSDÓTTIR OG GUNNAR HANSSON

Dánarfregnir.

Útvarpsfréttir.

Umsjón hefur Steinunn Ólína Þorsteinsdóttir leikkona og pistlaskáld.

Íslenskt lag eða tónverk.

Útvarpsfréttir.

Óhagnaðardrifin íbúðafélög eru nauðsynleg til að tekjulágt fólk hafi þak yfir höfuðið, segir forseti ASÍ. Hundruð fjölskyldna njóti góðs af niðurgreiðslu íbúða. Stefna Reykjavíkurborgar sé meginástæða húsnæðisvandans.

Langdrægar stýriflaugar sem Úkraínumenn hafa lengi beðið Þjóðverja um gætu verið á leiðinni innan skamms. Verðandi kanslari Þýskalands segist tilbúinn að stíga þetta skref í samráði við önnur Evrópuríki.

Íslendingar hafa tapað tugum þúsunda króna á svikasíðum sem virðast bjóða upp á rafrænt ferðaleyfi til Bretlands. Utanríkisráðuneytið hvetur fólk til að vera á varðbergi.

Lögbundin skilgreining á konu í breskum mannréttindalögum er að hafa fæðst sem kona. Þetta er niðurstaða Hæstaréttar Bretlands í máli sem skosk kvenréttindasamtök höfðuðu.

Samdráttur gæti orðið í íslenskri ferðaþjónustu á árinu vegna sviptinga í alþjóðaviðskiptum. Minnkandi áhugi Evrópubúa á ferðum til Bandaríkjanna hefur áhrif, en hagfræðingur segir að það geti líka skapað tækifæri.

Fjölsótt samverustund var í gær í Fjölbrautaskóla Norðurlands vestra vegna bílslyss við Hofsós fyrir helgi. Þrír drengir af fjórum sem fluttir voru á gjörgæslu eftir slysið hafa verið útskrifaðir þaðan.

Hakkarar settu upptökur sem gerðu grín að Elon Musk og Mark Zuckerberg í gangbrautarljós í Kaliforníu. Ekki er vitað hverjir stóðu á bak við það.

Austfirðingar eiga fulltrúa í efstu deild kvenna í fótbolta í fyrsta sinn í 30 ár. Rósey Björgvinsdóttir fyrirliði liðsins segir mikla spennu í samfélaginu.

Daglegur fréttaskýringaþáttur þar sem stór og lítil fréttamál eru matreidd á einfaldan hátt.

Íslensk stjórnvöld sendu sextán ára gamlan dreng frá Kolumbíu í lögreglufylgd til heimalands síns í október í fyrra. Hann var sendur úr landi ásamt föður drengsins sem hafði beitt hann ofbeldi og afsalað sér forræði yfir honum.

Drengurinn bjó einn á götunni í höfuðborg Kólumbíu, Bogatá, í einn mánuð eftir komuna til landsins þar sem faðir hans yfirgaf hann samstundis.

Bogatá er ein hættulegasta borg í heimi og var drengurinn á vergangi þar og svaf meðal annars í neyðarskýlum og á götunni þar til íslenskur velgjörðarmaður hans sótti hann til Kolumbíu í nóvember og kom með hann aftur til Íslands. Drengurinn heitir Oscar Anders Bocanegra Florez og verður 17 ára þann 19. Apríl.

Útlendingastofnun hefur nú ákveðið að senda Oscar aftur til Kólumbíu þar sem hann á engan að.

Oscar býr hjá Svavari Jóhannssyni og Sonju Magnúsdóttur og vilja þau að hann geri það áfram og hann vill búa hjá þeim. Samkvæmt ákvörðun Útlendingastofnunar þarf hann hins vegar að yfirgefa Ísland fyrir 22. apríl.

Oscar segir að glæpasamtök í Kólumbíu séu á eftir honum og vilji drepa hann vegna þess að þau telja að faðir hans skuldi þeim peninga. Þess vegna vill hann alls ekki fara aftur til Kólumbíu.

Umsjón: Ingi Freyr Vilhjálmsson

Opin og gagnrýnin umræða um vísindi, nýsköpun, umhverfi, fréttir og samfélagsmál.

Umsjón: Arnhildur Hálfdánardóttir og Pétur Magnússon.

Netfang: samfelagid@ruv.is

Margrét Þórhildur Danadrottning fagnar 85 árum í dag með sínum nánustu í Fredensborgarhöll - og í morgun hyllti lúðrasveit konunglegu lífvarðasveitarinnar drottningu á tröppum hallarinnar.

Guðný Laxdal, sem heldur úti samfélagsmiðlum undir nafninu Royal Icelander, kemur til okkar og ræðir líf og störf þessarar merku konu, sem sat lengst í valdastóli allra þjóðhöfðingja Dana.

Við ræðum líka við Albert Eiríksson matarbloggara og mannasiðafrömuð um páskamannasiði og hvernig hægt sé að borða páskaegg á smekklegan hátt.

Í vísindaspjallinu leiðir Edda Olgudóttir okkur í allan sannleika um erfðabreytingatækni.

Lög í þættinum í dag:

Rasmus Seebach - Love song

Carla Bruni - Notre Grand amour est mort.

Útvarpsfréttir.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Lagalisti:

Smits, Koen, Vliet, Jeroen van, Gulli Gudmundsson - Heyr, himna smiður.

Ragnhildur Gísladóttir, Tómas R. Einarsson - Þú kysstir mína hönd.

Roach, Max, Gillespie, Dizzy, Brown, Ray, Peterson, Oscar, Getz, Stan, Ellis, Herb - It's the talk of the town.

Miller, Glenn and his Orchestra, Eberle, Ray - It's a blue world.

Nordic Quintet, The - Pav.

Kvintett Red Garland - What is there to say.

Pétur Grétarsson - PG Hle?stef 1.

Christy, June - Midnight sun.

Henderson, Joe, Harris, Barry, Morgan, Lee, Higgins, Billy, Cranshaw, Bob - Gary's notebook.

Óskar Guðjónsson, Jorge Rossy og Thomas Morgan - Bye, Bye Blackbird.

Salamon, Guy - Megalomaniacs (bonus track).

Útvarpsfréttir.

Tónlist og talmálsliðir úr safni útvarpsins.

Í þættinum er m.a. fjallað um hrafninn í tali og tónum. Flutt er brot úr erindi sem Sigurður Bjarnason frá Vigur, fyrrum alþingismaður og sendiherra, flutti í útvarp árið 1961 um hrafninn og kynni hans af krumma. Hann fangaði hrafnsunga á skólaárum sínum og tamdi þannig að hann varð heimilisvinur íbúanna í eyjunni Vigur í Ísafjarðardjúpi.

Sigurður vitnar einnig í þjóðsögur um hrafna og flytur ljóð Jóhanns Jónsssonar skálds um hrafninn: Vögguvísur um krumma.

Umsjónarmaður: Jónatan Garðarsson.

Útvarpsfréttir.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Melkorka Ólafsdóttir.

Útvarpsfréttir.

Popp og pólitík

Umsjón: Kristján Guðjónsson og Lóa Björk Björnsdóttir.

Anna María Tómasdóttir leikstjóri vill hafa húmor í leikhúsi. Það er ekki nauðsynlegt að vera í hláturskasti allan tímann, en það verður að vera eitthvað fyndið. Hún vill sjá fleiri íslensk leikrit, því þau eru það besta, og henni þætti einnig sniðugt ef Þjóðleikhúsið og Borgarleikhúsið myndu stilla saman strengi sína. En fyrst og fremst vantar hér leiksvið.

LucasJoshua er 17 ára gamall raftónlistarmaður. Hann hlaut verðlaunin Rafheili Músíktilrauna í ár. Þórður Ingi Jónsson sló á þráðinn til hans.

Salóme Katrín Magnúsdóttir er í bíl á leiðinni vestur og í dag kom út lagið hennar Always and forever. Una Schram spjallar við Salóme um Aldrei fór ég suður, sem fer fram um páskana á Ísafirði.

Fréttir

Fréttir

Það er ekki í lagi að rannsókn á stóru samkeppnislagabroti fyrnist hjá embætti héraðssaksóknara af því að ekki var til mannafli til að sinna rannsókninni. Þetta segir dómsmálaráðherra sem ætlar að funda með bæði héraðssaksóknara og forstjóra samkeppniseftirlitsins um málið.

Hringvegurinn er lokaður um Mývatns- og Möðrudalsöræfi og alla leið í Egilsstaði. Fjórar björgunarsveitir á Norðausturlandi voru kallaðar út síðdegis vegna tuga bíla sem sitja fastir á milli Mývatns og Egilsstaða.

Síhækkandi raforkuverð veldur grænmetisbændum erfiðleikum og margir gætu þurft að bregða búi að óbreyttu segir garðyrkjubóndi í Þingeyjasýslu.

Tengsl eru á milli áfengisneyslu og heilabilunar og neysla á áfengi getur ýtt undir aðra áhættuþætti eins og þunglyndi og félagslega einangrun. Áfengisneysla meðal eldra fólks hefur aukist og öldrunarlæknir segir nauðsynlegt að vekja fólk til umhugsunar um áhrif áfengis.

Steindór Andersen kvæðamaður er látinn, sjötugur að aldri. Hann þótti með bestu kvæðamönnum og opnaði heim rímna og kvæðasöngs fyrir yngri kynslóðum.

Umsjón: Ásta Hlín Magnúsdóttir og Ævar Örn Jósepsson

Tæknimaður: Mark Eldred

Stjórn útsendingar: Valgerður Þorsteinsdóttir

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Þorbjörg Sigríður Gunnlaugsdóttir dómsmálaráðherra segir stjórnvöld getað gripið til margra aðgerða í baráttu sinni gegn skipulagðri brotastarfsemi; fjölga lögreglumönnum, efla fræðslu og auka heimildir lögreglu. Hún viðurkennir að staðan í fangelsismálum sé mjög slæm og það séu eins röng skilaboð og hugsast getur þegar maður hlýtur dóm en þarf aldrei að sitja hann af sér. Freyr Gígja Gunnarsson ræðir við hana.

Ef ekki verður gripið inn í sífelldar hækkanir á rafmagni er viðbúið að margir garðyrkjubændur gefist upp fyrr en seinna. Þetta segir Páll Ólafsson garðyrkjubóndi norður í Þingeyjarsýslu sem borgaði 90 milljónir í rafmagn í fyrra. Hann býst við 125 milljóna króna rafmagnsreikningi í ár. Ágúst Ólafsson ræðir við Pál.

Umsjón: Ævar Örn Jósepsson

Tæknimaður: Mark Eldred

Þáttur fyrir forvitna krakka og aðra fjölskyldumeðlimi. Sigyn Blöndal segir frá fólki, fyrirbærum og hugmyndum á upplýsandi hátt.

Ragnhildur Skúladóttir og Andri Stefánsson hjá ÍSÍ eru sérfræðingar þáttarins.

Umsjón: Sigyn Blöndal.

Veðurfregnir kl. 18:50.

Dánarfregnir.

Tónleikahljóðritanir með innlendum og erlendum flytjendum.

Aðeins 17 ára gamall var Sheku Kanneh -Mason valinn Ungur tónlistarmaður ársins hjá BBC árið 2016. Stjarna hans hefur síðan risið stöðugt á hinum alþjóðlega tónlistarhimni. Hann tekst á við sellókonsert eftir Dmitri Shostakovitsj á þessum tónleikum frá Köln.

Og rísandi stjarna óperuheimsins er Miriam Khalil sem flytur á þessum tónleikum brot úr óperu eftir Karim Al-Zand (1970) - Al Hakawati.

Einnig hljómar sinfónísk svíta Rimsky-Korsakovs op 35. Schecerazade.

Cristian Măcelaru stjórnar sinfóníuhljómsveit vestur þýska útvarpsins í Köln.

Umsjón: Arndís Björk Ásgeirsdóttir

Opin og gagnrýnin umræða um vísindi, nýsköpun, umhverfi, fréttir og samfélagsmál.

Umsjón: Arnhildur Hálfdánardóttir og Pétur Magnússon.

Netfang: samfelagid@ruv.is

Margrét Þórhildur Danadrottning fagnar 85 árum í dag með sínum nánustu í Fredensborgarhöll - og í morgun hyllti lúðrasveit konunglegu lífvarðasveitarinnar drottningu á tröppum hallarinnar.

Guðný Laxdal, sem heldur úti samfélagsmiðlum undir nafninu Royal Icelander, kemur til okkar og ræðir líf og störf þessarar merku konu, sem sat lengst í valdastóli allra þjóðhöfðingja Dana.

Við ræðum líka við Albert Eiríksson matarbloggara og mannasiðafrömuð um páskamannasiði og hvernig hægt sé að borða páskaegg á smekklegan hátt.

Í vísindaspjallinu leiðir Edda Olgudóttir okkur í allan sannleika um erfðabreytingatækni.

Lög í þættinum í dag:

Rasmus Seebach - Love song

Carla Bruni - Notre Grand amour est mort.

Praxis eftir Fay Weldon.

Dagný Kristjánsdóttir les.

Áttundi lestur af 26.

Veðurfregnir kl. 22:05.

Árið 1944 var tekinn upp sá siður hjá Ríkisútvarpinu að lesa alla Passíusálma Hallgríms Péturssonar á föstunni. Sigurður Skúlason les.

Nýtt hljóðrit.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: mannlegi@ruv.is

Umsjón: Guðrún Gunnarsdóttir og Gunnar Hansson.

Í dag er síðasti virki dagurinn fyrir páska, því ákváðum við að fá ekki föstudagsgest, heldur miðvikudags-föstudags-páskagest. Logi Bergmann Eiðsson hefur nú búið í Washington í um það bil 8 mánuði, en eiginkona hans, Svanhildur Hólm Valsdóttir, er sendiherra Íslands þar. Við spurðum hann út í dvölina í Washington, fórum með honum aftur í tímann og í gegnum ferilinn og lífið á handahlaupum til dagsins í dag.

Það eru margir sem ætla að matreiða lambakjöt um páskana og oft verða lærin fyrir valinu. Úlfar Finnbjörnsson matreiðslumeistari kom svo til okkar og fór með okkur yfir það hvernig á að elda hið fullkomna páskalamb.

Tónlist í þættinum í dag:

Sjóddu frekar egg / Bogomil Font og Greiningardeildin (Bragi Valdimar Skúlason)

Þá kemur þú / Nýdönsk (Björn Jörundur Friðbjörnsson)

I Don’t Wanna Hear About It / Maggie Antone (Maggie Antone & Carol Karpinen)

UMSJÓN GUÐRÚN GUNNARSDÓTTIR OG GUNNAR HANSSON

Popp og pólitík

Umsjón: Kristján Guðjónsson og Lóa Björk Björnsdóttir.

Anna María Tómasdóttir leikstjóri vill hafa húmor í leikhúsi. Það er ekki nauðsynlegt að vera í hláturskasti allan tímann, en það verður að vera eitthvað fyndið. Hún vill sjá fleiri íslensk leikrit, því þau eru það besta, og henni þætti einnig sniðugt ef Þjóðleikhúsið og Borgarleikhúsið myndu stilla saman strengi sína. En fyrst og fremst vantar hér leiksvið.

LucasJoshua er 17 ára gamall raftónlistarmaður. Hann hlaut verðlaunin Rafheili Músíktilrauna í ár. Þórður Ingi Jónsson sló á þráðinn til hans.

Salóme Katrín Magnúsdóttir er í bíl á leiðinni vestur og í dag kom út lagið hennar Always and forever. Una Schram spjallar við Salóme um Aldrei fór ég suður, sem fer fram um páskana á Ísafirði.