Tónlist úr ýmsum áttum. Nýjar hljóðritanir Rásar 1 í bland við nýjar plötur íslenskrar og erlendrar tónlistar.
Jóna G. Kolbrúnardóttir sópransöngkona og Ástríður Alda Sigurðardóttir píanóleikari flytja ljóðatónlist eftir Clöru Schumann (1819-1896) og Franz Schubert (1797-1828) á tónleikum í Hannesarholti. Verkefnavalið samanstendur af völdum ljóðum eftir F. Schubert og flokkunum Opus 12 og 13 eftir C. Schumann. Í ljóðunum er náttúran í fyrirrúmi og endurspeglar ólíkar birtingarmyndir ástarinnar, margslungnar tilfinningar og drauma mannsins.
F. Schubert lést aðeins 31 árs gamall. Þrátt fyrir stutta ævi var Schubert ótrúlega afkastamikill. Hann samdi yfir 600 söngljóð (Lieder) og hafði áhrif á fjölda tónskálda, þar á meðal Clöru Schumann, Robert Schumann, Johannes Brahms, Richard Strauss og fleiri. Schubert er talinn brautryðjandi þýska söngljóðsins (Lied). Hann bjó yfir einstökum hæfileikum til að tjá hinar dýpstu tilfinningar ljóðanna í fallegum og flæðandi laglínum. Í söngljóðum Schuberts gildir jafnræði milli söngraddarinnar og tóna píanósins, sem dýpka skilning okkar á ljóðinu í sameiningu.
C. Schumann skilur einnig eftir sig fjöldann allan af tónsmíðum, þrátt fyrir að hafa nánast hætt að semja eftir að hún giftist tónskáldinu Robert Schumann. En líkt og söngljóð Schuberts þá
fléttar Schumann píanóleikinn og söngröddina einstaklega vel saman. Línurnar mynda eina heild og tilfinningar ljóðsins komast fullkomnlega til skila. Hún var eftirsóttur og virtúósískur
píanóleikari í sinni tíð, og greina má snilli hennar í píanóparti söngljóðanna.
Franz Schubert
Seligkeit – L. H. Chr. Hölty
Clara Schumann – Op. 13
1. Ich stand in dunklen Träumen – Heinrich Heine
2. Sie liebten sich beide – Heinrich Heine
3. Die Liebe sass als Nachtigall – Emanuel Geibel
4. Der Mond kommt still gegangen – Emanuel Geibel
5. Ich hab’ in deinem Auge – Friedrich Rückert
6. Die stille Lotusblume – Emanuel Geibel
Franz Schubert
Frühlingsglaube – L. Uhland
Im Freien – J. G. Seidl
Fischerweise – Franz v. Schlechta
Im Abendrot – Carl Lappe
Sprache der Liebe – Aug. Wilh. Schlegel
Gretchen am Spinnrade úr “Faust” – Goethe
Clara Schumann – Op. 12
1. Er ist gekommen in Sturm und Regen – F. Rückert
2. Liebst du um Schönheit – F. Rückert
3. Warum willst du and’re fragen – F. Rückert
Franz Schubert
Nacht und Träume – Matthäus v. Collin
An die Musik
Einnig heyrist í þættinum:
Fuglar í búri - Jón Laxdal/Hannes Hafstein
Guðmundur Jónsson syngur og Ólafur V Albertsson leikur á píano.
Af minnistæðu fólki - Minning Bernharðs Stefánssonar um Hannes Hafstein úr þætti Gunnars Stefánssonar - Af minnistæðu fólki(2011)
Við Valagilsá - Árni Thorsteinsson/Hannes Hafstein
Guðmundur Jónsson, söng og Fritz Weisshappel lék á píanó í hljóðritun ríkisútvarpsins frá árinu 1954.
Landsýn, kvæði eftir Hannes Hafstein. Sigríður Schiöth les.
Úr útsæ rísa Íslands fjöll - Páll Ísólfsson/ Davíð Stefánsson Árnesingakórinn í Reykjavík - undir stj Þuríðar Pálsdóttur
