Hádegisfréttir

Hádegisfréttir 14. september 2026

Úrslit þingkosninga í Svíþjóð verða ekki endanlega ljós fyrr en á miðvikudag. Aðeins munar þremur þingmönnum á rauðu og bláu blokkinni þegar 200 þúsund atkvæði eru ótalin.

Samtök atvinnulífsins segja þörf á samstilltu átaki fyrirtækja ríkis og sveitarfélaga í baráttu við verðbólgu. Breyta þurfi vinnumarkaðsmódelinu og rjúfa vítahring launaskriðs og verðbólgu.

Áætlunarflug til Vopnafjarðar og Þórshafnar er í uppnámi. Ríkið hefur ekki samið um framhald þess, það greiddi að meðaltali 107 þúsund krónur með hverjum farþega á leiðinni í hitteðfyrra.

Formaður Flugvirkjafélags Íslands segir, forstjóra Icelandair, hafa dreift áróðri og reynt að hafa áhrif á flugvirkja. Atkvæðagreiðslu þeirra um verkfallsaðgerðir lauk á hádegi.

Fyrstu ráðherrar Skotlands, Wales og Norður-Írlands, segja að tími bresks yfirvalds frá Westminster í þessum löndum sé á enda.

Haustfundir Norðurlandaráðs byrja í Reykjavík í dag, Staðan á norðurslóðum í breyttu alþjóðakerfi verður ofarlega á baugi hjá norrænum þingmönnum.

Björgunarsveitin Ægir í Garði ætlar að selja húsnæði sitt, Þorsteinsbúð. Formaður sveitarinnar segir það ekki gert af fjárhagsástæðum.

Vinni Víkingar Keflavík í kvöld færast þeir skrefi nær því að halda í Íslandsmeistaratitil karla í fótbolta. Víkingur hefur mikið forskot á toppi Bestu deildarinnar.

Birt

14. sept. 2026

Aðgengilegt til

Rennur ekki út

• 00:00:09 Helst
• 00:01:40 Pólitísk óvissa í Svíþjóð
• 00:04:36 SA um verðhækkanir
• 00:06:31 Ósamið um flug til Vopnafjarðar og Þórshafnar
• 00:08:12 Atkvæðagreiðslu flugvirkja um verkfall lokið
• 00:10:13 AirBaltic í greiðslustöðvun
• 00:10:41 Fundur Norðurlandaráðs
• 00:12:46 Fyrstu ráðherrar hittast
• 00:14:46 Árás á lest til Póllands
• 00:15:11 Björgunarsveit selur hús
• 00:16:48 The Pitt tilnefndir til 25 Emmyverðlauna
• 00:18:43 Íþróttir
• 00:20:37 Veður
• 00:21:03 Seinni helst

Útvarpsfréttir.