Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.
Bandaríkin eru langstærsti veitandi þróunaraðstoðar í heiminum, eða voru það að minnsta kosti þar til fyrir nokkrum dögum síðan, þegar tilkynnt var að framlög yrðu fryst í 90 daga á meðan farið væri yfir það hvernig einstaka framlög samræmdust stefnu stjórnvalda. Ákvörðunin er þegar farin að hafa veruleg áhrif í mörgum heimshlutum. Stefán Jón Hafstein þekkir þessi mál vel í gegnum störf sín hjá þróunarsamvinnustofnun, utanríkisráðuneytinu og matvælastofnunum Sameinuðu þjóðanna, og hann ræddi þessi mál.
Björn Malmquist var á sínum stað frá Brussel. Þar er að hefjast óformlegur leiðtogafundur Evrópusambandsins - þar sem líklegt er að rætt verði um tollastríð Trumps - búist er við því að Evrópusambandsríkin verði næsta skotmark þess. Björn ræddi líka um norsk stjórnmál og sambandið við Evrópusambandið við norsku blaðakonuna Bibiönu Piene.
Í síðasta hluta þáttarins fórum við til Filippseyja. Við fengum fyrsta pistilinn frá Sigyn Blöndal sem er búsett í Manila, höfuðborg Filippseyja, og í dag fengum við að kynnast lífinu og tilverunni þar í landi. Meðal þess sem kom við sögu var umferðin, heimsmet og jól, sagan og karókí.
Tónlist:
Víkingur Heiðar Ólafsson - Variatio 17.
Júníus Meyvant - Rise up.
Marcelito Pomoy - The prayer.
