Sjónvarp - Spilari RÚV

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Margrét Helga Erlingsdóttir og Kristján Kristjánsson. Ritstjóri: Sigríður Halldórsdóttir.

Aðgengilegt til: Rennur ekki út

Lengd: 25 mín.

Dagskrárliðurinn er textaður
Endursýnt

14:05

Silfrið

Atvinnuleysi á tímum gervigreindar og Anne Applebaum

Sigríður Hagalín Björnsdóttir og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Meira en 180 manns misstu vinnuna í hópuppsögnum í september. Stór hluti þeirra eru forritarar og tölvunarfræðingar; auk þess sem bankastarfsmenn og opinberir starfsmenn, t.d. lögfræðingar hafa verið að missa vinnuna í smærri uppsagnarlotum. Er áhrifa fjórðu iðnbyltingarinnar, gervigreindarbyltingarinnar, farið að gæta á íslenskum vinnumarkaði? Hvernig er best að bregðast við þeim nýju kröfum sem gervigreindin gerir á vinnustöðum landsins?

Gestir þáttarins eru Ásta Ásgeirsdóttir deildarstjóri greiningardeildar Vinnumálastofnunar, Hjálmar Gíslason formaður starfshóps um nálgun stjórnvalda í málefnum gervigreindar, Vilhjálmur Hilmarsson hagfræðingur Visku stéttarfélags og Þorsteinn Víglundsson formaður Samtaka iðnaðarins og fyrrverandi félagsmálaráðherra.

Marco Rubio, utanríkisráðherra Bandaríkjanna, heimsækir Ísland í dag. Í seinni hluta þáttarins verður rætt við einn þekktasta stjórnmálagreinanda samtímans, bandaríska sagnfræðinginn og blaðamanninn Anne Applebaum, um breytta utanríkismálastefnu Bandaríkjanna, uppgang og aukið samstarf einræðisstjórna í heiminum, og stöðu Íslands.

Aðgengilegt til: Rennur ekki út

Lengd: 43 mín.

Dagskrárliðurinn er textaður sjálfvirkt
Endursýnt

14:50

Gettu betur 1997

MR - ME

Spurningakeppni framhaldsskólanna frá 1997. Spyrill: Davíð Þór Jónsson. Dómari og spurningahöfundur: Ragnheiður Erla Bjarnadóttir. Stigavörður: Katrín Jakobsdóttir. Dagskrárgerð: Andrés Indriðason.

Í þessum þætti mætast lið Menntaskólans í Reykjavík og Menntaskólans á Egilsstöðum í undanúrslitum. Lið Menntaskólans í Reykjavík skipa Viðar Pálsson, Arnór Hauksson og Sverrir Guðmundsson. Lið Menntaskólans á Egilsstöðum skipa Stefán Bogi Sveinsson, Þórður Mar Þorsteinsson og Hrafnkell Freyr Lárusson.

Aðgengilegt til: Rennur ekki út

Lengd: 1 klst.

Endursýnt

15:50

Kaupmannahöfn - höfuðborg Íslands

Guðjón Friðriksson og Egill Helgason leiða áhorfendur um söguslóðir í Kaupmannahöfn. Borgin við Sundið var um aldaraðir hin eiginlega höfuðborg Íslands. Þangað leituðu Íslendingar til náms, starfa og fræðiiðkana, en Kaupmannahöfn var líka miðstöð verslunar Íslendinga. Við kynnumst Íslandskaupmönnum, stúdentum, sérvitringum, skáldum og stjórnmálamönnum, en líka fólki sem fór til Hafnar að afla sér iðnmenntunar eða einfaldlega til að freista gæfunnar. Víða í borginni leynast sögur af Íslendingum. Dagskrárgerð: Ragnheiður Thorsteinsson.

Egill og Guðjón halda áfram göngu sinni um hverfin umhverfis Amalienborgarhöll og fara á slóðir íslenskra listamanna í Konunglega leikhúsinu og Listaakademíunni. Þeir líta inn á einn af uppáhaldsveitingastöðum Jóns Sigurðssonar og kynnast nokkrum af Íslandskaupmönnunum sem verða á vegi þeirra í þáttunum.

Aðgengilegt til: Rennur ekki út

Lengd: 23 mín.

Dagskrárliðurinn er textaður
Endursýnt

16:15

Húsið okkar á Sikiley: Innkaupaferðin (5 af 6)

Husdrömmar Sicilien - Vintageresan

16:45

Á gamans aldri II (5 af 6)

Dagmar Agnarsdóttir

Íslenskir viðtalsþættir þar sem skyggnst er inn í líf fólks sem nýtur eftirlaunaáranna á aðdáunarverðan og jákvæðan hátt. Í hverjum þætti fáum við innsýn í líf einnar manneskju, heyrum sögu hennar, lífssýn og lærdóm sem hún hefur dregið af lífinu, auk þess sem við ræðum þær áskoranir sem fylgja því að eldast. Dagskrárgerð: Ragnhildur Steinunn Jónsdóttir. Framleiðsla: Elín Sveinsdóttir.

Dagmar Agnarsdóttir er engin venjuleg amma á áttræðisaldri. Hún er margfaldur heimsmethafi í kraftlyftingum í flokki 70 ára og eldri. Ung að árum dreymdi hana um að verða listmálari. Foreldrar hennar höfðu aðrar væntingar og vonir þannig að hún gerðist hárgreiðslumeistari. Fjölmörgum árum seinna, þegar hún fluttist til Asíu, sneri hún sér að listinni. Síðan þá hefur listin verið stór hluti af lífi Dagmarar sem hefur haldið fjölmargar sýningar og myndskreytt barnabækur.

Aðgengilegt til: Rennur ekki út

Lengd: 28 mín.

Dagskrárliðurinn er textaður
Endursýnt

17:15

Sagan frá öðru sjónarhorni

En annan sida av historien

Hver skrifar sögu okkar? Það fer eftir ýmsu, svo sem þjóðerni, kyni eða uppruna, og sama atburði má lýsa á marga mismunandi vegu. Fornleifauppgröftur, nýjar rannsóknir eða annar tíðarandi getur líka valdið því að sagnfræðin verði endurskoðuð. Emma Molin og Özz Nûjen hjálpa okkur að sjá fleiri en eitt sjónarhorn á sögunni.

Aðgengilegt til: 06. október 2027

Lengd: 14 mín.