Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Æfingar upp við vegg.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.

Marta Kos, stækkunarstjóri ESB, segir Ísland hafa sérstöðu umfram önnur umsóknarríki vegna EES-samningins og Schengen-samstarfsins. Það sé líklegt til að flýta fyrir aðildarviðræðum kjósi þjóðin að halda þeim áfram. Við ræðum við Mörtu Kos.

Talið er að krabbameinstilfellum eigi eftir að fjölga um allt að 65 prósent hér á landi á næstu tveimur áratugum. Hvernig erum við í stakk búin að takast á við þá fjölgun og hvað er hægt að gera til að koma í veg fyrir krabbamein? Við ræðum við Beatrice Ferver, sérfræðing í krabbameinsforvörnum, og Sigurdísi Haraldsdóttir krabbameinslækni og yfirlækni á Landspítala.

Sara Magnúsdóttir, Hammondleikari, var valin bjartasta vonin á Íslensku tónlistarverðlaununum, sem veitt voru fyrir skemmstu. Sara býr nú í New York og kemur ár sinni fyrir borð í tónlistarsenunni þar. Við kynntum okkur þessa björtu von.

Heimildarþáttur þar sem Eva Ruza og systur hennar heimsækja Króatíu. Þær þekkja landið betur en flestir, enda er pabbi þeirra þaðan. Á ferðalaginu kynna þær sér sögu Balkanskagastríðsins og hvaða áhrif það hefur haft á landið, ásamt að heimsækja SOS Barnaþorpin sem ná ekki að sinna öllum sem þurfa aðstoð.

Ný íslensk heimildarþáttaröð í umsjón Ara Eldjárns um íslenskar kvikmyndir. Í hverjum þætti er ein sígild kvikmynd tekin fyrir. Skyggnst er á bak við tjöldin og áður óséð myndefni birt. Rætt er við leikstjóra, handritshöfunda, framleiðendur, leikara, búninga- og leikmyndahönnuði, kvikmyndastjóra, klippara og fleira fagfólk, sem ljóstra upp ýmsum leyndarmálum frá gerð myndanna.

Fjallað er um gerð stórmyndarinnar Englar alheimsins frá árinu 2000. Meðal þeirra sem fram koma eru Ingvar E. Sigurðsson, Björn Jörundur Friðbjörnsson, Halldóra Geirharðsdóttir, Sigvaldi Kárason, Hilmar Örn Hilmarsson, Einar Már Guðmundsson og Friðrik Þór Friðriksson.

Þættir frá 2007 þar sem íslenskir lagasmiðir flytja nokkur verka sinna í sjónvarpssal. Umsjón og dagskrárgerð: Jón Egill Bergþórsson.

Eivör Pálsdóttir flytur nokkur af lögum sínum að viðstöddum áhorfendum í Sjónvarpssal.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

það er að venju fjölbreyttur og fróðlegur Kiljuþáttur á miðvikudagskvöld. Eva Björg Ægisdóttir segir frá spennusögunni Myrkravaldi sem hún skrifar ásamt frönskum rithöfundi, Jérôme Loubry að nafni. Við fjöllum um merkilegan mann en allsendis óþekktan, Guðmund Arnfinnsson - en um hann flytur Kristján Guðjónsson útvarpsþátt á Rás 1 á páskadag. Guðmundur var bók- og listhneigður einfari, samdi kvæði og vísur, málaði og batt inn bækur, og kom sér upp gríðarlegu bókasafni. Það er nú varðveitt á Hraunhálsi á Snæfellsnesi, í vélaskemmu sem hefur verið breytt í bókahús. Við brugðum okkur þangað og spjöllum við húsráðanda, Jóhannes Eyberg Ragnarsson. Hrannar Bragi Eyjólfsson hefur ritað ævisögu afa síns, séra Braga Friðrikssonar, og segir okkur frá henni. Í Bókum og stöðum förum við í Árneshrepp á Ströndum þar sem verða á vegi okkar Hrafn Jökulsson, Vigdís Grímsdóttir og Þórður kakali. Gagnrýnendur þáttarins fjalla um Silfurgengið eftir Brynhildi Þórarinsdóttur, Vininn eftir Sigrid Nunez og Líf eftir Reyni Finnberg Grétarsson.

Íslensk þáttaröð í sex hlutum í umsjón Önnu Sigríðar Ólafsdóttur, prófessors í næringarfræði. Í þáttunum er fylgst með fjölbreyttum hópi fólks taka næringar- og matarvenjur sínar til gagngerrar endurskoðunar í þeim tilgangi að nærast betur - og njóta um leið. Framleiðandi: Sagafilm.

Auður Ögmundardóttir og Jóhann Kristján Eyfells búa með fjórum börnum og tveimur hundum í Garðabæ. Matarundirbúningurinn á það til að vera flókinn því eitt barnið er grænmetisæta, annað með ofnæmi fyrir einu, það þriðja með ofnæmi fyrir öðru og því fjórða finnst fátt gott. Við heimsækjum einnig Irmu Ösp Magnúsdóttur, háskólanema, sem býr ásamt sonum sínum tveimur í göngufæri frá foreldrum hennar. Þótt stóra fjölskyldumáltíðin sé það sem þau öll þrá enda þau allt of oft hvert í sínu horni með skyndilausnir.

Tinna táknmálsálfur er sniðugur álfur sem býr í Blómabæ í Bláskógarbyggð. Hún lendir í ýmsum ævintýrum með vinum sínum Kötu kónguló og Tedda tannálfi og ef til vill lærum við líka svolítið táknmál.

Höfundur:

Laila Margrét Arnþórsdóttir

Leikur:

Tinna: Kolbrún Völkudóttir

Kata kónguló: Jan Fiurasek

Talsetning:

Tinna: Álfrún Helga Örnólfsdóttir

Kata kónguló: Erla Ruth Harðardóttir

Teddi tannálfur: Björgvin Franz Gíslason og Friðrik Friðriksson

Búningar: Helga Rún Pálsdóttir

Kata Könguló á afmæli og Tinna ætlar að baka köku handa henni. Eða Tinna ætlar að reyna að baka köku.

Jóga fyrir alla krakka í ævintýraheimi með dýrum og náttúru.

Ævintýrajóga hvetur börn til hreyfingar og að vera meðvituð um líkama sinn og líðan. Það gefur þeim verkfæri sem auðveldar þeim að líða vel í eigin líkama og takast á við daglegt líf. Jógakennari: Þóra Rós Guðbjartsdóttir. Framleiðsla: Erla Hrund Hafsteinsdóttir.

Hvað segja lungun?

Með því að anda hægt og rólega hjálpar það okkur að hugsa skýrar og gefa líkamanum og heilanum smá ró.

Ólafía og Hekla eru uppátækjasamar og forvitnar vinkonur sem stelast til að framkvæma hinar ótrúlegustu vísindalegu tilraunir í skólanum sínum, með misgóðum árangri. Leikarar: Auður Óttarsdóttir og Guðbjörg Marý Eyjólfsdóttir.

Hekla og Ólafía eru uppátækjasamar vinkonur sem stelast til að framkvæma hinar ótrúlegustu tilraunir í skólanum sínum, með misgóðum árangri.

Að þessu sinni ætla þær að búa til eldgos!

Krakkarnir í skólanum hans Bjarma kynnast fjölbreyttum íþróttagreinum ásamt seinheppnum kennara sínum, honum Agnari.

Benjamín er búinn að æfa borðtennis lengi og kennir krökkunum vel valdar æfingar.

Þessar þáttaraðir eru áhorfendum að góðu kunnar, enda eru þættirnir bæði afar fræðandi og skemmtilegir. Að þessu sinni fræðumst við um mannslíkamann.

Helstu fréttir settar fram á einfaldan og aðgengilegan hátt.

Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.

Kvikmyndasafn Íslands geymir fjársjóð af kvikmyndum sem sýna íslenskan veruleika snemma á síðustu öld. Egill Helgason og Gunnar Tómas Kristófersson rýna efni og sýna efni sem jafnvel enginn hefur séð. Dagskrárgerð: Ragnheiður Thorsteinsson.

Í þættinum skoðum við elsta efnið á safninu. Bæði íslenskir og erlendir myndhöfundar koma við sögu, ljósmyndarar sem fengu áhuga á hinni nýju tækni og hinn merki Bíó-Petersen sem tók upp íslenskt efni og sýndi í Gamla bíói.

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.

Tónleikamynd frá 1984 þar sem fylgst er með hljómsveitinni Talking Heads á tónleikum í Hollywood's Pantages Theater í desember árið 1983. Leikstjóri: Jonathan Demme.

Leikin þáttaröð um líf og störf lögreglumanna í Chicago. Aðalhlutverk: Jason Beghe, Jesse Lee Soffer og Tracy Spiridakos. Þættirnir eru ekki við hæfi barna yngri en 12 ára.

Dönsk heimildarmynd frá 2023 um Bastian og Max sem eru að stíga inn í unglingsárin og þurfa að taka stórar ákvarðanir. Max er nýkominn út sem trans maður og Bastian var úthlutað karlkyni við fæðingu en upplifir sig sem stúlku. Þau íhuga bæði lyfjameðferð til að stöðva kynþroskann en Bastian er hikandi við að taka óafturkræfar ákvarðanir fyrir framtíðina.