Fyrsta umferð Íslandsmótsins í torfæru, Sindratorfæran, fer fram í gryfjunum við Gunnarsholtsveg, austan við Hellu, á morgun laugardag. Það eru Flugbjörgunarsveitin Hellu og Akstursíþróttanefnd Ungmennafélagsins HEKLU sem standa að keppninni en í ár hafa ekki verið fleiri þátttakendur síðan 2006. Hátt í 5000 manns koma árlega til þess að fylgjast með. Kári Rafn Þorbergsson, keppnisstjóri, var á línunni.
Grænlendingar hafa sagt sig úr Norðurlandaráði í mótmælaskyni við það sem forsætisráðherrann, Múte B. Egede, kallar mismunun meðlima ráðsins. Bryndís Haraldsdóttir forseti Norðurlandaráðs og Oddný Harðardóttir varaforseti þess komu til okkar að ræða norrænu pólitíkina.
Drake og Kendrik Lamar, tveir risar í rappheiminum eiga í harðvíruðum útistöðum þessa dagana. Deilurnar hafa að mestu leiti farið fram í formi ásakana í rapptextum en þær náðu mögulega hámarki í fyrradag þegar að lífvörður Drake var skotinn í bringuna fyrir utan heimili rapparans. Hvað er í gangi? Daníel Ólafsson, betur þekktur sem plötusnúðurinn Danni Deluxe fór yfir málið með okkur.
Fréttir vikunnar voru að sjálfsögðu á sínum stað til að koma föstudeginum almennilega í gang. Við fórum yfir það helsta sem var að frétta með menningarspegúlantinum og lestarstjóranum Lóu Björk Björnsdóttur og áhrifavaldinum Tinnu Miljević.
Lagalisti:
Björgvin Halldórsson og Ragga Gísla - Ég gef þér allt mitt líf
The Pretenders - Don't Get Me Wrong
Jóhanna Guðrún Jónsdóttir - Hetjan
Bríet - Sólblóm
Bubbi Morthens og Katrín Halldóra - Án Þín
Kendrick Lamar - Poetic Justice (feat. Drake)
