Helstu fréttir dagsins af innlendum og erlendum vettvangi. Alla daga, árið um kring.

Stefnt að 5 milljarða króna afgangi

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Margrét Helga Erlingsdóttir og Kristján Kristjánsson. Ritstjóri: Sigríður Halldórsdóttir.

Ríkissjóður verður rekinn með fimm milljarða króna afgangi ef fjárlagafrumvarp fjármálaráðherra nær fram að ganga. Stjórnarandstaðan gagnrýnir ríkisstjórnina fyrir að ná hallalausum fjárlögum með hærri álögum og sköttum, sem leggist á almenning. Arna Lára Jónsdóttir, þingmaður Samfylkingarinnar, og Stefán Vagn Stefánsson, þingmaður Framsóknarflokksins, ræða fjárlögin.

Þýski harðlínuflokkurinn AFD vann stórsigur og nærri hreinan meirihluta í sambandslandinu Saxland-Anhalt um helgina. Jóhanna Ýr Bjarnadóttir doktor í stjórnmálafræði í Berlín fer yfir úrslitin með okkur.

Við kynnum okkur líka nýja gamanþætti um ástríðufullar fótboltamömmur, sem kalla ekki allt ömmu sína á hliðarlínunni.

Bein útsending frá setningu Alþingis.

Sigríður Hagalín Björnsdóttir og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Þjóðin hefur svarað spurningunni um það hvort hefja eigi á ný aðildarviðræður við ESB. Svarið var neitandi, en þó standa eftir margar spurningar sem þarf að svara á næstu misserum. Silfrið verður helgað þeim verkefnum sem framundan eru í hagkerfinu og samskiptum Íslands við umheiminn, m.a. í gegnum EES-samninginn og Atlantshafsbandalagið.

Gestir verða Benedikt Gíslason, forstjóri Arion banka, Bergþór Ólason, þingmaður Miðflokksins, Björn Bjarnason, fv. dómsmálaráðherra, Sigríður Mogensen, sviðstjóri hugverka og iðnaðar hjá Samtökum iðnaðarins, Sonja Þorbergsdóttir formaður BSRB og Stefán Pálsson sagnfræðingur og varaborgarfulltrúi Vinstrisins.

Umsjón með þættinum hefur Sigríður Hagalín Björnsdóttir.

Spurningakeppni framhaldsskólanna frá 1994. Spyrill: Stefán Jón Hafstein. Dómari: Ólafur B. Guðnason. Stigavörður: Sólveig Samúelsdóttir. Dagskrárgerð: Andrés Indriðason.

Í þessum úrslitaþætti mætast lið Menntaskólans í Reykjavík og Verzlunarskóla Íslands. Lið Menntaskólans í Reykjavík skipa Sveinn H. Guðmarsson, Ágúst Hauksson og Ólafur Jóhannes Einarsson. Lið Verzlunarskóla Íslands skipa Jón Sigurðsson, Haukur Eggertsson og Hafþór Hafliðason.

Íslenskir viðtalsþættir þar sem skyggnst er inn í líf fólks sem nýtur eftirlaunaáranna á aðdáunarverðan og jákvæðan hátt. Í hverjum þætti fáum við innsýn í líf einnar manneskju, heyrum sögu hennar, lífssýn og lærdóm sem hún hefur dregið af lífinu, auk þess sem við ræðum þær áskoranir sem fylgja því að eldast. Dagskrárgerð: Ragnhildur Steinunn Jónsdóttir. Framleiðsla: Elín Sveinsdóttir.

Hinn 92 ára Rúnar Guðbjartsson ákvað að láta gamlan draum rætast og kaupa sér rauðan blæjubíl. Honum finnst fátt skemmtilegra en að bjóða vinum á rúntinn og hlusta á tónlist. Hann starfaði um áratugaskeið sem flugstjóri. Eftir baráttu við bakkus venti hann kvæði sínu í kross og gerðist sálfræðingur 63 ára. Áföll, sorgir og sigrar lita líf Rúnars sem hefur einsett sér að njóta lífsins á gamans aldri.

Ný sería um hinn skemmtilega Fílsa. Í þessari seríu fer Fílsi í kunnuglega barnaleiki og syngur skemmtileg lög með þér!

Vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Ástsælu Múmínálfar Tove Jansson snúa aftur og lenda í alls kyns skemmtilegum ævintýrum.

Þriðja þáttaröðin um hina vinsælu Blæju og Hælbein fjölskylduna. Daglegt líf fjölskyldunnar gengur sinn vanagang, en hins vegar er enginn dagur eins þegar Blæja og Bára eiga í hlut.

Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Helstu fréttir settar fram á einfaldan og aðgengilegan hátt.

Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.

1. Fjárlagafrumvarpið útskýrt. Endum svo þáttinn á hressum krökkum á Ljósanótt🎉

Þáttaröð í sex hlutum þar sem fjallað er um sameiginlegar minningar íslensku þjóðarinnar á léttan og nýstárlegan hátt. Umsjónarmennirnir Margrét Blöndal og Felix Bergsson leggjast í fullkomlega óvísindalega mannfræðirannsókn til að reyna að skilja íslensku þjóðina betur. Að þessu sinni skoða þau ýmsa þætti í íslensku mannlífi sem flestir þekkja. Dagskrárgerð: Ragnheiður Thorsteinsson.

Í þættinum fjalla Bergsson og Blöndal um það rómantískasta sem fyrirfinnst á Íslandi: sjómennskuna. Við sögu koma óskalög sjómanna, ástir og ævintýr, brimhljóð og veðragnýr og að sjálfsögðu síldin - en einnig Morthens-bræðurnir sem gerðu sitt besta til að eyðileggja glansmyndina.

Helstu fréttir dagsins af innlendum og erlendum vettvangi. Alla daga, árið um kring.

Með rauða spjaldið þegar kemur að námsárangri

Íþróttafréttir.

Veðurfréttir.

Heimildarþáttaröð frá BBC. Simon Reeve ferðast um skóga, firði og túndru Norðurlandanna til að komast að því hvað gerir samfélögin þar að þeim hamingjusömustu og jöfnustu í heimi.

Dönsk glæpaþáttaröð frá 2026. Þegar lögreglunemi skýtur ungan mann við handtöku vakna upp spurningar um valdbeitingu og þjálfun lögreglunnar. Þrýstingur á nýjan skólastjóra lögregluskólans eykst og bæði nemendur og starfsfólk þurfa að horfast í augu við þá miklu ábyrgð sem fylgir því að klæðast einkennisbúningi lögreglunnar. Aðalhlutverk: Marco Ilsø, Clara Rosager og Lene Maria Christensen. Þættirnir eru ekki við hæfi barna yngri en 16 ára.

Lögreglumaðurinn Andri Ólafsson snýr aftur í annarri þáttaröð þessara vinsælu íslensku spennuþátta. Reynt er að ráða iðnaðarráðherra af dögum á Austurvelli og Andra er falið að stýra rannsókn málsins sem leiðir hann á kunnugar slóðir norður á landi. Ýmis leyndarmál leynast í sveitunum í kring og þegar starfsmaður jarðvarmavirkjunar finnst myrtur er ljóst að málið er umfangsmeira en það virtist í fyrstu. Leikstjórn: Baltasar Kormákur, Börkur Sigþórsson, Ugla Hauksdóttir og Óskar Þór Axelsson. Aðalhlutverk: Ólafur Darri Ólafsson, Ilmur Kristjánsdóttir og Ingvar E. Sigurðsson. Framleiðsla: RVK Studios. Þættirnir eru ekki við hæfi barna yngri en 12 ára.

Uppspretta mengunarinnar finnst uppi á fjalli þar sem eiturefnaúrgangur hefur lekið út í stöðuvatn. Andri og Hinrika reyna að finna tengingu milli morðanna og eiturefnanna. Þórhildi er ekki lengur óhætt í bænum og Laufey frænka hennar tekur að sér að keyra hana til Reykjavíkur til að koma henni í öruggt skjól. En þjóðvegurinn býr yfir ýmsum hættum.

Fjórða og síðasta þáttaröðin um ítölsku vinkonurnar Elenu og Lilu. Þættirnir eru byggðir á Napólí-sögum rithöfundarins Elenu Ferrante, sem farið hafa sigurför um heiminn. Vinkonurnar eru á fullorðinsaldri og lifa ólíku lífi en vináttan heldur enn. Aðalhlutverk: Alba Rohrwacher, Irene Maiorino og Fabrizio Gifuni. Þættirnir eru ekki við hæfi barna yngri en 12 ára.