%20rotate(-0.09)%22%2F%3E%3Cpath%20d%3D%22M12%2C0A12%2C12%2C0%2C0%2C0%2C0%2C12v0A12%2C12%2C0%2C0%2C0%2C12%2C24h0A12%2C12%2C0%2C0%2C0%2C12%2C0ZM9.62%2C19.43v-4H7.74v4H5l0-13a.87.87%2C0%2C0%2C1%2C.22-.55l1.1-1.13a.67.67%2C0%2C0%2C1%2C.55-.22H10.5a.7.7%2C0%2C0%2C1%2C.55.22l1.11%2C1.16a.82.82%2C0%2C0%2C1%2C.22.52l0%2C13Zm4.54%2C0%2C0-14.89h2.78V17.08h2.48v2.34Z%22%2F%3E%3C%2Fsvg%3E)
Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
- Aðgengilegt eingöngu á Íslandi
- Endursýnt
Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?
- Aðgengilegt eingöngu á Íslandi
- Endursýnt
Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?
- Aðgengilegt eingöngu á Íslandi
- Endursýnt
Velkomin til Eplabæjar. Eplabær er svo daufur og óspennandi að hann hefur verið tekinn út af landakortum. En ef betur er að gáð fela jafnvel mestu leiðindin í sér ævintýri. Stundum getur ómerkilegasti staðurinn orðið vettvangur stórkostlegra uppátækja – ef ímyndunaraflið fær að ráða.
- Aðgengilegt eingöngu á Íslandi
- Endursýnt
Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.
Þyrstur og uppgefinn kemur hópurinn að vin í eyðimörkinni. Þau falla niður í kongungsríki nykranna. Eftir að hafa borðað matinn þeirra fara Brynhildur og Guðrún að tala á nykurtungu en Ormhildur virðist ónæm fyrir þessum göldrum. Hún fær óvænt hjálp frá agnarsmáu nátttrölli sem heitir Kubbur. Nykurkóngurinn vill að þau verði sendiherrar og fái íbúa Breiðholtseyju til að hætta að notfæra sér nykrana á eyjunni. Álfur, sem er orðinn skeggjaður, sér þau skjótast út úr vininni.
- Aðgengilegt eingöngu á Íslandi
- Endursýnt
Serían gerist í litríkum og súrsætum skrímsla heimi þar sem fjölbreytt skrímsli búa í sátt og sæti. Í hverjum þætti kynnumst við nýju skrímsli sem býr yfir vægast sagt sérstökum eiginleikum. Kíkjum við og sjáum hvað setur, kannski við getum kynnst þeim aðeins betur.
Finni Krumpa prumpuskrímsli fólk í vanda, tekur hún til sinna handa. Hún sturtar í sig nokkrum rúsínum og þá þýtur hún prumpandi af stað. Hún flýgur um allt, hátt og lágt með prumpuský í eftirdragi. Best að halda niðri í sér andanum skyldi hún fljúga fram hjá!
- Endursýnt
Spennandi spurningaþáttur í beinni útsendingu þar sem baggalúturinn Guðmundur Pálsson og sjónvarpskonan Sigrún Ósk Kristjánsdóttir halda um stjórnartaumana. Fulltrúar bæjarfélaga um allt land spreyta sig á spurningum, glíma við heilabrot og leysa ýmsar þrautir. Hvaða lið stendur uppi sem landsmeistari? Stjórn útsendingar: Sturla Skúlason.
Ísafjörður mætir Seltjarnarnesi. Keppendur frá Ísafirði eru Sunna Karen Einarsdóttir, Þórunn Arna Kristjánsdóttir og Greipur Gíslason. Keppendur frá Seltjarnarnesi eru Eva María Jónsdóttir, Killian G.E. Briansson og Melkorka Gunborg Briansdóttir.
- Endursýnt
Stuttir þættir þar sem rætt er við vísindamenn um hvaða áhrif loftslagsbreytingar geta haft á villta náttúru Íslands. Þættirnir eru unnir í samvinnu við Náttúrufræðistofnun Íslands. Dagskrárgerð: Guðbergur Davíðsson og Konráð Gylfason. Framleiðsla: Ljósop.
Í þættinum er rætt við vísindamenn um ref, mink, hagamús og hreindýr og um möguleg áhrif loftslagsbreytinga á þessi villtu spendýr í náttúru Íslands.
- Dagskrárliðurinn er textaður
- Aðgengilegt eingöngu á Íslandi
- Endursýnt
Íslensk heimildarþáttaröð í sex hlutum þar sem skyggnst er inn í heim tvíbura og sagðar persónulegar sögur. Í þáttunum er fylgst með því líffræðilega undri sem á sér stað þegar tvíburar verða til og þeim sterku tengslum sem virðast fylgja flestum tvíburum út lífið. Hvaða helstu áskoranir bíða tvíbura, búa þeir yfir meiri samkennd en aðrir, hversu samtaka í lífinu eru þeir og hugsa þeir jafnvel eins? Umsjón og framleiðsla: Ragnhildur Steinunn Jónsdóttir og Eiríkur Ingi Böðvarðsson.
Tvíburasambönd eru ólík. Sumir tvíburar vilja vera saman öllum stundum en aðrir þurfa rými og fjarlægð til að líða sem best. Í þessum þætti er veitt innsýn í samband tvennra tvíbura. Annars vegar Atla Freys og Breka Freys sem eru tvíeggja tvíburar og saman öllum stundum og hins vegar eineggja tvíburasystra, Védísar og Höllu, sem segja mikilvægt að tvíburar fái rými til að þroskast sem einstaklingar.
- Dagskrárliðurinn er textaður
- Endursýnt
Heimildarþáttur frá 2014 þar sem fjallað er um Egils sögu og sagt frá Agli Skallagrímssyni á tveimur æviskeiðum. Fyrst er fjallað er um uppvaxtarár Egils á Borg á Mýrum og síðar sagt frá Agli á miðjum aldri og rætt um kvæðið „Sonatorrek“. Framleiðandi: Sögubókin.
- Dagskrárliðurinn er textaður
- Endursýnt
Þáttaröð í tíu hlutum um íslenskar kvikmyndir allt frá fyrri hluta 20. aldar til samtímans. Í hverjum þætti er ákveðið tímabil tekið fyrir, fjallað um kvikmyndir þess tímabils og sýndir valdir hlutar úr þeim. Rætt er við á annað hundrað kvikmyndagerðarmenn, leikara og kvikmyndasérfræðinga um verkin og margvíslega fleti íslenskrar kvikmyndagerðar. Leikstjóri: Ásgrímur Sverrisson.
Íslenskum kvikmyndum fjölgar mikið á öðrum áratug 21. aldar og undir lok hans fjölgar konum í hópi kvikmyndahöfunda. Áhersla á gamanmyndir annars vegar og dramatískar myndir hins vegar verður skarpari. Leiknum þáttaröðum fjölgar og þær njóta velgengni á erlendum vettvangi. Hér eru lykilmyndirnar Andið eðlilega, Svanurinn, Agnes Joy, Málmhaus, Vonarstræti, Lof mér að falla, Undir trénu og Svartur á leik.
- Dagskrárliðurinn er textaður
- Endursýnt
Ferskur og hispurslaus þáttur fyrir ungt fólk. Katrín og Unnsteinn halda áfram að kryfja ýmis óvenjuleg en aðkallandi málefni út frá skemmtilegu sjónarhorni og leita svara við spurningum sem brenna á ungu fólki í dag. Umsjón: Katrín Ásmundsdóttir og Unnsteinn Manuel Stefánsson. Framleiðandi: Sævar Guðmundsson.
- Dagskrárliðurinn er textaður
- Endursýnt
Heimildarþættir um lið ÍA sem vann einstakt afrek í íslenskri knattspyrnusögu þegar það varð Íslandsmeistari karla fimm ár í röð á árunum 1992-1996. Í þáttunum fara þjálfarar, leikmenn, andstæðingar, stjórnarmenn, stuðningsfólk og fjölmiðlafólk yfir þetta tímabil.
Árið 1992 léku Skagamenn í efstu deild á ný. Sterk kynslóð ungra leikmanna lét að sér kveða í meistaraflokki þar sem tvíburarnir Arnar og Bjarki Gunnlaugssynir voru í stórum hlutverkum. Sigurður Jónsson sneri heim á Skagann frá Englandsmeisturunum Arsenal eftir slæm meiðsli.
- Dagskrárliðurinn er textaður
- Aðgengilegt eingöngu á Íslandi
- Endursýnt
Þáttaröð um nýsköpun, skapandi hugsun og iðngreinar. Í þáttunum fylgjumst við með nýsköpunarkeppni ungs fólks í áttunda til tíunda bekk þar sem þátttakendur fá að þróa hugmyndir sínar í flottar frumgerðir. Einnig sjáum við hvernig raftónlistarmaðurinn Daði Freyr býr til nýtt hljóðfæri með aðstoð Fab Lab á Íslandi og skoðum hvernig iðngreinar hafa áhrif á nýsköpun. Þættirnir eru í umsjón Daða Freyr Péturssonar og Berglindar Öldu Ástþórsdóttur. Dagskrárgerð: Eiríkur Ingi Böðvarsson.
- Dagskrárliðurinn er textaður
- Endursýnt
Krakkarnir bjarga vinum sínum Lofti og Sjón úr svartholinu – eða hvað? Nýjar og dularfullar verur koma í þeirra stað! Nú þurfa krakkarnir að finna hið sanna Loft og hina sönnu Sjón, en leiðin er full af ævintýrum og gleymdum minningum.
Krakkarnir keppa í Sunnudegi og sigurvegararnir fá að heimsækja Loft. En heimsóknin tekur óvænta stefnu þegar Loft byrjar að hegða sér undarlega — og stelur minningum frá Oddi. Áróra grípur inn í og kemst að því að þetta er alls ekki hið sanna Loft!
- Dagskrárliðurinn er textaður
- Endursýnt
Gleðiverkfæri Gleðiskruddunnar eru þættir sem byggjast á hugmyndafræði jákvæðrar sálfræði. Í hverjum þætti er eitt gleðiverkfæri kynnt sem hefur þann tilgang að efla sjálfsþekkingu, jákvæðar tilfinningar, auka vellíðan, bjartsýni og von og um leið aðstoða börn og ungmenni að takast á við verkefni og áskoranir daglegs lífs. Verkefni tengd þættinum má finna á glediskruddan.is
Umsjón: Marit Davíðsdóttir og Yrja Kristinsdóttir.
Hvað er núvitund og af hverju er hún gagnleg? Í þessum þætti lærum við um núvitund og hvað það þýðir að vera í núvitund.
- Dagskrárliðurinn er textaður
- Endursýnt
Kristín og Arnór kynnast dularfullri stelpu sem grunar sögukennarann um eitthvað skuggalegt. Hvað ætli sé í gangi hjá honum Sigurjóni sögukennara?
Leikarar: Kristín Erla Pétursdóttir, Arnór Orri Atlason, Arnþrúður Karen Viktorsdóttir, Agnes Wild og Karl Pálsson. Dagskrárgerð: Eva Rún Þorgeirsdóttir og Elvar Egilsson
Arnór og Amma leggja af stað í hetjulegan björgunarleiðangur. Þau læðast inn í Skjalasafnið og finna Sigurjón sögukennara þar sem hann hefur bundið Addú fasta við stól. Þá taka þau málin í sínar hendur.
- Dagskrárliðurinn er textaður
- Endursýnt
Sigyn Blöndal fær fluggáfaða krakka til að hjálpa sér að leysa ráðgátur um land allt.
Við erum stödd í Vestmannaeyjum og þeir Patrekur Þór Magnússon og Andri Erlingsson ætla að rannsaka hvort það sé satt að sjóræningjar hafi komið til Vestmannaeyja í gamla daga.
Ótrúlega spennandi leiðangur sem endar á Ræningjatanga.
- Endursýnt
Sextánda þáttaröð þessara margverðlaunuðu þátta sem vakið hafa athygli fyrir nýstárleg og frumleg efnistök. Fólk með þroskahömlun vinnur þættina með fagfólki í sjónvarpsgerð og miðlar þannig fjölbreytileika íslensks samfélags. Dagskrárgerð: Elín Sveinsdóttir.
Í þessum þætti eigum við samtal við Þorgerði Katrínu, utanríkisráðherra okkar landsmanna. Við förum mikinn á helsta björgunarbáti Suðurnesja og kynnumst nýjasta sporti fatlaðs fólks, badminton, eða hniti. Við fylgjumst með kokkunum okkar og fjöllum um atvinnumál og listsköpun fatlaðra.
- Dagskrárliðurinn er textaður
- Endursýnt
Helstu fréttir dagsins af innlendum og erlendum vettvangi. Alla daga, árið um kring.
- Dagskrárliðurinn er textaður
Íþróttafréttir.
- Dagskrárliðurinn er textaður
Veðurfréttir.
- Dagskrárliðurinn er textaður sjálfvirkt
Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Hafsteinn Vilhelmsson, Þórdís Claessen og Amanda Guðrún Bjarnadóttir. Dagskrárgerð: Jóhannes Jónsson, Björgvin Kolbeinsson, Benedikt Nikulás Anes Ketilsson, Adelina Antal og Hjalti Stefánsson.
- Dagskrárliðurinn er textaður
Íslenskir viðtalsþættir þar sem skyggnst er inn í líf fólks sem nýtur eftirlaunaáranna á aðdáunarverðan og jákvæðan hátt. Í hverjum þætti fáum við innsýn í líf einnar manneskju, heyrum sögu hennar, lífssýn og lærdóm sem hún hefur dregið af lífinu, auk þess sem við ræðum þær áskoranir sem fylgja því að eldast. Dagskrárgerð: Ragnhildur Steinunn Jónsdóttir. Framleiðsla: Elín Sveinsdóttir.
Guðni Guðmundsson, bóndi á Þverlæk í Holtum, er kvikur og knár þrátt fyrir að vera 92 ára. Hann sinnir daglegum fjósaverkum auk þess sem hann hefur gengið með vegum á Suðurlandi í um tvo áratugi og tínt dósir til styrktar íþróttastarfi í sveitarfélaginu. Hann var sæmdur riddarakrossi 2022 fyrir framlag sitt til umhverfisverndar og samfélagsþjónustu.
- Dagskrárliðurinn er textaður
Belgískir spennuþættir frá 2025. Árið er 1936 og hópur súrrealista, þar á meðal ungur Salvador Dalí og René Magritte, kemur saman á ensku sveitasetri. Þegar morð er framið liggja allir undir grun. Aðalhlutverk: Pierre Gervais, Stephen Tompkinson og Donna Banya. Þættirnir eru ekki við hæfi barna yngri en 12 ára.
- Aðgengilegt eingöngu á Íslandi
Bandarískur vestri frá 1966 í leikstjórn Gordons Douglas. Ólíklegur hópur samferðafólks á leið til Cheyenne í póstvagni tekur höndum saman til að lifa af áhættusamt ferðalag og árásir frumbyggja. Aðalhlutverk: Ann-Margret, Alex Cord og Red Buttons. Myndin er ekki við hæfi barna yngri en 16 ára.
%22%2F%3E%3C%2Fsvg%3E)
- Aðgengilegt eingöngu á Íslandi
Helstu fréttir dagsins af innlendum og erlendum vettvangi. Alla daga, árið um kring.
