Helstu fréttir dagsins af innlendum og erlendum vettvangi. Alla daga, árið um kring.

Boða til fundar vegna ólgu í Samfylkingunni

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Jafnvægisæfingar. Gott að hafa eitthvað til að styðja sig við eins og stól eða borð.

Spurningakeppni sveitarfélaga frá 2018. Þátttakendur að þessu sinni eru lið frá þeim sveitarfélögum sem komust í úrslit árin á undan eða hafa oftast komist nálægt því. Umsjónarmenn eru Guðrún Dís Emilsdóttir og Sólmundur Hólm. Spurningahöfundur og dómari er Jón Svanur Jóhannsson. Stjórn útsendingar: Helgi Jóhannesson.

Lið Norðurþings: Snæbjörn Sigurðsson, Þóra Hallgrímsdóttir, Daníel Freyr Birkisson

Lið Kópavogs: Katrín Júlíusdóttir, Kolbeinn Marteinsson, Skúli Þór Jónsson

Viðtals- og tónlistarþáttaröð í umsjón Jóns Ólafssonar. Jón fær til sín ýmsa tónlistarmenn í spjall og saman laða þeir fram ljúfa tóna. Dagskrárgerð: Jón Egill Bergþórsson.

Guðríður Helgadóttir garðyrkjufræðingur fjallar um flest sem heyrir til garðvinnu; jurtir og blómaskrúð. Um dagskrárgerð sér Björn Emilsson.

Gurrý ræðir um skipulag garða við landslagsarkitektinn Samson Bjarnar Harðarson, skiptir begóníublómi og heimsækir skemmtilegan garð Kristínar Ólafsdóttur og Kristjáns E. Jónssonar í Hveragerði.

Leikir á HM karla í fótbolta.

Leikur Spánar og Grænhöfðaeyja á HM karla í fótbolta.

Stutt umfjöllun Sumarlandans sem var á flakki sumarið 2023 og hitti landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring.

Appelsínufílsi, Píví og Fílsi litli búa í helli ofan í jörðinni. Það gerist margt skemmtilegt og stundum skrýtið í ævintýraheimi þeirra.

Andri og Edda eru á sama leikskóla og eru bestu vinir. Bæði eiga þau tuskudýr sem lifna við og eiga samleið líkt og eigendur þeirra.

Stutt innslög frá þeim Jasmín og Jómba þar sem þau tala um tónlist og tónfræði.

Íslensk tónlistarmyndbönd.

Lag: Strange Days

Flytjandi: Pale Moon

Höfundar: Árni Guðjónsson og Natalia Sushchenko

Helstu fréttir dagsins af innlendum og erlendum vettvangi. Alla daga, árið um kring.

Hringdi sjö sinnum út hjá Neyðarlínunni

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.

Það er í mörg horn að líta fyrir samgönguráðherra þessi dægrin. Mikil röskun hefur verið á samgöngum til Vestmannaeyja það sem af er ári. Nú hefur vélarbilun í Herjólfi verið leyst með því að nota Breiðafjarðarferjuna Baldur sem staðgengil, sem bitnar á samgöngum og ferðaþjónustu á Vestfjörðum. Eyjólfur Ármannsson samgönguráðherra fer yfir þessi mál og nýsamþykkta samgönguáætlun.

Þótt reykingar séu á undanhaldi hefur nikótínfíkn fundið sér annan farveg í formi munnpúða, sem njóta sívaxandi vinsælda - ekki síst meðal ungs fólks. Charlotta Holm Pisinger er einn helsti sérfræðingur Dana í tóbaksvörnum. Kastljós tók hana tali.

Þriðja þáttaröð þessara stórbrotnu náttúrulífsþátta með David Attenborough um Jörðina, náttúru hennar og dýralíf á öllum árstíðum. Þættirnir eru talsettir á íslensku en sýndir með ensku tali á RÚV 2.

Norskir heimildarþættir frá 2023. Fylgst er með fólki sem hefur elt drauma sína um einfaldara líf og býr nú á afskekktum stöðum fjarri ys og þys borgarlífsins.

Norsk leikin þáttaröð frá 2025. Samísk kona bindur vonir við að 3000 gesta brúðkaup sonar hennar lyfti henni ofar í metorðastiganum. Hún fær börnin sín til að skippuleggja stórveisluna en sá hængur er á að systkinunum kemur alls ekki vel saman. Undirbúningurinn einkennist af fjölskylduerjum og algjörri ringulreið þar sem gömul leyndarmál leita upp á yfirborðið. Aðalhlutverk: Sara Margrethe Oskal, Ánte Siri og Inga Márjá Utsi. Þættirnir eru ekki við hæfi barna yngri en 12 ára.

Sænskir hryllingsþættir frá 2025 byggðir á samnefndri skáldsögu eftir Mats Strandberg. Eitthvað illt leynist um borð í ferju á leið milli Svíþjóðar og Finnlands og þegar fjarskiptasamband rofnar um miðja nótt er engin undankomuleið. Aðalhlutverk: Tuppence Middleton, Kolbjörn Skarsgård, Björn Bengtsson og Jessica Grabowsky. Þættirnir eru ekki við hæfi barna yngri en 16 ára.

Heimildarþáttur þar sem rýnt er í tónlistarmyndbönd poppstjörnunnar Whitney Houston. Rætt er við leikstjóra, danshöfunda, gagnrýnendur og söngkonuna sjálfa.

Samantekt frá leikjum dagsins á HM karla í fótbolta.

Leikir á HM karla í fótbolta.

Leikur Íran og Nýja-Sjálands á HM karla í fótbolta.