Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Hvassahraun er mögulega enn álitlegur kostur fyrir innanlandsflugvöll, þrátt fyrir eldsumbrot á Reykjanesskaga. Þetta er niðurstaða starfshóps sem skipaður var fyrir fjórum árum til að gera úttekt á Hvassahrauni með tilliti til veðurfars, áhrifa á þjónustu og náttúruvár. Eyjólfur Árni Rafnsson, formaður starfshópsins, var gestur Kastljóss.

Rick Rosenthal er líffræðingur og kvikmyndagerðarmaður, sem hefur sérhæft sig í náttúrulífsmyndum. Nýlega kom út mynd um hvali sem hann gerði í samvinnu við David Attenborough. Rosenthal vinnur nú að heimildarmynd um atlantshafslaxinn. Við hittum hann á bökkum Elliðaáa, sem hann segir einstakar á heimsvísu.

Leikfélag Akureyrar frumsýnir Litlu hryllingsbúðina innan tíðar. Við litum á æfingu fyrir norðan.

Fréttatengdur skemmtiþáttur þar sem keppendur spreyta sig á misalvarlegum spurningum sem sóttar eru í glóðvolgar fréttir og gamlar í bland. Stjórnandi og spyrill er Kristjana Arnarsdóttir og henni til halds og trausts er fréttamaðurinn Birta Björnsdóttir. Framleiðsla: RÚV.

Keppendur eru Gunnar Reynir Valþórsson, Júlía Margrét Einarsdóttir, Kamilla Einarsdóttir og Vignir Rafn Valþórsson

Viðtals- og tónlistarþáttaröð í umsjón Jóns Ólafssonar. Jón fær til sín ýmsa tónlistarmenn í spjall og saman laða þeir fram ljúfa tóna. Dagskrárgerð: Jón Egill Bergþórsson.

Danskir heimildarþættir þar sem sex pör sem hafa verið gift í fjölda ára deila sögum úr hjónabandinu. Hvernig er það að eyða meirihluta ævinnar saman? Er hægt að elska sömu manneskjuna allt sitt líf?

Íslensk þáttaröð í átta hlutum um líf fólks sem býr við skerta starfsgetu og/eða líkamlega fötlun af ýmsum toga. Í þáttunum fylgjumst við með fólki á öllum aldri, víða um land, í ýmsum störfum og með ólíka fötlun og fjölskyldugerð. Dagskrárgerð: Elín Sveinsdóttir. Framleiðsla: SERES hugverkasmiðja.

Í þessum þætti segir Unnar Erlingsson sögu sína. En þó að hann veikist að jafnaði tuttugu sinnum á ári af ókunnum ástæðum trúir hann því að fullur bati sé innan seilingar.

Danskir þættir um ungt fólk sem á það sameiginlegt að standa frammi fyrir erfiðleikum í lífi sínu og þurfa að finna leið til að kljást við þá.

Nýir þættir sem fjalla um hringrásarhagkerfið, þar sem hlutir og hráefni fara í hring og eins manns rusl verður annars fjársjóður. Umsjón: Sigríður Halldórsdóttir og Freyr Eyjólfsson. Framleiðsla: Republik.

Stjörnukokkur slær upp veislu úr hráefnum sem hefðu annars endað í ruslinu og við hittum ruslara sem dýfa sér í gáma í leit að mat. Á Hallormsstað eru eldaðar krásir úr hráefnum sem alla jafna er fúlsað við og hjá Landgræðslunni í Gunnarsholti eru gerðar tilraunir til uppgræðslu með ýmsum brögðum.

Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Ólivía er sniðug svínastelpa sem tæklar hversdaginn með frumlegum leiðum. Hún dettur gjarnan í dagdrauma og hefur að auki sett sér ýmsar sniðugar lífsreglur.

Háværa ljónið Urri og félagar ferðast í gegnum frumskóginn. Á leiðinni lenda þau í skemmtilegum ævintýrum og þurfa að takast á við áskoranir og leita lausna í sameiningu.

Gamansamir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það, enda eru ævintýrin hjá stórri fjölskyldu mörg og ímyndunaraflið mikið.

Kráka sem heldur að hún sé hvolpur gerir Edda strútapabba alveg vitlausan!

Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.

Íslensk tónlistarmyndbönd.

Vikinglottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

Fyrsta Kilja haustvertíðarinnar er á dagskrá RÚV miðvikudagskvöldið 2. okt. kl. 20.05. Í þættinum verður rætt við rithöfundinn Salman Rushdie, handhafa bókmenntaverðlauna Halldórs Laxness. Finnski höfundurinn Satu Rämö er búsett á Ísafirði, hún talar reiprennandi íslensku, og hefur slegið í gegn með spennusögunni Hildi - Satu er gestur í þættinum. Gerður Kristný segir frá nýrri ljóðabók sinni sem nefnist Jarðljós og flytur kvæði úr bókinni. Þorkell Gunnar Sigurbjörnsson ræðir við okkur um bók sína Með harðfisk og hangikjöt að heiman, en þar segir frá þátttöku Íslendinga á Ólympíuleikunum í London 1948. Frá hinu nýfrjálsa ríki fór fríður flokkur en það var skortur á ýmsu enda stutt liðið frá styrjöldinni miklu. Og fræknasti íþróttamaðurinn var á valdi Bakkusar. Rýnar þáttarins fjalla um þjár bækur: Voðaverk í Vesturbænum eftir Jónínu Leósdóttur, Þessa djöfulsins karla eftir Andrev Walden og Hníf eftir Salman Rushdie.

Upptökur frá tónleikum Sinfóníuhljómsveitar Íslands í Hörpu.

Ólafur Kjartan Sigurðarson syngur aríur úr nokkrum af dáðustu óperum Richards Wagner, auk þess sem grípandi og áhrifamiklir óperuforleikir meistarans fá að hljóma undir stjórn Evu Ollikainen, aðalhljómsveitarstjóra Sinfóníuhljómsveitar Íslands.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Breskir heimildarþættir frá 2022. Louis Theroux snýr aftur til Bandaríkjanna til að kanna áhrif internetsins og samfélagsmiðla á fólk í umdeildustu kimum samfélagsins. Þættirnir eru ekki við hæfi barna yngri en 12 ára.

Heimildarmynd frá BBC um stöðu svartra Bandaríkjamanna hálfri öld eftir að mannréttindalög tóku gildi í landinu, sem áttu að koma í veg fyrir kynþáttamisrétti. Myndin varpar ljósi á augnablik þar sem Bandaríkin höfðu kost á að gerast jafnara þjóðfélag og fjallað um hvers vegna svo varð ekki.