Umræðuþáttur í beinni útsendingu þar sem fólkið í landinu varpar fram spurningum og stendur fyrir máli sínu. Á Torginu er talað um málefnin sem rædd eru af kappi á kaffistofum landsins.
Mikil umræða hefur verið að undanförnu um ungt fólk í samfélaginu. Hún hefur að miklu leyti snúist um ofbeldi og vanlíðan en spurningin er hvort verið sé að draga upp of dökka mynd. Á Torginu var hópur ungs fólks til svara um þeirra líðan, samfélagið sem þeim hefur verið búið og leiðir til að bæta það.
Viðmælendur í pallborði voru:
Kristján Ernir Björgvinsson, sem hefur framleitt heimildarþætti um veruleika ungmenna í neyslu
Isabel Alejandra Díaz, fréttamaður og fyrrverandi formaður Stúdentaráðs Háskóla Íslands
Jóhann Kristófer Stefánsson, leikari og fjölmiðlamaður
Katrín Jónsdóttir starfsmaður Flotans, flakkandi félagsmiðstöðvar og aðstoðarforstöðumaður í félagsmiðstöðinni í 105
Jörundur Orrason, menntaskólanemi
Estefan Leó Haraldsson, samfélagsmiðlastjarna
Embla María Möller Atladóttir, forseti Sambands íslenskra framhaldsskólanema
Nýir þættir sem fjalla um hringrásarhagkerfið, þar sem hlutir og hráefni fara í hring og eins manns rusl verður annars fjársjóður. Umsjón: Sigríður Halldórsdóttir og Freyr Eyjólfsson. Framleiðsla: Republik.
Hvað er hringrásarhagkerfi? Við fáum svar við því. Einnig veltum við fyrir okkur verðmætunum sem eru fólgin í öllum textílnum í kringum okkur og hittum hugmyndaríkt fólk sem leitar leiða til þess að nýta hann vel og lengi.
Íslensk þáttaröð í átta hlutum um líf fólks sem býr við skerta starfsgetu og/eða líkamlega fötlun af ýmsum toga. Í þáttunum fylgjumst við með fólki á öllum aldri, víða um land, í ýmsum störfum og með ólíka fötlun og fjölskyldugerð. Dagskrárgerð: Elín Sveinsdóttir. Framleiðsla: SERES hugverkasmiðja.
Í þessum þætti þætti segir Már Gunnarsson sögu sína. Hann tapaði sjóninni ungur að aldri en jákvæðnin hefur fært honum ótal sigra í íþróttum og tónlist.
Danskir heimildarþættir. Markaðssetning áhrifavalda er orðin að iðnaði sem veltir milljörðum. Við fylgjumst með þremur farsælum umboðsmönnum sem gera ábatasama samninga milli eigenda vörumerkja og áhrifavalda.
Þáttaröð þar sem Gunnlaugur Helgason húsasmiður leiðir áhorfendur í allan sannleika um hver fyrstu skrefin eru þegar taka á húsnæði í gegn. Gulli hefur verið fengin til þess að koma lagi á kjallara í 65 ára gömlu húsi í Reykjavík. Óþefur og ýmis konar skordýr hafa hrjáð þá sem kjallarinn hefur hýst um nokkurn tíma og greinilegt er að húsið er komið á tíma. Undir leiðsögn Gulla og fagmanna á hverju sviði vinna íbúar og eigendur húsnæðisins, ásamt vinum og ættingjum að breytingunum. Dagskrárgerð: Hrafnhildur Gunnarsdóttir. Framleiðandi: Krummafilms.
Þá er það lokasnúningurinn á því að gera húsnæðið klárt. Ýmsir smáhlutir, og stórhlutir, koma í hús og við heimsækjum fyrirtæki á Akureyri sem framleiðir rafmagnsdósir. Daníel Hjörtur mætir í garðinn og sker út skúlptúr í trjástubb fyrir utan. Hann sýnir okkur heita pottinn sinn og stúdíó í Keflavík en þar rekur hann gistiheimilið Guesthouse 1x6. Hilmir Ingi Jónsson rafvirki sýnir okkur uppfinningu sína sem gerir honum kleift að greina óæskilegt álag á öryggjum. Að lokum kennir Gulli okkur að parketleggja og þá má fara að flytja inn í nýja fína kjallarann sem nú er laus við skordýr og óværu.
Sænskir matreiðsluþættir frá 2023. Grínistinn David Batra og fréttakonan Malin Mendel ætla að opna veitingastað á Indlandi. Þau ákveða hvað verður á matseðlinum með því að prófa sig áfram í að elda klassíska indverska rétti og gamlar fjölskylduuppskriftir.
Sprenghlægilegir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það enda eru ævintýrin hjá stórri fjölskyldu mörg og ímyndunaraflið mikið.
Eddi strútapabbi er hræddur um að dóttir hans slasi sig, ef hún djögglar of þungum hlutum. Hann verður að trufla sýninguna áður en það gerist.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.
Óskar Kemp lenti í bílslysi á Reykjanesbraut árið 2018 og hlaut alvarlegan heilaskaða í kjölfarið. Sex árum síðar fær hann enn ekki fulla þjónustu heima fyrir og fyrir stuttu var honum synjað um næturþjónustu, þrátt fyrir að læknar telji hann þurfa stuðning allan sólarhringinn. Við settumst niður með Indu Hrönn, eiginkonu Óskars.
Heiða Björg Hilmisdóttir borgarfulltrúi og formaður Velferðarráðs kom í kjölfarið í myndver og ræddi mál Óskars í sambærilegri stöðu. Hún ræddi líka stöðu félagsmiðstöðva. Mikilvægi þeirra hefur verið mikið rætt á síðustu vikum en um áramót voru opnunartímar þeirra styttir í Reykjavík.
Íslenski dansflokkurinn sýndi opnunaratriði þegar ný danshöll var vígð í Kaupmannahöfn á dögunum. Kastljós var á staðnum.
Fjórtánda þáttaröð þessara margverðlaunuðu þátta sem vakið hafa athygli fyrir nýstárleg og frumleg efnistök. Fólk með þroskahömlun vinnur þættina með fagfólki í sjónvarpsgerð og miðlar þannig fjölbreytileika íslensks samfélags. Umsjón: Andri Freyr Hilmarsson, Ásgeir Tómas Arnarson, Elva Björg Gunnarsdóttir, Katrín Guðrún Tryggvadóttir, Magnús Orri Arnarson og Steinunn Ása Þorvaldsdóttir. Dagskrárgerð: Elín Sveinsdóttir.
Við skoðum árangur Listvinnslunnar í þágu fatlaðs listafólks og skellum okkur í Skyrgerðina í Hveragerði til að smakka. Einnig hittum við Jón í starfi hans hjá Efnalaug á Selfossi, kynnumst því hvernig Golfsambandið ætlar að gera gangskör í þjálfun fatlaðra kylfinga og heimsækjum Seðlabankann við Kalkofnsveg. Í Tvennunni er rætt við feðginin Eddu Sif Pálsdóttur og Pál Magnússon. Loks kynnumst við samningi Sameinuðu þjóðanna um réttindi fatlaðs fólks.
Portúgalskir spennuþættir frá 2023. Sagnfræðiprófessorinn Tomás de Noronha er sérfræðingur í dulritun og fornmálum. Þegar hann er fenginn til að ráða dularfull skilaboð hefst atburðarás sem gæti breytt heimssögunni. Þáttaröðin er byggð á samnefndri skáldsögu eftir José Rodrigues dos Santos. Aðalhlutverk: Paulo Pires, Deborah Secco go Ana Sofia Martins. Þættirnir eru ekki við hæfi barna yngri en 12 ára.
Víetnömsk heimildarmynd frá 2021. Di er þrettán ára stúlka sem býr í fjallaþorpi í Norður-Víetnam. Hún tilheyrir ættflokknum Hmong þar sem venjan er að stúlkur giftist mjög ungar. Í skólanum lærir Di hins vegar að hún hefur val um annars konar líf. Leikstjóri: Ha Le Diem.
Önnur þáttaröð áströlsku spennuþáttanna um Meghan og Agöthu. Tvö ár eru síðan þær hittust fyrir tilviljun með ófyrirséðum afleiðingum og nú situr Meghan í gæsluvarðhaldi fyrir morð. Ýmislegt kemur í ljós við rannsókn málsins, þar á meðal gríðarstórt leyndarmál Agöthu. Aðalhlutverk: Jessica De Gouw, Laura Carmichael og Ryan Corr. Þættirnir eru ekki við hæfi barna yngri en 12 ára.