Sveiflan sem sigraði heiminn (2014)

Bæklaður trommari og syngjandi stelpuhnokki

5. þáttur.

Chick Webb varð krypplingur vegna berkla, en samt fyrsti raunverulegi svingtrommari djassins og er í hópi áhrifamestu trommara djasssögunnar. Hann var með vinsælustu stórsveitina í Harlem og með honum hóf drottning djasssöngsins, Ella Fitzgerald, ferilinn, aðeins sextán ára gömul.

Frumflutt

3. júlí 2014

Aðgengilegt til

23. maí 2025

Mörg af helstu snilldarverkum stórsveita svingtímans hafa lengi verið ófáanleg , nema í misjöfnum diskaútgáfum ýmissa fyrirtækja, sem hafa nýtt sér að útgáfuréttur rennur út fimmtíu árum eftir hljóðritun, og hafa þá aðeins haft aðgang að útgefnu efni á lakk- og vínýlplötum.

Þetta er önnur þáttaröðin þar sem sótt er í gullkistu Mosaic og hér verður áfram fjallað um stórsveitirnar, einleikarana og söngvarana, sem heilluðu heimsbyggðina á gullaldarárum svingsins og seldu hljómplötur í hundruðum milljóna eintaka.

Umsjón: Vernharður Linnet