Litla flugan

Danslög kvöldsins

Þetta er síðasti þáttur Litlu flugunnar sinni og hún er meyr á tímamótum, dregur fram ýmsar dýrmætar uppáhaldshljóðritanir úr safnkjallara Ríkisútvarpsins. Fyrst jólalög: Hljómsveit Björns R. Einarssonar blæs Hvít jól og Þuríður Sigurðardóttir syngur Jólin allsstaðar með hljómsveit Ragnars Bjarnasonar. Saxófónleikarinn Andrés Ingólfsson leikur These foolish things í gamalli hljóðritun frá 1958 og Bjössabandið leikur og syngur syrpu af danslögum í útvarpssal við Austurvöll árið 1952, með kynningu Jóns Múla Árnasonar. Haukur Morthens syngur sjaldheyrða útgáfu af lagi sínu Ó, borg mín borg og Ingibjörg Þorbergs slær botninn í þáttinn með laginu góða Á morgun. Umsjón: Lana Kolbrún Eddudóttir

Frumflutt

27. des. 2014

Aðgengilegt til

Rennur ekki út
Litla flugan

Litla flugan

Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Þættir

,