Hver á landi fegurst er?

Annar þáttur

Hvað gerist í heilanum þegar við sjáum eitthvað fallegt? Eru konur á egglosi ennþá að hugsa út frá veiðimanna og safnara tímabilinu? Hefur fegurðarforskotið alltaf verið til og hvaða forskot veitir það? Hvernig hefur rasismi áhrif á útlitsstaðla? Reynt verður að svara þessum og fleiri spurningum í öðrum þætti.

Þáttastjórnandi: Kristlín Dís Ingilínardóttir.

Viðmælendur: Árni Kristjánsson, prófessor í sjónskynjun, Ragnhildur Ásta Valsdóttir, heimspekingur, Sverrir Jakobsson, sagnfræðingur, Kristín Taiwo Reynisdóttir og Anna María Allawawi Sonde, stofnendur Anti-rasistanna.

Frumflutt

15. júní 2023

Aðgengilegt til

Rennur ekki út

Það er gömul saga og ný að ekki er hægt að treysta því sem fyrir augu ber. Oft er flagð undir fögru skinni eða prins í frosklíki. Við látum samt blekkjast af útliti, drögum ályktanir um hvaða innri mann manneskja hefur að geyma án þess að hafa kynnst henni, refsum ófríðu fólki og veitum þeim fögru forskot.

Líffræði og menning virðast eggja mannkynið áfram í ákveðinni útlitsdýrkun. Þriggja ára byrjum við að dæma út frá útliti og hefur það gríðarleg áhrif í gegnum æviskeiðið. Þrátt fyrir að útlitsstaðlar virðast alltaf hafa fylgt okkur hafa þeir tekið stakkaskiptum í gegnum tíðina og hinn svokallaði fullkomni líkami í dag hefði eflaust ekki þótt sérlega tilkomumikill fyrir nokkur hundruð árum.

Kristlín ræðir við sálfræðinga, vísindamenn, dansara, baráttufólk, lýtalækni, sagnfræðing og alla vini sína til að reyna að komast að því hvar og hvenær útlitsfordómar byrja, hvaða áhrif þeir hafa og hvort það sé hægt að breyta hausnum á sér.

Umsjón: Kristlín Dís Ingilínardóttir.