Í dag er Björgvin búinn að minnka sig og stendur fyrir framan holuna hennar Fransínu og bankar á dyrnar. Hann er orðinn áhyggjufullur því hann hefur ekki heyrt í henni í nokkra daga. Fransína er inni hjá sér í myrkrinu með sjónvarpið á fullu og gefur Björgvini engan gaum, hún er orðin stjörf af glápi og hálf taugaveikluð, því hún kunni ekki að setja á hlé og vildi ekki missa af neinu.
