Kastljós

Áföll og heilsa, almyrkvi á sólu og Dögg í dönskum hönnunarþætti

Hvað ef áföll í móðurkviði hafa áhrif á heilsu okkar mörgum áratugum síðar? Rætt við Graham Music, breskan sérfræðing í áhrifum áfalla á þroska barna. Einnig rætt við Önnu Maríu Jónsdóttur, geðlækni og Margréti Ólafíu Tómasdóttur, heimilislækni.

Almyrkvi á sólu í ágúst mun að líkindum laða fjölda fólks til landsins og valda álagi á innviði, sérstaklega á vestanverðu landinu. Rætt við Runólf Þórhallsson, sviðstjóra almannavarnadeildar ríkislögreglustjóra, um undirbúning fyrir almyrkvann.

Dögg Guðmundsdóttir er ein þátttakenda í dönskum raunveruleikaþáttum þar sem hönnuðir keppast um að hanna muni sem taldir eru líklegir til þess að standa tímans tönn. Lokaþáttur seríunnar var sýndur í danska sjónvarpinu í kvöld en fram að því hafði Dögg borið sigur úr býtum í tveimur þáttum af fimm.