Brautryðjendur

Helga Magnúsdóttir

Helga var fyrst kvenna til að klára próf í húsamálun á Íslandi. Helga vann við að mála hús að innan og utan í hálfa öld ásamt því að eignast fimm börn og koma þeim á legg. Hún heyrði þó raddir efasemda sem töldu henni hollast að halda sig heima við og sinna fjölskyldunni en lét þær sem vind um eyru þjóta því hún hafði einlæga ástríðu fyrir því að mála og var góð í því.

Frumsýnt

25. júní 2017

Aðgengilegt til

8. jan. 2025

Í þáttaröðinni ræðir Eva María Jónsdóttir við konur sem hafa rutt brautina í einhverjum skilningi. Konurnar hafa bæði fengist við störf sem teljast hefðbundin karlastörf, fetað hina hálu braut stjórnmálaframa og komið fram með nýjungar á markaði eða í listum. Þær lýsa á mjög fjölbreyttan hátt glímu sinni við starfið, almenningsálitið og löngun til að stækka eigin hugmyndaheim. Dagskrárgerð: Eiríkur Ingi Böðvarsson.