Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?
Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?
Jóga fyrir alla krakka í ævintýraheimi með dýrum og náttúru.
Ævintýrajóga hvetur börn til hreyfingar og að vera meðvituð um líkama sinn og líðan. Það gefur þeim verkfæri sem auðveldar þeim að líða vel í eigin líkama og takast á við daglegt líf. Jógakennari: Þóra Rós Guðbjartsdóttir. Framleiðsla: Erla Hrund Hafsteinsdóttir.
Við skulum hreyfa okkur saman eins og kisan. Við kynnumst kisunni og hennar hæfileikum.
Guðrún Sóley Gestsdóttir fer til Santa Fe í Nýju-Mexíkó og heimsækir listakonuna Steinu Vasulku. Fyrsta stóra yfirlitssýning Steinu hér á landi var opnuð í Listasafni Íslands og Listasafni Reykjavíkur 4. október 2025. Dagskrárgerð: Jakob Halldórsson.
Heimildarmynd um Halldór Laxness frá 1992. Sýnd eru brot úr viðtölum við hann á ýmsum tímamótum, um verk hans, skoðanir á samtímamönnum og atburðum líðandi stundar. Einnig er brugðið upp svipmyndum úr verkum skáldsins, bæði brotum úr sviðsverkum og sjónvarpsuppfærslum. Stjórnandi: Andrés Indriðason. Umsjón: Sveinn Einarsson.
Þættir þar sem matar- og tónlistarmenning á Íslandi er skoðuð með viðtölum við landsmenn. Gunnar Karl Gíslason og Sverrir Þór Sverrisson hitta fólk víða um land og kynna sér hefðir þeirra og lífsstíl.
Gunnar Karl og Sveppi halda austur á firði þar sem þeir bjóða góðum gestum frá Breiðdalsvík í villibráðarveislu til að fagna sumardeginum fyrsta.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Oddvitar allra framboða í sveitarfélaginu mætast í umræðuþætti.
Fimm listar eru í framboði á Akranesi fyrir sveitarstjórnarkosningar í vor. Oddvitar þeirra mætast í umræðum. Þátttakendur eru Ragnar Baldvin Sæmundsson, Framsóknarflokki og frjálsra, Jón Guðni Guðmundsson, Viðreisn, Líf Lárusdóttir, Sjálfstæðisflokki, Hrafn Ágúst Björnsson, Miðflokki, og Sigurður Vopni Vatnsdal, Samfylkingu.
Heimildarmynd um íslenska matarsögu sögð með hjálp Elínar Methúsalemsdóttur og fjölskyldu hennar. Elín sat sem barn við hlóðirnar í burstabænum að Bustarfelli og tók þar síðar við búsforráðum og fluttist á sjöunda áratug í nýtískulegt hús við hliðina á því gamla. Héröð landsins eru heimsótt og fjallað er um staðbundna matarhefð og matvælaframleiðslu. Rætt er við matarframleiðendur af ýmsu tagi, sagnfræðinga, næringarfræðinga og þá sem matreiða. Á tímum fjöldaframleiðslu og alþjóðavæðingar verður hið staðbundna sífellt eftirsóknarverðara. Leikstjóri: Ásdís Thoroddsen.
Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.
Í Kilju vikunnar birtist viðtal við Elizu Reid en hún sendir nú frá sér bók sem nefnist einfaldlega Og svo varð ég forsetafrú. Segir frá aðdraganda þess að hún settist að á Bessastöðum og tíma hennar þar. Bókin kemur jafnframt út á ensku í Kanada og Bandaríkjunum. Kristján Jóhann Jónsson ræðir við okkur um Prinsessur og prakkara, en það er safn með nýjum þýðingum hans á sígildum ævintýrum stórsnillingsins H.C. Andersen. Bernd Ogrodnik brúðugerðarmaður segir frá bók þar sem hann blandar frásögn af lífi sínu á Íslandi saman við vangaveltur um lífið og tilveruna - hún nefnist Icelandic Watermelons and a Horse Called Spark. Í Bókum og stöðum förum við vítt og breitt um Strandir og skoðum hið hrikalega landslag þar. Gagnrýnendur þáttarins fjalla um Piparmeyjar eftir Sigríði Kristínu Þorgrímsdóttur, Myrkravald eftir Evu Björg Ægisdóttur og Jérôme Loubry og Daga mína í Morisaki bókabúðinni eftir Satoshi Yagisawa.
Tinna táknmálsálfur er sniðugur álfur sem býr í Blómabæ í Bláskógarbyggð. Hún lendir í ýmsum ævintýrum með vinum sínum Kötu kónguló og Tedda tannálfi og ef til vill lærum við líka svolítið táknmál.
Höfundur:
Laila Margrét Arnþórsdóttir
Leikur:
Tinna: Kolbrún Völkudóttir
Kata kónguló: Jan Fiurasek
Talsetning:
Tinna: Álfrún Helga Örnólfsdóttir
Kata kónguló: Erla Ruth Harðardóttir
Teddi tannálfur: Björgvin Franz Gíslason og Friðrik Friðriksson
Búningar: Helga Rún Pálsdóttir
Það er óveður. Tinna lítur út um gluggann og sér að það er einhver úti. Hún bendir þeim að koma inn. Þetta er álfadrottning með lítið barn og álfkona. Tinna gefur þeim te og teppi. Álfadrottingin og Tinna syngja saman lagið: Elisabet og Elinborg eftir Eivør Pálsdóttir.
Jóga fyrir alla krakka í ævintýraheimi með dýrum og náttúru.
Ævintýrajóga hvetur börn til hreyfingar og að vera meðvituð um líkama sinn og líðan. Það gefur þeim verkfæri sem auðveldar þeim að líða vel í eigin líkama og takast á við daglegt líf. Jógakennari: Þóra Rós Guðbjartsdóttir. Framleiðsla: Erla Hrund Hafsteinsdóttir.
Fílinn er stórskemmtilegt dýr og hreyfir sig svo mikið, við lærum að elska fílinn af því að hann kennir okkur svolítið mikilvægt
Birta og Jean segja frá því hvernig þú getur orðið hugmyndasmiður. Hugmyndasmiður er sá sem fær hugmynd og hefur hugrekki og kraft til að láta hana verða að veruleika. Þau spjalla við íslenska hugmyndasmiði um uppfinningarnar þeirra og ræða hvers vegna hugmyndasmiðir eru mikilvægir fyrir bæði nútíð og framtíð. Umsjón: Birta Steinunn Sunnu Ægisdóttir og Jean Daníel Seyo Sonde. Þættirnir eru framleiddir af KrakkaRÚV í samstarfi við verkefnið Hugmyndasmiðir, sem fræðir krakka um nýsköpun. Nánari upplýsingar um verkefnið má finna á vefsíðunni hugmyndasmidir.is
Birta og Jean kynna Verkfærakistu hugmyndasmiðsins sem allir krakkar geta lært að tileinka sér.
Stuttir þættir þar sem við kynnumst merkiskonum mannkynssögunnar. Sumar eru frægar, aðrar eru óþekktar en allar eru þær töffarar og eldhugar.
Þessar þáttaraðir eru áhorfendum að góðu kunnar, enda eru þættirnir bæði afar fræðandi og skemmtilegir. Að þessu sinni fræðumst við um mannslíkamann.
Allir krakkar ættu að vera snillingar í því að fara eftir umferðarreglunum. Erlen er úti í umferðinni og kannar hvaða reglur krakkar, og reyndar fullorðnir líka, þurfa að kunna til að vera örugg í umferðinni.
Umferðarsnillingurin Erlen er alltaf með hjálm þegar hún er úti að hjóla, því hjálmar geta bjargað lífi. Hún kemst að því að það er líka mikilvægt að velja rétta hjálminn sem passar og hjóla á öruggum stöðum.
Ástin er mikil ráðgáta og í þessum dönsku þáttum er gerð tilraun til að finna lykilinn að henni. Getur verið að hann sé að finna í magni persónulegra gagna? Til að sannreyna vísindin á bak við Big Data eru átta einhleypir einstaklingar paraðir saman út frá persónuupplýsingum. Mun ástin kvikna þegar fólkið fer að búa saman og kynnast nánar?
Helstu fréttir dagsins af innlendum og erlendum vettvangi. Alla daga, árið um kring.
Íþróttafréttir.
Veðurfréttir.
Siggi Gunnars stýrir lifandi þætti um dægurmenningu með áherslu á tónlist, sjónvarp og kvikmyndir. Helstu straumar og stefnur, innlit til áhugaverðs fólks og skemmtilegir gestir í myndveri. Umsjón: Sigurður Þorri Gunnarsson. Stjórn upptöku: Ragnar Eyþórsson.
Í Miðstöðinni þessa vikuna förum við í heimsókn til Ísafjarðar og kynnumst finnsk-íslenska metsöluhöfundinum Satu Ramö sem er búsett þar. Hún hefur undanfarin ár skrifað glæpasögur um lögreglukonuna Hildi sem nú er búið að kvikmynda og gefa út sem sjónvarpsseríu í Sjónvarpi Símans.
Glæpasagnahöfundarnir Yrsa Sigurðardóttir og Ragnar Jónasson eru sérfræðingar vikunnar. Við ætlum að ræða bestu glæpaþættina og áhorfendur fá meðmæli frá þeim.
Að lokum kynnumst við tónlistarmanninum Reyni Snæ Magnússyni. Hann hefur spilað með helstu tónlistarmönnum þjóðarinnar á gítar en nú er tími til kominn að hann stígi fram með sitt eigið efni. Hann flytur nýtt lag í þættinum.
Nýr íslenskur heimildarþáttur um Krýsuvíkursamtökin, starfsemina í Krýsuvík og þá meðferð sem skjólstæðingum með áfengis- og fíknivanda er veitt. Einnig er farið yfir 40 ára sögu Krýsuvíkursamtakanna með frumherjum þeirra. Stjórn upptöku: Þorsteinn J.
Upptaka frá tónleikum Laufeyjar Línar ásamt Los Angeles Fílharmóníunni á hinu sögufræga sviði Hollywood Bowl árið 2024. Í myndinni er skyggnst á bak við tjöldin við undirbúning tónleikanna.
Önnur þáttaröð dönsku dramaþáttanna um kokkana Michael og Nöju sem ákveða að gefa samstarfinu annað tækifæri og opna nýjan veitingastað saman. Málin flækjast þegar Naja fellur fyrir fjárfestinum þeirra, Cecilie, og vantraust Michaels eykst sífellt. Aðalhlutverk: Jesper Zuschlag og Julie Rudbæk. Þættirnir eru ekki við hæfi barna yngri en 12 ára.
Leikin þáttaröð um líf og störf lögreglumanna í Chicago. Aðalhlutverk: Jason Beghe, Jesse Lee Soffer og Tracy Spiridakos. Þættirnir eru ekki við hæfi barna yngri en 12 ára.
Breskir gamanþættir um einfarann John Taylor sem gefur út þrautabækur undir dulnefninu „Ludwig.“ Þegar eineggja tvíburabróðir hans, James, hverfur sporlaust heldur John á lögreglustöðina til að grennslast fyrir um hann. Þar er bræðrunum ruglað saman og John er skyndilega kominn í starf bróður síns sem rannsóknarlögreglustjóri Cambridge. Aðalhlutverk: David Mitchell, Anna Maxwell Martin og Dipo Ola. Þættirnir eru ekki við hæfi barna yngri en 12 ára.
Helstu fréttir dagsins af innlendum og erlendum vettvangi. Alla daga, árið um kring.
