Helstu fréttir dagsins af innlendum og erlendum vettvangi. Alla daga, árið um kring.

Íranar skoða svar við friðartillögum

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Jafnvægisæfingar. Gott að hafa eitthvað til að styðja sig við eins og stól eða borð.

Danskir þættir sem fjalla um einmanaleika hjá miðaldra fólki. Í þáttunum er rætt við fjóra einstaklinga sem upplifa sig einmana, þrátt fyrir að allt líti út fyrir að ganga vel hjá þeim út á við. Í þáttunum fara þau hvert sínar leiðir í tilraunum til að brjótast út úr einmanaleikanum.

Spurningakeppni sveitarfélaga frá 2018. Þátttakendur að þessu sinni eru lið frá þeim sveitarfélögum sem komust í úrslit árin á undan eða hafa oftast komist nálægt því. Umsjónarmenn eru Guðrún Dís Emilsdóttir og Sólmundur Hólm. Spurningahöfundur og dómari er Jón Svanur Jóhannsson. Stjórn útsendingar: Helgi Jóhannesson.

Íslensk þáttaröð í átta hlutum. Einlægar og opinskáar frásagnir fólks sem býr við aðstæður í daglegu lífi sem eru ólíkar öllu sem flestir eiga að venjast. Dagskrárgerð: Elín Sveinsdóttir. Framleiðsla: SERES hugverkasmiðja

Ótrúleg útsjónarsemi, sífelld hreyfing og útivist hefur nýst Kristni Vagnssyni vel. Hann fékk ranga greiningu og missti kraftinn í fótleggjunum, sem hefði auðveldlega mátt koma í veg fyrir.

Viðtals- og tónlistarþáttaröð í umsjón Jóns Ólafssonar. Jón fær til sín ýmsa tónlistarmenn í spjall og saman laða þeir fram ljúfa tóna. Dagskrárgerð: Jón Egill Bergþórsson.

Þáttaröð í sex hlutum þar sem fjallað er um sameiginlegar minningar íslensku þjóðarinnar á léttan og nýstárlegan hátt. Umsjónarmennirnir Margrét Blöndal og Felix Bergsson leggjast í fullkomlega óvísindalega mannfræðirannsókn til að reyna að skilja íslensku þjóðina betur á hundrað ára afmæli fullveldisins. Meðal þess sem þau skoða eru dellurnar sem þjóðin hefur gengið með í gegnum tíðina, nekt á Íslandi, og svo verða séríslensku sunnudagarnir sérstaklega kannaðirr. Dagskrárgerð: Ragnheiður Thorsteinsson.

Á níunda áratugnum var sungið um mikilvægi þess að vera með á nótunum og íslenska þjóðin söng með enda voru engir fljótari að tileinka sér eitthvað sniðugt utan úr heimi. Um þetta verður fjallað í fimmta þætti af Veröld sem var. Símboðar, snjallsímar, telefax og tölvur. Allt var komið í hendur landans á methraða. Svo voru það bankarnir. Víxlar, sparimerki, hraðbankar og kreditkort. Að lokum var allt keyrt í kaf en við höldum nú samt áfram að vera með á nótunum.

Sænskir þættir um keramikgerð þar sem Ika Johannesson ræðir við fólk sem hefur lagt fyrir sig keramiklist og kynnist ýmsum aðferðum við að búa til muni úr leir.

Fallegir teiknimyndaþættir um óvenjulega vináttu bjarnarins Ernests og músarinnar Célestine.

Fílsi lærir ýmislegt um mismunandi eldhústæki, sem getur svo sannarlega komið sér vel að kunna þegar útbúa skal mat!

Andri og Edda eru á sama leikskóla og eru bestu vinir. Bæði eiga þau tuskudýr sem lifna við og eiga samleið líkt og eigendur þeirra.

Jojo er alveg að verða fimm ára. Hún er svo heppin að búa í nágrenni við ömmu sína. Saman bralla þær ýmislegt

Broddi og Oddlaug eru litlir broddgeltir, sem elska að fara út og kanna heiminn. Þau eru yfirleitt bestu vinir og skemmta sér saman í hinum ýmsu leikjum.

Stutt innslög frá þeim Jasmín og Jómba þar sem þau tala um tónlist og tónfræði.

Helstu fréttir settar fram á einfaldan og aðgengilegan hátt.

Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.

Dönsk þáttaröð um ungt par sem vildi einfalda líf sitt og hóf búskap.

Helstu fréttir dagsins af innlendum og erlendum vettvangi. Alla daga, árið um kring.

Sólmyrkvinn gæti haft sömu áhrif á íslenska hagkerfið og Taylor Swift hafði í Svíþjóð

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.

Tæpar tvær vikur eru til sveitarstjórnarkosninga og spennan farin að magnast. Hvaða málefni skipta fólk mestu máli í tengslum við kosningarnar? Við kynnum okkur það í þættinum í kvöld.

Bílaumferð hefur verið að aukast á höfuðborgarsvæðinu á undanförnum árum og flest bendir til að hún muni halda því áfram að óbreyttu, með sívaxandi umferðarteppum á annatímum. Enn eru þó nokkur ár þar til borgarlína kemst í gagnið, þar sem strætó á sérakreinum á að létta á álaginu. En hvað er til ráða þangað til? Gestir Kastljóss eru Daði Baldur Ottósson, samgönguverkfræðingur hjá Eflu, og Þorsteinn Hermannsson, framkvæmdastjóri Betri samgangna.

Við heimsækjum einnig Kötlu Sólnes sem er ung og upprennandi kvikmyndagerðarkona.

Sænsk heimildarþáttaröð frá 2025 sem varpar ljósi á lífið í Svíþjóð á tímum seinni heimsstyrjaldarinnar. Í tilefni af því að 80 ár voru frá stríðslokum deilir sænska þjóðin persónulegum minningum úr stríðinu í formi bréfa, kvikmynda, ljósmynda og dagbóka. Þættirnir eru ekki við hæfi barna yngri en 12 ára.

Finnsk leikin þáttaröð frá 2025. Tuttugu árum eftir að nágranni og æskuást Linnéu hverfur sér hún hann óvænt í sjónvarpinu. Linnéa einsetur sér að komast að því hvers vegna hann hvarf og opnar í kjölfarið á gamalt leyndarmál sem tengist fjölskyldum þeirra beggja. Aðalhlutverk: Sannah Nedergård, Sebastian Blomqvist og Rasmus Slätis. Þættirnir eru ekki við hæfi barna yngri en 12 ára.

Önnur þáttaröð þessara dönsku sakamálaþátta. Lögreglumaðurinn Rolf Larsen kemst á snoðir um mansalshring þegar 19 Víetnamar finnast myrtir í farmrými vöruflutningabíls. Aðalhlutverk: Anders W. Berthelsen, Olivia Joof Lewerissa og Zofia Wichlacz. Þættirnir eru ekki við hæfi barna yngri en 16 ára.

Heimildarþáttaröð frá BBC þar sem Ben Zand rannsakar líf og störf nokkurra alræmdustu glæpamanna heims. Þættirnir eru ekki við hæfi barna yngri en 16 ára.