Ævintýralegir danskir þættir fyrir alla fjölskylduna. Vinirnir Charly, Niels og Tania eru í fríi á Borgundarhólmi. Þegar Silje, vinkona þeirra, er sökuð um að hafa skemmt verðmætt listaverk á safni Oluf Høst eru þau staðráðin í að sanna sakleysi hennar og ná sökudólgnum. Málið reynist hins vegar stærra og flóknara en þau gerðu sér í hugarlund og fljótlega eru þau komin á hættulegar slóðir. Þættirnir eru framhald af þáttaröðinni Horfna rafherbergið. Aðalhlutverk: Marinus Refnov, Cecilia Loffredo, Bertil Smith og Lova Müller Rudolph.
Breskir spennuþættir byggðir á samnefndri skáldsögu Anthonys Horowitz. Ritstjórinn Susan Ryeland fær í hendurnar handrit að nýjustu skáldsögu glæpasagnahöfundarins Alans Conway. Þegar hún kemst að því að lokakaflann vantar í handritið hefur hún leit að týndu blaðsíðunum og flækist í leiðinni óvænt í vef lyga og leyndarmála. Aðalhlutverk: Lesley Manville, Conleth Hill og Tim McMullan.
Bandarísk bíómynd frá 2000 í leikstjórn Kathryn Bigelow. Fréttaljósmyndarinn Jean rannsakar hrottaleg axarmorð sem framin voru árið 1873 á sama tíma og hún glímir við afbrýðisemi og tortryggni í hjónabandi sínu. Þegar hún kemst yfir skjöl sem virðast lýsa vitnisburði sjónarvottar að morðunum sér hún líkindi með eigin reynslu og þeim konum sem lifðu glæpinn af. Aðalhlutverk: Sean Penn, Elizabeth Hurley og Catherine McCormack. Myndin er ekki við hæfi barna yngri en 16 ára.
Breskir spennuþættir. Raðmorðingi hlutar fórnarlömb sín niður og notar líkamspartana til að búa til eins konar mennska tuskubrúðu. Sveit rannsóknarlögreglumanna eltist við hann en illvirkjanum tekst alltaf að vera skrefi á undan. Málið vandast enn frekar þegar listi yfir næstu fórnarlömb birtist og einn lögreglumaðurinn er á honum. Aðalhlutverk: Lucy Hale, Henry Lloyd-Hughes og Thalissa Teixeira. Þættirnir eru ekki við hæfi barna yngri en 16 ára.
Dana er 9 ára stelpa sem elskar risaeðlur. Líf hennar breytist til frambúðar þegar hún fær gefins handbók um risaeðlur, sem kennir henni ekki aðeins nýja hluti um dýrin, heldur gefur henni ofurkrafta sem gera henni kleift að sjá fyrir sér risaeðlur í raunveruleikanum.
