Þriðja sería af Elías, sem er ungur og áhugasamur björgunarbátur. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.
Matthildur er 12 ára stelpa sem býr yfir sérstöku leyndarmáli. Á hverjum degi þegar hún vaknar býr hún yfir nýjum ofurkrafti sem hún þarf að læra að stjórna. Aðeins besti vinur hennar veit af þessu og saman lenda þau í alls kyns ævintýrum.
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Valgeir Örn Ragnarsson hefur umsjón með þættinum. Gestir þáttarins eru Þóra Arnórsdóttir, Þórhallur Gunnarsson, Evu H. Önnudóttir og Rakel Anna Boulter. Þau greina kappræður forsetaframbjóðenda og kosningabaráttuna sem stefnir í að verða æsispennandi. Þá ræða þau sniðgöngu á Eurovision vegna þátttöku Ísraela og mótmæli stúdenta í Bandaríkjunum.
Heimildarmynd um Ídu Jónasdóttur Herman sem fékk fyrst íslenskra kvenna leyfi til að giftast bandarískum hermanni og flutti vestur um haf undir lok seinni heimsstyrjaldar. Þrátt fyrir að hafa búið í Bandaríkjunum í meira en 70 ár skilgreinir Ída sig alltaf fyrst og fremst sem Íslending. Nú er hún komin á tíræðisaldur og hefur ákveðið að láta æskudraum sinn um að svífa um loftin blá rætast. Umsjón: Alma Ómarsdóttir og Viktoría Hermannsdóttir. Dagskrárgerð: Birgir Þór Birgisson.
Ástin er mikil ráðgáta og í þessum dönsku þáttum er gerð tilraun til að finna lykilinn að henni. Getur verið að hann sé að finna í magni persónulegra gagna? Til að sannreyna vísindin á bak við Big Data eru átta einhleypir einstaklingar paraðir saman út frá persónuupplýsingum. Mun ástin kvikna þegar fólkið fer að búa saman og kynnast nánar?
Heimildarþættir um samfélagsmiðla í umsjón Ragnhildar Steinunnar Jónsdóttur og Viktoríu Hermannsdóttur. Í þáttunum rýnum við í samfélagsmiðlanotkun Íslendinga og skoðum hvaða áhrif þeir hafa á líf okkar og sjálfsmynd. Dagskrárgerð: Eiríkur Ingi Böðvarsson.
Í þessum þætti skoðum við hversu hratt fréttir og umræða ferðast á samfélagsmiðlum, rýnum í mátt miðlanna þegar ímynd einstaklings hefur beðið hnekki og skoðum útbreiðslu falsfrétta á Íslandi.
Sænsk heimildarþáttaröð í fimm hlutum. Á hverjum degi fáum við mismunandi skilaboð um hvað er hollt og hvað ekki, og oftast er erfitt að vita hvað býr að baki niðurstöðunum. Hvernig virka líkamar okkar? Og hvaða áhrif hefur lífsstíll okkar nákvæmlega á heilsuna?
Í átta þáttum ræðir Þóra Arnórsdóttir við konur sem hafa rutt brautina á hinum ýmsu sviðum mannlífsins. Rætt verður við fyrstu lögreglukonurnar, fyrsta prófessorinn, fyrstu konuna sem leiddi kvennalandslið, fyrsta prestinn, einn fremsta kvikmyndaklippara Íslands, einn fyrsta gullsmiðinn og fyrstu íslensku konuna sem söng lag inn á plötu. Dagskrárgerð: Eiríkur Ingi Böðvarsson.
Rætt við Auði Eir Vilhjálmsdóttur sem varð fyrst kvenna til þess að hljóta vígslu til prests, eftir heilmikla baráttu.
Í Leiðangrinum fær Sigyn fluggáfaða krakka til að hjálpa sér að leysa ráðgátur um allt land.
Dagskrárgerð: Sigyn Blöndal og Sindri Bergmann Þórarinsson.
Dimmuborgir eru ótrúlega fallegur staður í Mývatnssveit. Sagan segir að í Dimmuborgum búi óþekk systkini og þau Aðalheiður Helga og Sigurður Búi ætla að leita að þeim og kanna málið.
Þátttakendur:
Sigurður Búi Ólason
Aðalheiður Helga Kristjánsdóttir
Kristín og Arnór kynnast dularfullri stelpu sem grunar sögukennarann um eitthvað skuggalegt. Hvað ætli sé í gangi hjá honum Sigurjóni sögukennara?
Leikarar: Kristín Erla Pétursdóttir, Arnór Orri Atlason, Arnþrúður Karen Viktorsdóttir, Agnes Wild og Karl Pálsson
Dagskrárgerð: Eva Rún Þorgeirsdóttir og Elvar Egilsson
Arnór og Amma leggja af stað í hetjulegan björgunarleiðangur. Þau læðast inn í Skjalasafnið og finna Sigurjón sögukennara þar sem hann hefur bundið Addú fasta við stól. Þá taka þau málin í sínar hendur.
Stuttmyndir sem gerðar eru eftir handritum krakka sem að send voru inn í Sögur.
Systkini segja afa sínum sögur frá ferð þeirra til Egyptalands. En góð saga skal aldrei gjalda sannleikans.
Höfundur: Emma Ósk Jónsdóttir, 10 ára
Leikstjórn og framleiðsla: Signý Rós Ólafsdóttir
Eftirvinnsla: Elvar Örn Egilsson
Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.
Garðar H. Guðjónsson blaðamaður og Guðni Hannesson ljósmyndari hafa sett upp sýningu um brunahana á Akranesi. Þeir hafa ljósmyndað alla brunahana á Akranesi og sett saman fróðleik um hverja tegund fyrir sig.
Þáttur um mannlífið í landinu. Landinn leitar uppi skemmtilegt fólk jafnt í borg sem sveit og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Hafsteinn Vilhelmsson, Sigrún Þuríður Runólfsdóttir og Þórdís Claessen. Dagskrárgerð: Magnús Atli Magnússon, Jóhannes Jónsson, Björgvin Kolbeinsson og Elvar Örn Egilsson.
Samantekt frá tónleikum í Hörpu árið 2023 þar sem fjórtán íslenskir kvennakórar flytja fjölbreytta tónlist. Kórarnir eru Héraðsdætur, Kvennakór Vestmannaeyja, Kvennakór Akureyrar, Jórukórinn, Kvennakór Hafnarfjarðar, Kvennakór Ísafjarðar, Kvennakór Suðurnesja, Kvennakórinn Ymur, Kvennakórinn Ljósbrá, Senjorítukórinn, Kyrjurnar, Kvennakórinn Heklurnar, Kvennakór Hornafjarðar og Kvennakór Reykjavíkur.
Fjórða þáttaröð þessara þýsku glæpaþátta um lögreglumanninn Gereon Rath frá Köln sem rannsakar undirheima Berlínarborgar á fjórða áratug síðustu aldar. Kreppan mikla er skollin á og nasistar á leið til valda. Aðalhlutverk: Volker Bruch, Liv Lisa Fries og Lars Eidinger. Þættirnir eru ekki við hæfi barna yngri en 16 ára.
Kvikmynd frá 2007 eftir Marjane Satrapi og Vincent Paronnaud. Myndin er byggð á teiknimyndasögum Marjane um ævi hennar og uppvöxt í Íran á tímum íslömsku byltingarinnar í lok áttunda áratugar síðustu aldar. Persepolis hlaut tilnefningu til Óskarsverðlaunanna árið 2008. Myndin er ekki við hæfi barna yngri en 12 ára.
Myndin er hluti af þemanu Konur í kvikmyndagerð.
Önnur þáttaröð þessara bresku sakamálaþátta um hið sérkennilega tvíeyki einkaspæjara, Luellu Shakespeare og Frank Hathaway, sem fæst við margvísleg sakamál í heimabæ þeirra og fæðingarbæ hins eina og sanna Shakespeare, Stratford-upon-Avon. Aðalhlutverk: Mark Benton og Jo Joyner.