Takk fyrir lánið

Gervigreind

Með gervigreind er hægt að líkja eftir hljóðum frá hvaða áratug sem er. Það verður hægt að líkja eftir hljóðum sem minna á hvaða tónlist sem er. Verður einhvers virði að sampla í þannig umhverfi? Eða fær það kannski enn sterkari merkingu? Er hægt að sampla tónlist frá stað og tíma sem aldrei var til? Höfundar af holdi og blóði mata þjálfunarmódel gervigreindarinnar þótt útkoman sé ný í hvert sinn.

* Viðtöl við Sveinbjörn Thorarensen, Rögnu Kjartansdóttur, Sölva Blöndal og Þórhall Magnússon

Birt

12. apríl 2026

Aðgengilegt til

Rennur ekki út

Að „sampla“ í tónlist merkir að fá að láni hljóðbrot úr eldra lagi. Þessi aðferð hefur tíðkast í rúm fjörutíu ár, sérstaklega í hipphoppi, þar sem bassalínur og hljómar úr eldri diskólögum og fönki voru lengi grunnurinn að tónlistinni sem var rappað við, en er útbreidd í nær allri popptónlist samtímans.

Í þessari þáttaröð segir Atli Bollason sögu þessarar aðferðar - tónklippilistarinnar -

frá árdögum hennar í módernískri tónlist fimmta áratugarins, gegnum hipphopp níunda áratugarins

Velt er upp lögfræðilegum álitamálum, en tónklippilistin hefur reynt mjög á

höfundarréttarlög. Tónklippilistin er einnig sett í samhengi við póstmódernískar kenningar um textatengsl og spurt hvort endurvinnsla af þessu tagi sé leikur að innantómum vísunum

sem endurspegli óhæfi til að fást við eigin samtíma, eða hvort hún komi á hugmyndafræðilegum tengslum við verkin sem á undan fóru í því skyni að varpa nýju, fersku og merkingarbæru ljósi á nútíðina.

Hvernig kallast tónklippilistin á við sambærilegar aðferðir í myndlist og bókmenntum? Hver er munurinn á því að nota þekkt hljóðbrot og óþekkt? Hver er framtíð tónklippilistar þegar hægt er að framleiða „ímynduð hljóðbrot“ í einni svipan með aðstoð gervigreindar?