Takk fyrir lánið

Fordæmi og fyrirennarar

Hugmyndin um fundin hljóð kom upp í akademískri samtímatónlist fljótlega eftir seinna stríð og kallast á við „ready-made“ hugmynd Marcels Duchamps. Verk fyrir hljómsveitir og segulband. Dúkkaði líka upp síðar í hápródúseraðri popptónlist Bítlanna og Beach Boys.

* Musique concréte, ítalski fútúrisminn, Pierre Schaeffer, Karlheinz Stockhausen, John Cage,

Bítlarnir, Beach Boys, ready-made, collage

Birt

1. mars 2026

Aðgengilegt til

Rennur ekki út

Að „sampla“ í tónlist merkir að fá að láni hljóðbrot úr eldra lagi. Þessi aðferð hefur tíðkast í rúm fjörutíu ár, sérstaklega í hipphoppi, þar sem bassalínur og hljómar úr eldri diskólögum og fönki voru lengi grunnurinn að tónlistinni sem var rappað við, en er útbreidd í nær allri popptónlist samtímans.

Í þessari þáttaröð segir Atli Bollason sögu þessarar aðferðar - tónklippilistarinnar -

frá árdögum hennar í módernískri tónlist fimmta áratugarins, gegnum hipphopp níunda áratugarins

Velt er upp lögfræðilegum álitamálum, en tónklippilistin hefur reynt mjög á

höfundarréttarlög. Tónklippilistin er einnig sett í samhengi við póstmódernískar kenningar um textatengsl og spurt hvort endurvinnsla af þessu tagi sé leikur að innantómum vísunum

sem endurspegli óhæfi til að fást við eigin samtíma, eða hvort hún komi á hugmyndafræðilegum tengslum við verkin sem á undan fóru í því skyni að varpa nýju, fersku og merkingarbæru ljósi á nútíðina.

Hvernig kallast tónklippilistin á við sambærilegar aðferðir í myndlist og bókmenntum? Hver er munurinn á því að nota þekkt hljóðbrot og óþekkt? Hver er framtíð tónklippilistar þegar hægt er að framleiða „ímynduð hljóðbrot“ í einni svipan með aðstoð gervigreindar?