Bæn og hugleiðing að morgni dags.

Leiðin í öruggt skjól var löng og krókótt eftir að æskuheimilið fuðraði upp í sprengjuregni. Ferdinand Alfreðsson fylgdi mömmu sinni Helgu Einarsdóttur um stríðshrjáð Þýskaland, Pólland og Danmörku seinni heimstyrjaldarinnar í leit að íverustað. Hefur það áhrif á mann alla ævina að alast upp í stríðsátökum? Eða er það bara eitthvað sem venst og gleymist svo eins og annað á langri ævi?

Umsjónarmaður: Helga Ferdinandsdóttir.

Útvarpsfréttir.

Ævar Kjartansson glímir við eðli trúarinnar, einkum þær áherslur sem Páll postuli og Lúther lögðu á mikilvægi þess að trúa á dauða og upprisu Krists fremur en siðferðileg fordæmi, krossfestinguna frekar en Fjallræðuna.

Ævar Kjartansson ræðir við séra Jakob Rolland prest við kaþólska söfnuðinn í Reykjavík um sameiginlega yfirlysingu Lútherana og kaþólskra um réttlætingu af trú frá 1999.

Í þættinum verður fjallað um Garðar Cortes óperusöngvara sem fæddist árið 1940 og lést 2023. Garðar var einn af helstu tenórsöngvurum Íslands á síðustu tveimur áratugum 20. aldar, en hann var einnig brautryðjandi í íslensku tónlistarlífi, stofnaði Söngskólann í Reykjavík árið 1973 og Íslensku óperuna 1979. Árið 1981 fékk hann Bjartsýnisverðlaun Brøstes fyrstur manna. Garðar var skólastjóri Söngskólans og óperustjóri Íslensku óperunnar í mörg ár, og stjórnaði einnig kórum og hljómsveitum. Í þættinum verða fluttar hljóðritanir með söng Garðars, rakinn verður ferill hans og flutt brot úr viðtölum við hann og samstarfsfólk hans. Umsjón með þættinum hefur Una Margrét Jónsdóttir.

Veðurstofa Íslands.

Dægurflugur og söngvar frá ýmsum tímum.

Umsjón: Jónatan Garðarsson.

Leikin eru lög þar sem hugtökin trú, von, kærleikur og minningar koma við sögu með einum eða öðrum hætti. Fyrstu tvö lögin eru eftir Stefán S. Stefánsson. Þór Breiðfjörð og Regína Ósk Óskarsdóttir syngja fyrra lagið sem heitir Trú, en Þór syngur seinna lagið sem heitir Morgunstund. Páll Róskinkranz syngur lag sem Jóhann G. Jóhannsson samdi 1971 við kærleiksboðskap Páls postula. Hann syngur líka lag sem heitir Náttúrbarn (Ég hugsa um þig) eftir Roland Hartwell en textann gerði Stefán Hilmarsson. Maríanna Másdóttir og Már Guðnason syngja Upp á afskekktri hæð, lag eftir George Bennet en íslenski textinn er eftir Ásmund Einarsson. Anna Gréta Sigurðardóttir flytur sálminn Nú vil ég enn í nafni þínu og Valgerður Guðnadóttir og Edgar Smári Atlason syngja lag Jóhanns Helgasonar Ég á trú. Edgar Smári syngur lagið Ferðalangur sem er eftir Fernando Ortega en íslenska textann gerði Guðlaug Gunnarsdóttir. Hjalti Gunnlaugsson og Þóra Gísladóttir syngja lokalagið sem heitir Sannleikurinn og er eftir Hjalta. Umsjón: Jónatan Garðarsson.

Annar í páskum

Sr. Eric Guðmundsson

Organisti Pétur Nói Stefánsson

Kór Aðventkirkjunnar í Reykjavík

Útvarpsfréttir.

Illugi Jökulsson gramsar í safnakosti Ríkisútvarpsins.

Íslenskur námsmaður í Bandaríkjunum, Júlíus Maggi Magnús, skráði sig í bandaríska herinn 1944 og var kominn til Filippseyja skömmu áður en stríðinu á Kyrrahafi lauk ári síðar. Hann fylgdist því með stríðslokum og hafði síðan aðsetur í Japan um skeið þar sem þjóðin reyndi að sætta sig við uppgjöfina.

Í ár er öld liðin frá því að Indriði G. Þorsteinsson rithöfundur og ritstjóri fæddist. Hann var um áratugaskeið einn svipmesti leikandi á sviði íslensks þjóðlífs, ritstjóri dagblaðs, áhrifamaður í stjórnmálum og athafnalífi og vinsæll rithöfundur. Í verkum sínum dró hann upp áhrifaríka mynd af þeim miklu umskiptum sem urðu á íslensku samfélagi um miðja tuttugustu öld þegar margra alda gömul þjóðmenning hvarf nánast á einni nóttu og Ísland varð að þéttbýlissamfélagi.

Umsjón: Kristján B. Jónasson

Indriði G. Þorsteinsson var ekki aðeins rithöfundur. Hann starfaði lengi sem blaðamaður og ritstjóri og tók virkan þátt í þjóðmálaumræðunni, beitti sér í fyrirtækjarekstri og framleiðslu kvikmynda og var einn helsti skipuleggjandi hátíðarhaldanna í tilefni af 1100 ára afmæli Íslandsbyggðar 1974. Umdeildastur var hann þó sem pistlahöfundurinn Svathöfði.

Stefán Ragnar Höskuldsson vissi snemma að hann vildi verða flautuleikari og þurfti aldrei að vera minntur á að æfa sig. Hann ólst upp á Austfjörðum en fór mánaðarlega til Reykjavíkur í flaututíma frá 9 ára aldri, í fylgd föður síns. Hæfileikar, ástríða og þakklæti hafa komið honum eins langt og tónlistarmaður getur náð á einni ævi - Stefán Ragnar leikur nú fyrstu flautu í Berlínarfílharmóníunni, einni fremstu sinfóníuhljómsveit heims. Í samtali við Melkorku Ólafsdóttur rekur Stefán Ragnar leið sína úr sveitinni í skærasta sviðsljósið.

Að vanda er nóg að gera hjá meðlimum Kriðpleirs, á fjörur þeirra rekur áhugavert verkefni sem gæti breytt öllu fyrir þá og fjölskyldur þeirra. Ragnar og Árni eru til í þetta en Friðgeir er hins vegar á leiðinni til Tene þar sem hann ætlar að freista þess að klára bók fyrir jólin.

Leikarar: Árni Vilhjálmsson, Friðgeir Einarsson, Ragnar Ísleifur Bragason, Ragnheiður Maísól Sturludóttir, Sigrún Hlín Sigurðardóttir, Halldóra Geirharðsdóttir, Ylfa Ösp Áskelsdóttir, Hákon Jóhannesson, Hjörtur Jóhann Jónsson, Benedikt Nikulás Annes Ketilsson og Jón Kalman Stefánsson.

Hugmynd, handrit og leikstjórn:

Bjarni Jónsson, Friðgeir Einarsson, Árni Vilhjálmsson og Ragnar Ísleifur

Bragason.

Tónlist:

Benni Hemm Hemm.

Hljóðvinnsla:

Gísli Kjaran Kristjánsson.

Ragnar og Ragnheiður bregða á það ráð að bjóða Rúnu pípara og Orra sponsor í sánagusu í þeirri von um að hugmyndin um byggð að þeirra skapi hljóti brautargengi.

Steinunn Harðardóttir fjallar um sagnalist og sögumenn. Sagnalist er gömul listgrein sem fylgt hefur manninum um aldaraðir. Sögumenn hafa ávallt verið aufúsugestir og veitt kærkomna afþreyingu. Í þáttunum Sögum og sagnalist mun Steinunn ræða við nokkra sagnamenn nútímans, einn í hverjum þætti.

Þættirnir voru áður á dagskrá árið 2005

Í þættinum er rætt við þau Inga Hans Jónsson, sagnameistara og Sigurborgu Kr. Hannesdóttur, um sagnalist og síðan er efnt til sagnakvölds fyrir þáttinn, að Dalsá í Mosfellsdal þar sem þau segja áhugasömum áheyrendum sögur.

Útvarpsfréttir.

Hljóðritun frá tónleikum Stórsveitar Reykjavíkur sem fram fóru í byrjun árs í Eldborg, Hörpu.

Tónleikarnir eru helgaðir swingtímabilinu, 1930-50, þegar stórsveitir réðu ríkjum í tónlistarheiminum og stjórnendur, söngvarar og einleikarar voru poppstjörnur síns tíma.

Efnisskráin er fengin úr nótnabókum stórsveita Glenn Miller, Benny Goodman, Duke Ellington, Count Basie, Tommy Dorsey og fleiri og er í upprunalegum útsetningum.

Gestasöngvarar eru Hildur Vala Einarsdóttir, Selma Björnsdóttir og Bjarni Arason.

Stjórnandi og kynnir: Sigurður Flosason.

Um hljóðritun sá Gísli Kjaran Kristjánsson.

Fréttir

Inga Huld Hákonardóttir gerði þættina um konur og kristni árið 1994.

Fjórði þáttur.

Um þátt kvenna í mótun kristninnar.

frá Veðurstofu Íslands

Dánarfregnir.

Svavar Knútur Kristinsson á tónleikum í Iðnó 20. mars 2026.

Hljóðritun frá tónleikum í Iðnó 20. mars 2026.

Arngerður María Árnadóttir, Alexandra Kjeld, Guðbjörg Hlín Guðmundsdóttir, Lilja Dögg Gunnarsdóttir

Snorri Helgason fær til liðs við sig þátttakendur í Reykjavik Folk Festival á þessum tónleikum í Iðnó 20. mars 2026.

Brek: Harpa Þorvaldsdóttir, Jóhann Ingi Benediktsson, Sigmar Þór Matthíasson, Guðmundur Atli Pétursson

Umbra Ensemble: Arngerður María Árnadóttir,

Alexandra Kjeld, Guðbjörg Hlín Guðmundsdóttir, Lilja Dögg Gunnarsdóttir

Svavar Knútur Kristinsson

Árið 1903 hlaut Niels Ryberg Finsen Nóbelsverðlaun fyrir rannsóknir sínar á ljósmeðhöndlun við hörundsberklum og öðrum sjúkdómum. Hann var fyrsti danski handhafi Nóbelsverðlaunanna sem þá voru nýtilkomin og vegna sérsviðs síns var hann gjarnan kallaður ljóslæknirinn. Uppruni Finsens teygir sig þó líka til Færeyja, þar sem hann fæddist, og til Íslands en á hann rætur að rekja til Íslands í föðurætt auk þess sem hann bjó hér um nokkurt skeið og lauk stúdentsprófi frá Lærða skólanum sem þá hét.

Í aðalbyggingu Menntaskólans í Reykjavík er enn minnisvarði um námsár Finsens. Þrátt fyrir það er hann mörgum Íslendingum gleymdur og í þessum þætti verður hans minnst, fjallað um tengslin við Ísland, námsárin og afrekin á sviði læknavísinda.

Umsjón: Jóhannes Ólafsson

frá Veðurstofu Íslands

Steinunn Harðardóttir fjallar um sagnalist og sögumenn. Sagnalist er gömul listgrein sem fylgt hefur manninum um aldaraðir. Sögumenn hafa ávallt verið aufúsugestir og veitt kærkomna afþreyingu. Í þáttunum Sögum og sagnalist mun Steinunn ræða við nokkra sagnamenn nútímans, einn í hverjum þætti.

Þættirnir voru áður á dagskrá árið 2005

Þau Ingi Hans Jónsson og Sigurborg Kr. Hannesdóttir sagnameistarar segja sögur á sagnakvöldi að Dansá í Mosfellsdal. Sagnakvöldið var haldið í tilefni að upptöku þessa þátta.

Aldarminning Kristjáns Kristjánssonar stjórnanda KK sextettsins. Kristján gerði miklar kröfur til sjálfs sín og þeirra sem störfuðu með honum. Hann gaf ungu tónlistarfólki tækifæri til sanna sig og ól upp heila kynslóð hljóðfæraleikara og söngvara. Snyrtimennska og vönduð vinnubrögð voru í hávegum og segja má að Kristján hafi gert dægurtónlistarflutning að virðingarstarfi. Umsjón: Jónatan Garðarsson.