Matargat

Piparkökur fyrir jólin

Í þessum þætti af Matargat undirbúa Máni og Ylfa jólin, með því að baka og skreyta piparkökur. Þau fá foreldra sína til að búa til deigið fyrir sig en það er líka hægt að kaupa deig út í búð.

Svona er uppskriftin:

Tilbúið piparkökudeig

Glassúr: Flórsykur, matarlitur og vatn.

Aðferð:

Setjið hveiti á borðið og fletjið út piparkökudeigið með kökukefli. Skerið út allskonar form að eigin vali með skapalónum. Raðið svo piparkökunum á bökunarplötu og bakið við 190°c í 5-10 mínútur.

Á meðan kökurnar bakast getið þið skorið út fleiri piparkökur úr afgangs deiginu eða búið til glassúr.

Ef kökurnar eiga að vera jólaskraut skuluð þið skera út göt í kökurnar og þræða bandi í gegn eftir að þær bakast.

Þegar kökurnar eru tilbúnar er hægt að skreyta þær með glassúr eða þræða bönd í gegnum götin og hengja á jólatréð.

Frumsýnt

19. des. 2021

Aðgengilegt til

31. des. 2025

Þau Ylfa og Máni standa vaktina í eldhúsinu og kenna okkur hvernig á að elda og baka ýmislegt góðgæti.

Dagskrárgerð: Eva Rún Þorgeirsdóttir

Umsjón: Ylfa Blöndal og Hilmar Máni Magnússon.