Kastljós

Almannavarnabæklingur, bændur á Barðaströnd og sýningin Í skugga átaka.

Almannavarnadeild ríkislögreglustjóra gaf í dag út bækling þar sem landsmenn eru beðnir að vera viðbúnir. En viðbúnir hverju nákvæmlega og af hverju núna? Runólfur Þórhallsson, sviðstjóri almannavarnasviðs Ríkislögreglustjóra sat fyrir svörum.

Kastljós tók hús á bændum á Barðaströnd sem eru almennt frekar vel undirbúin, enda oft þurft að takast á við ófærð og rafmagnsleysi. Býlið er ekki afskekktara en gengur og gerist á Vestfjörðum, en það er þó um fjallveg að fara til þess að komast í næsta þéttbýli.

Þá var litið inn á listasýninguna Í skugga átaka, sem nú stendur yfir á Listasafni Akureyrar. Hernaður og stríðsátök í Evrópu eru þar til umfjöllunar.