Kastljós

Systir manns sem myrti móður þeirra, lækkuð fæðingartíðni og Þetta er gjöf

Systir manns sem réði móður þeirra bana í fyrra vill að hlustað sé á aðstandendur innan geðheilbrigðiskerfisins. Hún segir að mæðginin hafi bæði átt við mikinn geðrænan vanda að stríða, en litla sem enga hjálp fengið. Kerfið hafi ekki aðeins brugðist þeim, heldur fjölskyldunni allri. Tæpu ári eftir atburðinn hefur fjölskyldunni ekki boðist nein aðstoð.

Sífellt fleiri Íslendingar velja að eignast ekki börn og fæðingartíðni hefur verið frjálsu falli frá bankahruninu. Hópurinn sem kýs að eignast ekki börn hefur þó tekið breytingum á undanförnum árum. Sunna Kristín Símonardóttir lektor við Háskólann á Akureyri og Ari Klængur Jónsson eru gestir kvöldsins en þau hafa rannsakað þessi mál undanfarin ár.

Leikritið Þetta er gjöf eftir leikskáldið Kolbrúnu Björt Sigfúsdóttur hlaut fádæma viðtökur í Skotlandi í sumar og er nú komið á íslenskar fjalir. Við lítum inn á æfingu í lok þáttar.