Helstu fréttir dagsins af innlendum og erlendum vettvangi. Alla daga, árið um kring.

Fyrstu hvalirnir komnir á land

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Styrktaræfingar fyrir handleggi. Sitjandi æfingar. Gott að hafa létt lóð eða vatnsflösku við hendina.

Finnlandssænskir heimildarþættir um kvenlega fegurð og öldrun. Þáttastjórnandinn Eva Kela leit áhyggjur kvenna af því að eldast hornauga en nú þegar hún er sjálf komin yfir fertugt og farin að finna aldursmerki á eigin skinni áttar hún sig á því hversu sterk áhrif fegurðarstaðlar hafa á hana. Hún ræðir við konur komnar yfir fertugt sem veita innsýn inn í breytt útlit sitt og líðan.

Spurningakeppni framhaldsskólanna frá 1987. Umsjón: Hermann Gunnarsson og Elísabet Sveinsdóttir. Stjórn útsendingar: Björn Emilsson.

Lið Menntaskólans við Sund mætir liði Flensborgarskólans í Hafnarfirði.

Danskur heimildarþáttur um sambönd feðra og sona. Í þættinum fylgjum við þremur ungum mönnum sem eiga það sameiginlegt að vilja skilja feður sína betur og verða nánari þeim.

Fróðlegur og skemmtilegur þáttur um fólk sem á rætur um allan heim, en hefur af ólíkum ástæðum sest að á Íslandi. Næstum því einn af hverjum tíu íbúum Íslands er af erlendum uppruna. Sumir komu hingað af því að þá langaði til þess, aðrir áttu fáa aðra kosti. Einhverjir ætluðu bara rétt aðeins að staldra við, en ílentust óvart á lítilli eyju í norðri. Umsjón: Sigríður Halldórsdóttir og Ragnheiður Thorsteinsson.

Við veltum fyrir okkur siðum, venjum og hjátrú fólks frá ólíkum löndum. Við förum í saumaklúbb erlendra kvenna sem í þeirra huga er svo miklu meira en saumaklúbbur. Við eldum afrískan mat með úganskri ömmu og heyrum sögu Lees Nelson, sirkusstjóra Sirkuss Íslands. Hann ætlaði sér aldrei að stoppa lengi á Íslandi en svo varð hann bara óvart ástfanginn af íslenskri konu - á skemmtistaðnum Sirkus.

Price-bræður halda í sælkeraferð um Norðulönd. Þeir töfra fram kræsingar í Svíþjóð, Noregi og Finnlandi.

Leikföngin í Háaloftsbæ lifna við og breyta hversdagslegum hlutum í stórskemmtilegar uppfinningar. Krílin eru nefnilega snillingar í að nota ímyndunaraflið og um leið hvetja börn til þess að skapa og prófa sig áfram.

Önnur þáttaröð um Lalla, sem færir ykkur allan heiminn þegar hann grípur litina sína. Hann er svo flinkur að teikna hann Lalli!

Marri leirkall og vinir hans eru afar uppátækjasamir og í þessum þáttum lenda þeir í háskalegum ævintýrum þar sem þeir búa. Heimkynni þeirra eru fremur óvenjuleg, en þeir búa á borðplötu.

Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?

Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?

Stutt umfjöllun Sumarlandans sem var á flakki sumarið 2023 og hitti landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring.

Vikinglottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Leikir á HM karla í fótbolta.

Leikur Sviss og Kanada á HM karla í fótbolta.

Samantekt frá leikjum dagsins á HM karla í fótbolta.

Leikir á HM karla í fótbolta.

Leikur Skotlands og Brasilíu á HM karla í fótbolta.

Þættir sem fjalla um þjóðirnar sem taka þátt á HM karla í fótbolta. Við kynnumst leikmönnum, þjálfurum og þeim þjóðum sem keppa um heimsmeistaratitilinn á þessum stærsta viðburði vinsælustu íþróttagreinar veraldar.

Fjallað er um Skotland, Tyrkland, Svíþjóð og Tékkland.

Leikir á HM karla í fótbolta.

Leikur Tékklands og Mexíkó á HM karla í fótbolta.