Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Skiptar skoðanir eru á nýrri matarstefnu Reykjavíkurborgar, þar sem bann er lagt við unnum kjötvörum í leik- og grunnskólum nema í undantekningartilfellum. Meirihlutinn segir að með þessu sé stuðlað að aðgengi að næringarríkum mat óháð efnahag og benda á að unnar kjötvörur innihaldi skaðleg efni. Minnihlutinn gagnrýnir meirihlutann fyrir að fara offari og útiloka meðal annars hefðbundinn heimilismat, sem sé hluti af íslenskri matarmenningu. En hversu algengar eru unnar kjötvörur á matseðlum skólanna? Ellen Alma Tryggvadóttir, næringarfræðingur og verkefnastjóri hjá embætti landlæknis í fer yfir málið?
Það þarf að koma til móts við fólkið sem notar almenningssamgöngur, segir ungur maður sem er stundum rúmlega klukkutíma að komast til vinnu með strætó. Kastljós fjallar um nokkur málefni sem kosið er um í sveitarstjórnarkosningum á næstu vikum.
Óvenjulegur leikhópur sýnir sitt eigið verk í Hljómahöllinni í Reykjanesbæ. Leikararnir eru á öllum aldri, tala ólík tungumál og eiga það allir sameiginlegt að vera flóttafólk. Við lítum á æfingu.
Oddvitar allra framboða í sveitarfélaginu mætast í umræðuþætti.
Sex listar eru í framboði í Mosfellsbæ fyrir sveitarstjórnarkosningar í vor. Oddvitar þeirra mætast umræðum. Þátttakendur eru Ómar Ingþórsson, Samfylkingu, Sævar Birgisson, Framsóknarflokki, Sveinn Óskar Sigurðsson, Miðflokki, Hilmar Gunnarsson, Sjálfstæðisflokki, Gylfi Þór Þorsteinsson, Viðreisn og Árni Jónsson Vini Mosfellsbæ.
Bein útsending frá spurningakeppni sveitarfélaga. Umsjónarmenn eru Guðrún Dís Emilsdóttir og Sólmundur Hólm. Spurningahöfundar: Ævar Örn Jósepsson og Jón Svanur Jóhannsson. Dómari: Ævar Örn Jósepsson. Stjórn útsendingar: Helgi Jóhannesson.
Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.
Tinna táknmálsálfur er sniðugur álfur sem býr í Blómabæ í Bláskógarbyggð. Hún lendir í ýmsum ævintýrum með vinum sínum Kötu kónguló og Tedda tannálfi og ef til vill lærum við líka svolítið táknmál.
Höfundur:
Laila Margrét Arnþórsdóttir
Leikur:
Tinna: Kolbrún Völkudóttir
Kata kónguló: Jan Fiurasek
Talsetning:
Tinna: Álfrún Helga Örnólfsdóttir
Kata kónguló: Erla Ruth Harðardóttir
Teddi tannálfur: Björgvin Franz Gíslason og Friðrik Friðriksson
Búningar: Helga Rún Pálsdóttir
Tinnu langar að fara í ferðalag og sjá nýjar álfaborgir en Teddi vill ekki fara með af því að hann er svo þreyttur. Tinna lætur ekki segjast og notar töfraduft til að breyta gömlu teppi í flugteppi sem hún og Teddi fljúga síðan á.
Jóga fyrir alla krakka í ævintýraheimi með dýrum og náttúru.
Ævintýrajóga hvetur börn til hreyfingar og að vera meðvituð um líkama sinn og líðan. Það gefur þeim verkfæri sem auðveldar þeim að líða vel í eigin líkama og takast á við daglegt líf. Jógakennari: Þóra Rós Guðbjartsdóttir. Framleiðsla: Erla Hrund Hafsteinsdóttir.
Förum í ferðalag í gegnum skóginn og tökum eftir trjánum og dýrunum sem búa þar. Átt þú þér uppáhalds tré?
Birta og Jean segja frá því hvernig þú getur orðið hugmyndasmiður. Hugmyndasmiður er sá sem fær hugmynd og hefur hugrekki og kraft til að láta hana verða að veruleika. Þau spjalla við íslenska hugmyndasmiði um uppfinningarnar þeirra og ræða hvers vegna hugmyndasmiðir eru mikilvægir fyrir bæði nútíð og framtíð. Umsjón: Birta Steinunn Sunnu Ægisdóttir og Jean Daníel Seyo Sonde. Þættirnir eru framleiddir af KrakkaRÚV í samstarfi við verkefnið Hugmyndasmiðir, sem fræðir krakka um nýsköpun. Nánari upplýsingar um verkefnið má finna á vefsíðunni hugmyndasmidir.is
Hvernig virkar hugurinn okkar? Hvar verða hugsanir og hugmyndir til? Birta og Jean spjalla við hugmyndasmiðinn Sunnu sem býr til steypu úr umhverfisvænu efni.
Ástin er mikil ráðgáta og í þessum dönsku þáttum er gerð tilraun til að finna lykilinn að henni. Getur verið að hann sé að finna í magni persónulegra gagna? Til að sannreyna vísindin á bak við Big Data eru átta einhleypir einstaklingar paraðir saman út frá persónuupplýsingum. Mun ástin kvikna þegar fólkið fer að búa saman og kynnast nánar?
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Ræða Ingu Sæland mennta- og barnamálaráðherra á þingi Kennarasambands Íslands í gær hefur valdið titringi meðal kennarastéttarinnar og skildi salinn eftir í nokkru uppnámi. Hún boðaði í ræðu sinnu breytingar á einkunnakerfi grunnskólanna sem virðist hafa komið kennurum í opna skjöldu. Inga Sæland er gestur Kastljóss.
Sigurvegari Söngkeppni framhaldsskólanna er hinn 18 ára Guðjón Þorgils Kristjánsson, sem keppti fyrir hönd Fjölbrautaskóla Suðurnesja. Við kynnumst honumí þætti kvöldsins.
Siggi Gunnars stýrir lifandi þætti um dægurmenningu með áherslu á tónlist, sjónvarp og kvikmyndir. Helstu straumar og stefnur, innlit til áhugaverðs fólks og skemmtilegir gestir í myndveri. Umsjón: Sigurður Þorri Gunnarsson. Stjórn upptöku: Ragnar Eyþórsson.
Í Miðstöðinni að þessu sinni kynnum við okkur nýja íslenska grínþætti sem heita HÆST og eru í Sjónvarpi Símans. Þættirnir gerast í Menntaskólanum við Sund og við förum í heimsókn þangað og spjöllum við aðstandendur.
Laugardaginn 18. apríl er alþjóðlegi plötubúðardagurinn. Í tilefni þess fáum við til okkar tvo vínylspekúlanta til þess að ræða tónlist á föstu formi, þá Snorra Helgason og Ragnar Kjartansson. Við förum líka í heimsókn í plötubúð og tökum stöðuna á plötubúðinni árið 2026.
Í lok þáttar fáum við heimsókn frá upprennandi poppstjörnu, Guðjón Þorgils, sem bar sigur úr býtum í Söngkeppni framhaldsskólanna um liðna helgi.
Önnur þáttaröð dönsku dramaþáttanna um kokkana Michael og Nöju sem ákveða að gefa samstarfinu annað tækifæri og opna nýjan veitingastað saman. Málin flækjast þegar Naja fellur fyrir fjárfestinum þeirra, Cecilie, og vantraust Michaels eykst sífellt. Aðalhlutverk: Jesper Zuschlag og Julie Rudbæk. Þættirnir eru ekki við hæfi barna yngri en 12 ára.
Breskir gamanþættir um einfarann John Taylor sem gefur út þrautabækur undir dulnefninu „Ludwig.“ Þegar eineggja tvíburabróðir hans, James, hverfur sporlaust heldur John á lögreglustöðina til að grennslast fyrir um hann. Þar er bræðrunum ruglað saman og John er skyndilega kominn í starf bróður síns sem rannsóknarlögreglustjóri Cambridge. Aðalhlutverk: David Mitchell, Anna Maxwell Martin og Dipo Ola. Þættirnir eru ekki við hæfi barna yngri en 12 ára.
Heimildarþáttaröð frá BBC þar sem ljósmyndir eru notaðar til að fara yfir lífshlaup þekktra einstaklinga.
