Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Óskar Kemp lenti í bílslysi á Reykjanesbraut árið 2018 og hlaut alvarlegan heilaskaða í kjölfarið. Sex árum síðar fær hann enn ekki fulla þjónustu heima fyrir og fyrir stuttu var honum synjað um næturþjónustu, þrátt fyrir að læknar telji hann þurfa stuðning allan sólarhringinn. Við settumst niður með Indu Hrönn, eiginkonu Óskars.

Heiða Björg Hilmisdóttir borgarfulltrúi og formaður Velferðarráðs kom í kjölfarið í myndver og ræddi mál Óskars í sambærilegri stöðu. Hún ræddi líka stöðu félagsmiðstöðva. Mikilvægi þeirra hefur verið mikið rætt á síðustu vikum en um áramót voru opnunartímar þeirra styttir í Reykjavík.

Íslenski dansflokkurinn sýndi opnunaratriði þegar ný danshöll var vígð í Kaupmannahöfn á dögunum. Kastljós var á staðnum.

Fréttatengdur skemmtiþáttur þar sem keppendur spreyta sig á misalvarlegum spurningum sem sóttar eru í glóðvolgar fréttir og gamlar í bland. Stjórnandi og spyrill er Kristjana Arnarsdóttir og henni til halds og trausts er fréttamaðurinn Birta Björnsdóttir. Framleiðsla: RÚV.

Keppendur eru Vilhelm Þór Neto, Fjölnir Gíslason, Karen Björg Þorsteinsdóttir og Júlíana Sara Gunnarsdóttir.

Íslensk heimildarþáttaröð þar sem áhorfendur fá einstaka sýn inn í töfraheim leikhússins og fylgjast með flóknu sköpunarferli sem á sér stað frá því að leikararnir fá handritið í hendurnar og fram yfir frumsýningu. Dagskrárgerð: Þorsteinn J.

Heimildarþáttaröð í fjórum hlutum um samísku systurnar Maxida och Mimie Märak en báðar eru þær virkar í sænsku rappsenunni og berjast jafnframt ötulega fyrir réttindum Sama.

Steinsteypuöldin er þáttaröð í umsjón Egils Helgasonar og Péturs H. Ármannssonar. Þar er rakin saga byggingarlistar og borgarskipulags í Reykjavík á tuttugustu öld. Þáttaröðin hefst 1915, í stórbrunanum þar sem eyddust fjölmörg timburhús í bænum. Þá hófst tími steinsteypuhúsanna. Dagskrárgerð: Ragnheiður Thorsteinsson.

Dönsk þáttaröð þar sem prjónaáhrifavaldurinn Lærke Bagger og sjónvarps- og prjónakonan Christine Feldthaus fara til Færeyja, Grænlands, Íslands og Noregs og læra prjónaaðferðir í hverju landi.

Kvikmyndasafn Íslands geymir fjársjóð af kvikmyndum sem sýna íslenskan veruleika snemma á síðustu öld. Egill Helgason og Gunnar Tómas Kristófersson rýna efni og sýna efni sem jafnvel enginn hefur séð. Dagskrárgerð: Ragnheiður Thorsteinsson.

Fjallað er um menningarviðburði og hvernig fólk freistaði þess að koma menningu og listum til skila í kvikmyndum. Auk þess eru skoðaðir ýmsir skemmtilegir safngripir í Kvikmyndasafni Íslands.

Norskar stjörnur eru eins og fólk er flest og ekki til fyrirmyndar í matarsóun. Í þessum þáttum eru eldaðar dýrindis kræsingar úr mat sem hefði annars lent í ruslinu.

Í Kveikt á perunni er keppt í skapandi þrautum. Skaparar og keppendur hafa 10 mínútur til að klára þraut og taka þátt í Stórhættulegu spurningakeppninni. Til þess að gera þetta ennþá erfiðara draga keppendur babb-spjöld þegar tíminn er hálfnaður.

Þegar tíminn er búinn, stöndum við á öndinni, teljum saman stigin og förum yfir svörin í Stórhættulegu spurningakeppninni og að sjálfsögðu endar þetta á vænni slímgusu.

Dagskrárgerð: Sigyn Blöndal og Sindri Bergmann Þórarinsson.

Skaparar og keppendur eru: Hrafnhildur Kjartansdóttir og Guðrún Klara Egilsdóttir og búa þær til skrímsli. Fjörulalli, Nykur og Skoffín eru íslensk skrímsli - þekkir þú fleiri?

Hvernig ætli sumir hlutir sem við erum mjög vön hafi verið fundnir upp? Stórfurðulegu steinaldarmennirnir sýna okkur sínar misheppnuðu tilraunir.

Stjörnu-Sævar svarar ýmsum vísindaspurningum frá geimgormunum okkar.

Nýi heimilsfræðikennarinn hún Hrefna, fer með nemendur sína á matreiðsluferðalag um heiminn í allan vetur, þar sem við kynnumst hinum ótrúlegustu réttum frá ýmsum löndum. Matráðsmeistarar eru: Hrefna Hlynsdóttir, Emilía Dröfn Davíðsdótir, Garðar Eyberg Arason, Kría Burgess og Sigurður Hilmar Brynjólfsson.

Í þessum fyrsta heimilisfræðitíma vetrarins, kynnast krakkarnir í skólanum nýja heimilifræðikennaranum sínum henni Hrefnu.

Hrefna fer með krakkana í matarferðalag um heiminn og að þessu sinni verður Frakkland fyrir valinu.

Krakkarnir búa til dýrindis "French toast", "Pain purdu", "týnt brauð" eða einfaldlega eggjabrauð, sem er reyndar ekki frá Frakklandi, en það er önnur saga.

Stuttir þættir þar sem við kynnumst merkiskonum mannkynssögunnar. Sumar eru frægar, aðrar eru óþekktar en allar eru þær töffarar og eldhugar.

Hvað ætli gerist þegar hin og þessi skordýr bíta fólk og stinga? Sebastian Klein ferðast um sveitir Danmerkur og lætur bíta sig, brenna og stinga til að komast að því.

Auður Bjarnadóttir stjórnar jógaæfingum fyrir börn. Krakkajóga úr Stundinni okkar veturinn 2001-2002. Umsjón og handrit: Auður Bjarnadóttir. Jógakrakkar: Anna Jia, Anna Kolfinna Kuran, Ásta Sólhildur Þorsteinsdóttir, Heiðar Örn Helgason, Herdís Athena Þorsteinsdóttir, Inga Huld Hákonardóttir og Ivan Svanur Corvasce. Sögumaður er Garðar Benedikt Sigurjónsson. Aðstoð við dagskrárgerð: Hlíf Ingibjörnsdóttir. Dagskrárgerð: Eggert Gunnarsson

Krakkafréttir dagsins: 1. Smiðja: Nýbygging Alþingis 2. Rampur númer 1.300.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Nýir þættir sem fjalla um hringrásarhagkerfið, þar sem hlutir og hráefni fara í hring og eins manns rusl verður annars fjársjóður. Umsjón: Sigríður Halldórsdóttir og Freyr Eyjólfsson. Framleiðsla: Republik.

Hvað ef hægt væri að breyta gömlum raftækjum í húsgögn, fatnað, nammifelutæki og tónlist? Jafnvel gera við þau ef þau bila?

Færeyskir matreiðsluþættir frá 2024. Mataraktívistinn Sunniva Gudmundsdóttir Mortensen gefur áhorfendum góð ráð um hvernig hægt er að nýta alls kyns hráefni úr umhverfinu í matargerð.

Þriðja þáttaröð írsku spennuþáttanna um Val Alhern og fjölskyldu. Val hefur grennslast fyrir um dánarorsök eiginmanns síns síðan hann fannst látinn í fjöru við klettarætur. Því dýpra sem hún kafar ofan í grafin fjölskylduleyndarmál, því betur áttar hún sig á hversu lítið hún þekkti eiginmann sinn til 30 ára. Aðalhlutverk: Dervla Kirwan, Gemma-Leah Devereux og Niamh Walsh. Þættirnir eru ekki við hæfi barna yngri en 12 ára.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Leikin frönsk þáttaröð frá 2023 um frönsku ofurfyrirsætuna, leik- og söngkonuna Brigitte Bardot. Fylgst er með Bardot fóta sig í breyttum veruleika við upphaf frægðar sinnar árið 1949 til ársins 1960. Aðalhlutverk: Julie de Nunez, Victor Belmondo og Géraldine Pailhas. Leikstjórn: Christopher Thompson og Danièle Thompson. Þættirnir eru ekki við hæfi barna yngri en 12 ára.

Þegar forsætisráðherra fær geðhvörf verða samstarfsmenn hans að leggja bæði stöðugleika ríkisins og einkalíf sitt að veði til þess að halda því leyndu fyrir þjóðinni. Aðalhlutverk: Ólafur Darri Ólafsson og Aníta Briem. Leikstjórn: Nanna Kristín Magnúsdóttir og Arnór Pálmi Arnarson.