Með Skagann á heilanum

Markið sem þarf að horfa á aftur og aftur og aftur

Stúkan á Laugardalsvelli dúaði af spennu og stemningu löngu áður en Ólafur Þórðarson skoraði gegn Feyenoord 1993. Mark sem Arnar Björnsson lýsandi sagði að fólk yrði að horfa á aftur og aftur og aftur. Við förum yfir sögu ÍA 1993 og 1994; annað er einstakt sigurár en hitt árið þótti Íslandsmeistaratitill ekki nóg. Jú, svo segjum við sögu af barnsfæðingu.

Umsjónarmenn: Gunnlaugur Jónsson og Brynjólfur Þór Guðmundsson.

Lesarar: Alexander Kristjánsson, Arnar Björnsson, Haukur Holm, Oddur Þórðarson og Þorgils Jónsson.

Frumflutt

21. des. 2023

Aðgengilegt til

Rennur ekki út

Hvernig verður lið úr sjávarþorpi ósigrandi á Íslandsmótinu í fótbolta þrátt fyrir mótlæti og harða samkeppni? Sjá leikmaðurinn og stuðningsmaðurinn hlutina sömu augum? Í þessari þáttaröð er fjallað um Skagaliðið frá 1990 til 2001 út frá heimildaþáttaröðinni Skaginn. Þetta er saga áranna sem Skagamenn féllu úr efstu deild og urðu næstum því gjaldþrota en unnu líka sex Íslandsmeistaratitla, þrjá bikarmeistaratitla og urðu eina karlaliðið í sögunni til að vinna þrefalt.

Umsjónarmenn: Gunnlaugur Jónsson og Brynjólfur Þór Guðmundsson.

Lesarar: Alexander Kristjánsson, Arnar Björnsson, Haukur Holm, Oddur Þórðarson og Þorgils Jónsson.