Ljósufjöll

Fyrsti þáttur

Ljósufjöll fjallar um flugslysið í Ljósufjöllum á Snæfellsnesi í apríl 1986. Fimm manns fórust en tveimur var bjargað eftir tíu og hálfrar klukkustundar bið í flakinu.

Flugmaður og sex farþegar héldu í leiguflugi frá Ísafirði til Reykjavíkur eftir að áætlunarflugi var aflýst. Flugvélin barðist á móti sunnanáttinni sem þandi sig á leiðinni. Flugmaðurinn lækkaði flugið þegar hann nálgaðist Snæfellsnes, að því virtist, til að forðast ísingu sem settist á vélina. Þá var eins og tröllshrammur rifi í vélina. Umsjón: Halla Ólafsdóttir. Tæknimaður: Lydía Grétarsdóttir.

Frumflutt

8. apríl 2020

Aðgengilegt til

4. jan. 2025

Þann 5. apríl 1986 héldu sjö manns í flugi frá Ísafirði til Reykjavíkur, en ferðin fór öðruvísi en lagt var upp með þegar vélin fórst í Ljósufjöllum á Snæfellsnesi. Fimm týndu lífi en tveir lifðu af á ótrúlegan hátt eftir margra klukkustunda bið eftir björgun í aftaka veðri og erfiðum aðstæðum. Í þremur þáttum er fjallað um flugið á þessum tíma, veðrið í Ljósufjöllum, slysið, áskoranir og sorg en líka hvað hefur breyst síðan lagt var upp í þessa örlagaríku flugferð. Umsjón: Halla Ólafsdóttir.