Anna í Grænuhlíð og aðrir rauðhærðir kvenskörungar
Í seinni þættinum er sjónum beint að persónunni Önnu í Grænuhlíð og hliðstæðum hennar í bókmenntasögunni, til dæmis munaðarleysingjum og rauðhærðum kvenskörungum.
Anna í Grænuhlíð
Ein frægasta skáldsagnapersóna bókmenntasögunnar er rauðhært, munaðarlaust stelputryppi sem vinnur hugi og hjörtu allra sem kynnast henni með bráðfjörugu ímyndunarafli sínu. Í tveimur þáttum verður fjallað um höfund sagnanna, kanadísku skáldkonuna E. M. Montgomery, og þetta fræga sköpunarverk hennar. Bækurnar eru átta talsins og hafa nokkrar þeirra verið þýddar á íslensku. Rætt verður um viðtökur þeirra og vinsældirnar sem þær hafa notið. Fyrst og fremst verður þó sjónum beint að persónunni Önnu sjálfri og hliðstæðum hennar í öðrum bókmenntaverkum, allt frá Línu langsokki til stúlkunnar Nínu Bjarkar í nýjustu skáldsögu Vigdísar Grímsdóttur, Trúir þú á töfra?
Umsjón: Auður Aðalsteinsdóttir og Ásta Gísladóttir.
