Við heyrum aftur sögurnar sem sagðar voru í þáttaröðinni Sögum af landi, sem var á dagskrá Rásar 1 frá árinu 2015-2023. Þar var flakkað um landið, rætt við fólk sem hafði sögur að segja, kynntir voru áhugaverðir staðir og fréttamál líðandi stundar skoðuð - oft með nýjum augum. Efni í þættina unnu frétta- og dagskrárgerðarfólk RÚV um allt land.

Umsjón: Gígja Hólmgeirsdóttir

Þáttur frá janúar 2017: Á tyllidögum er talað um bókaþjóðina sem býr á Sögueyjunni norður í hafi. Það er í raun merkilegt að hér skuli koma út jafnmargir bókatitlar á hverju ári og raun ber vitni og við kynnum okkur heim bóka á Íslandi í þessum þætti. Innslög í þáttinn gerðu: Þórgunnur Oddsdóttir, Dagur Gunnarsson og Ágúst Ólafsson.

Umsjón með endurliti: Gígja Hólmgeirsdóttir.

Bæn og hugleiðing að morgni dags.

Vínil plata úr safninu dregin fram og spiluð í heild.

Vínill vikunnar að sinni er eftir Bandaríska hljómborðsleikarann og tónskáldið "Blue" Gene Tyranny og nefnist Out of the Blue. Platan kom út 1978 á vegum Lovely music útgáfunnar sem sérhæfir sig í tilraunatónlist. Out of the Blue sker sig hins vegar úr þessum hópi en Tyranny kannar þar áheyranleg og aðgengileg poppstef leikin á hefðbundin dægurlagahljóðfæri.

Hlið A:

Next Time Might Be Your Time

For David K.

Leading a Double Life

Hlið B:

A Letter From Home

Útvarpsfréttir.

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Einstaklingar héðan og þaðan leika tónlist að eigin vali í þáttaröð frá vetrinum 2013-2014

Umsjón: Guðrún Eva Mínervudóttir

Umsjón: Kristján Kristjánsson.

frá Veðurstofu Íslands.

Austurland á fimmta áratug síðustu aldar. Frásagnir tengdar hernámi Breta þar.

Atburðir sem aldrei liðu úr huga þeirra sem tókust á við lífið í kjölfar þeirra.

Umsjón og dagskrárgerð: Guðrún Hálfdánardóttir

Tæknimaður: Lydía Grétarsdóttir.

Áföll geta mótað fólk fyrir lífstíð og því miður er það ekki fyrr en á síðustu árum sem það þykir eðlilegt að tala um hlutina. Fólkið á Ási og í Veturhúsum talaði aldrei um þá lífsreynslu sem það gekk í gegnum á fimmta áratug síðustu aldar. Viðmælendur í þættinum eru: Baldur Davíðsson, Edda Emilsdóttir, Friðþór Eydal, Sigrún Sigurðardóttir og Sturla Pálsson.

Farið yfir helstu fréttir vikunnar í spjalli við fólkið í fréttunum og fréttaskýrendur.

Tónlist héðan og þaðan

Íslenskt lag eða tónverk.

Útvarpsfréttir.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Íbúar í borginni Kherson í Úkraínu fara síður út þegar veðrið er gott. En þegar það er þoka, rigning og snjór má búast við að sjá fólk á gangi úti við. Og ástæðan? Skyggnið er verra og þá eru minni líkur á að fólk sé sært eða drepið af drónum Rússlandshers. Kherson er í suðurhluta Úkraínu, við ána Dnipro. Hinum megin við ána eru rússneskir hermenn sem herja á borgarbúa alla daga með drónum. Á drónunum er myndavél og sprengiefni. Sá sem stýrir dróna sér því hvert hann stefnir og viljandi er þeim beint að fólki á gangi úti, jafnvel börnum, og að bílum á ferð. Borgarbúar kalla þetta „human safari“ eða mannaveiðar. Það sé eins og Rússarnir séu á eftir almennum borgurum til að særa þá eða drepa. Dagný Hulda Erlendsdóttir fjallar um málið.

Anthony Kim vann golfmót á dögunum. Kylfinga vinna golfmót vikulega, af hverju er þetta svona merkilegt? Jú kannski vegna þess að Anthony Kim hafði ekki unnið golfmót í að verða 15 ár. Hann var með þeim bestu þegar hann var yngri, rétt rúmlega tvítugur og hann átti framtíðina fyrir sér þegar hann meiddist. Þessi meiðsli höfðu gríðarleg andleg áhrif á hann og hann leiddist svolítið inn á ranga braut í lífinu og hætti alfarið að spila golf. Eftir rúman áratug af áföllum og neyslu nær hann sér aftur á beinu brautina og byrjar aðeins að fikta við golf aftur, þá með hvatningu konu sinnar og lítillar dóttur. En hann á langt í land með að geta orðið góður á nýjan leik. En rétt eins og hann sigraði fíknina þá náði hann að yfirstíga þessa miklu hindrun, að komast aftur í fremstu röð. Þannig þetta er ekki bara saga af einhverjum golfara, heldur þroska- og batasaga einhvers sem hafði gefist upp á lífinu. Og kannski sönnun þess að það sé hægt að snúa við blaðinu, jafnvel í verstu mögulegu aðstæðum. Oddur Þórðarson segir okkur söguna alla.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Í Kúrs gerast nemendur við Háskóla Íslands dagskrárgerðarmenn; segja sögur, kafa í fræðin og spyrja spurninga. Leiðbeinendur: Þorgerður E. Sigurðardóttir og Anna Marsibil Clausen.

Hundrað ár eru liðin frá fyrstu formlegu útvarpssendingunni á Íslandi, sem fór fram í

Loftskeytastöðinni þann 18. mars 1926. Töfrar loftskeytatækjanna leiða hlustendur inn í upphafsár útvarpsmiðlunar

og að augnablikinu þegar rödd barst yfir hafið og útvarpið tók að tengja land og þjóð. Með frásögn, tónlist og

hljóðbrotum fá hlustendur að kynnast frumkvöðlastarfi Ottós B. Arnars, loftskeytafræðingsins sem stóð á bak við

draumkenndar tilraunaútvarpssendingar og fyrstu útvarpstöðina, H.F. útvarp. Í seinni hluta þáttarins stígur tæknin

sjálf fram, þegar rafeindavirkinn Sigurður Harðarson segir frá fyrstu tækjunum, danstónlistinni sem kviknaði úr suði

og þeim töfrum sem breyttu einangruðu landi í hlustandi samfélag.

Umsjón: Anna Diljá Sigurðardóttir

Veturinn 2009-2010 fékk Ævar Kjartansson Pál Skúlason, heimspeking og fyrrverandi háskólarektor, til liðs við sig til þess að fjalla um grunnhugmyndir í okkar samtíma. Í fyrsta þættinum spjölluðu þeir um eðli hugmynda almennt en fengu síðan til sín fræðimenn á ýmsum sviðum til þess að ræða hugmyndina um þjóðina, ríkið, samfélagið, hamingjuna, frelsið svo eitthvað sé nefnt.

Umsjónarmenn Ævar Kjartansson og Páll Skúlason. Gestur þeirra i þættinum er Ástríður Stefánsdóttir, læknir og siðfræðingur.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Pétur Grétarsson ræðir við Rósu Guðrúnu Sveinsdóttur tónlistarkonu um tónlistarlífið sem hún lifir. Söngur og saxófónleikur kemur við sögu sem og laga- og textasmíðar. Tónlistin í þættinum er af plötum hennar Strengur Stranda og Drangar.

Prelude

Kría

Meiriháttar

Tapari ( með Brian Massaka)

Drangar

Fréttir

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Í þættinum er fjallað um dansk-grænlenska landkönnuðinn Knud Rasmussen og ferðafélaga hans, hina grænlensku Arnarulunnguaq.

frá Veðurstofu Íslands

Dánarfregnir.

Sveiflutónlist og söngdansar að hætti hússins.

Carmen McRae syngur lögin Skylark, Chicken Today, Bob White Whatcha Gonna Swing Tonight, Baltimore Oriole, Flamingo, A Nightingale Sang On Berkley Square og Bye Bye Blackbird. Tríó Oscars Peterson leikur lögin Porgy, Watch What Happens, Triste, Fly Me To The Moon, Down On The Ground og Nightingale. Kvartett Herb Harris flytur lögin Alice Yvonne, Monkee See Monkee Do, A Two-per To Fill, Robert Earl, N.Y. Saze N.Y. Knights og Paranoia. Kristian Blak og félagar flytja lögin Caramba, Butterfly Blossom og Art Samba.

Þáttur um íslensku og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir

Eiríkur Hreinn Finnbogason tekur til umfjöllunar bréf frá hlustendum og málfar í blöðum. Í tveimur þáttum af Daglegu máli frá 1956 fjallar hann um orðin kóteletta, þinglesing og augabrún; sagnasambandið kveikja upp; hvor sinn og sinn hvor; sjálfs sín eða síns; og fyrirsögnina Ísinn er kominn á Tjörninni.

Umsjón: Melkorka Ólafsdóttir

Umsjón: Melkorka Ólafsdóttir

Þórarinn Már Baldursson segir frá sínu uppáhalds tónverki.

Vínarfílharmónían flytur fyrsta kaflann úr Sinfóníu nr. 4 eftir Johannes Brahms. Upptakan er frá árinu 1981, stjórnandi Carlos Kleiber.

Í Sagnaslóð er víða leitað fanga. Sagt er frá mönnum og málefnum fyrri tíma. Umsjónarmenn: Birgir Sveinbjörnsson og Jón Ormar Ormsson

Þættir frá vetrinum 2008-2009

Fjallað um Tryggva Emilsson verkamann og rithöfund sem tók mikinn þátt í baráttu verkalýðsfélaganna fyrir bættum kjörum bæði á Akureyri og eins með Verkamannafélaginu Dagsbrún eftir að hann flutti suður.

Lesið úr þremur köflum í bók hans ,,Baráttan um brauðið“. Mál og menning 1978. Kaflarnir heita Krossanes, Fyrsta kröfugangan og Sláturhússdeilan. Lesari með umsjónarmanni Bryndís Þórhallsdóttir

Umsjón: Birgir Sveinbjörnsson

frá Veðurstofu Íslands

Svanhildur Óskarsdóttir les sálmana í hljóðritun frá árinu 1998.

Árið 1944 var tekinn upp sá siður hjá Ríkisútvarpinu að lesa alla Passíusálma Hallgríms Péturssonar á föstunni.

Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Litla flugan dregur fram nokkrar hljómplötur með Öskubuskum og Sigrúnu Jónsdóttur sem hóf feril sinn í Öskubuskum en varð síðan ein af vinsælustu söngkonun landsins. Einnig syngur Ragnar Bjarnason syngur lag sem hann flutti í danslagakeppn SKT árið 1954. Jón Múli Árnason og Ingibjörg Þorbergs syngja annað lag sem þau fluttu í þessari sömu keppni. Ingibjörg Þorbergs syngur jafnframt tvö lög á ensku.

Farið yfir helstu fréttir vikunnar í spjalli við fólkið í fréttunum og fréttaskýrendur.