Bæn og hugleiðing að morgni dags.

Tónlist að morgni páskadags.

Konsertar eftir Tomaso Albinoni.

- Konsert í C-dúr fyrir óbó, strengi og fylgirödd op. 9 nr. 5.

- Concerto a cinque í g-moll op. 2.

Kammersveitin í Heildelberg leikur; einleikari á óbó er Matej Sarc.

Gloria í D-dúr, RV589 eftir Antonio Vivaldi.

Julia Lezhneva og Franco Fagioli syngja með hljómsveitinni I Barocchisti og Kór svissneska útvarpsins; Diego Fasolis stjórnar.

Sinfonia í D-dúr BWV1045, konsertþáttur eftir Johann Sebastian Bach.

Isabelle Faust leikur með Bach-Collegium Stuttgart kammersveitinni; Helmuth Rilling stjórnar.

Útvarpsfréttir.

Ævar Kjartansson glímir við eðli trúarinnar, einkum þær áherslur sem Páll postuli og Lúther lögðu á mikilvægi þess að trúa á dauða og upprisu Krists fremur en siðferðileg fordæmi, krossfestinguna frekar en Fjallræðuna.

Ævar Kjartansson ræðir við Arnfríði Guðmundsdóttur prófessor í trúfræði um þróun kristinnar kenningar.

Hljóðritun frá tónleikum hollenska fiðluleikarans Lizu Ferschtman í Föstudagsröð Sinfóníuhljómsveitar Íslands, 14. nóvember 2025 þar sem hún flutti tvö einleiksverk eftir Johann Sebastian Bach; sónötu nr. 2 í a-moll BWV 1003 og partítu nr. 2 í d-moll BWV 1004.

frá Veðurstofu Íslands.

Á jólatrésskemmtuninni í Skildi, 1935, létu 10 manns lífið. Þar af sjö börn.

Fleiri hafa ekki farist í bruna á Íslandi, að vitað sé, síðan á Sturlungaöld. Margir hlutu alvarleg brunasár og þeirra beið löng sjúkralega. Missirinn í litlu þorpi var ólýsanlegur. Ósegjanlegur. Og þannig, sveipaður þögn. En ef sögur eru ekki sagðar falla þær í gleymsku, svo nú – 90 árum síðar – minnumst við hinna látnu og varðveitum söguna af Brunanum í Skildi.

Umsjón: Dagný Maggýjar

Ritstjórn: Anna Marsibil Clausen

Það er gamlársdagur og grimmur raunveruleiki blasir við íbúum í Keflavíkurkauptúni. Eldurinn er slökknaður en leitað er í rústunum að fórnarlömbum brunans í Skildi. Þau finnast fljótt en ekki er hægt að bera kennsl á alla. Á sjúkrahúsi liggja 13 þungt haldin.

Harmi lostnir kveðja íbúar Keflavíkurhrepps hið liðna ár og heilsa hinu komandi með sorg og kvíða.

Umsjón: Dagný Maggýjardóttir

Ritstjórn: Anna Marsibil Clausen

Páskadagur

Séra Elínborg Sturludóttir og Séra Sveinn Valgeirsson þjóna fyrir altari. Biskup Íslands, Guðrún Karls Helgudóttir predikar og lýsir blessun.

Organisti og kórstjóri er Matthías Harðarson

Dómkórinn syngur við athöfnina

Baldvin Oddsson leikur á Trompet

Tónlist í messunni:

Fyrir predikun

Forspil: Christ lag i Todesbanden BWV 625 - Johann Sebastian Bach

Sálmur 132 Sigurhátíð sæl og blíð Lag: Jean B. Lully 1661/Páll Jónsson

Sálmur 138 Sjá ljóma yfir húmsins Hohenfurt 1410 – Wittenberg 1573/Þýskur sálmur frá 16.öld – Sigurbjörn Einarsson

Sálmur 139 Í dauðans böndum Drottinn lá 11.öld – Martin Luther 1524 /Latn. Hymni frá 11. Öld – Helgi Hálfdánarson

Stólvers: Páskadagsmorgun Sveinbjörn Sveinbjörnsson /Valdimar Briem

Eftir predikun

Sálmur 136 Nú hljómi lofsöngs lag Jacob Regnard 1574/Bjarni Jónsson

Sálmur 137 Dauðinn dó en lífið lifir Joachim Neander 1680/Helgi Hálfdánarson

Eftirspil: Bourrée Johann Adolph Hasse

Fluttir verða Hátíðasöngvar Sr. Bjarna Þorsteinssonar

Íslenskt lag eða tónverk.

Útvarpsfréttir.

Íranar gerðu árásir á olíuvinnslustöðvar í Kúveit og Bahrein í morgun og miklar skemmdir urðu á þeim. Sjö hið minnsta létust í loftárásum Ísraelshers á Líbanon í morgun.

Tveir vélsleðamenn lentu ofan í Fúlukvísl í Þjófadölum við rætur Langjökuls fyrir hádegi. Þyrla Landhelgisgæslunnar er komin á vettvang til aðstoðar.

Hátt í fjögur hundruð manns sem ekki eru með lögheimili í Grindavík hafa óskað eftir því að fá kjósa í bænum í komandi sveitarstjórnarkosningum. Rúmlega ellefu hundruð manns verða á kjörskrá.

Hríðarstormur gengur yfir landið á morgun og appelsínugular viðvaranir taka gildi sunnanlands um hádegi. Ekkert ferðaveður verður á sunnanverðu landinu síðdegis.

Gleðin var allsráðandi á Ísafirði um helgina þegar tónlistarhátíðin Aldrei fór ég suður fór fram í tuttugasta og annað sinn. Eigandi Hamraborgar, sem hefur opið alla helgina, segir þetta annasömustu daga ársins.

Það eru margir sem nýta sér blíðviðrið í dag til útivistar. Við ætlum á gönguskíði í fréttatímanum.

Tveir leikir eru á dagskrá 32- liða úrslita bikarkeppni karla í fótbolta í dag. Leikur Stjörnunnar og Selfoss verður í beinni útsendingu á RÚV.

Illugi Jökulsson gramsar í safnakosti Ríkisútvarpsins.

Vorið 1963 fór söngkonan og dagskrárgerðarmaðurinn Ingibjörg Þorbergs í heimsókn í páfagarð. Hún sagði svo frá heimsókn sinni bæði í Vatíkanið sjálft, þar sem einn æðsti maður páfagarðs veitti henni sérstaka skoðunarferð vegna þess að hún væri Íslendingur, og frá því er hún var viðstödd ávarp hins fræga Jóhannesar páfa 23. á sumarleyfisdvalarstað hans.

Í ár er öld liðin frá því að Indriði G. Þorsteinsson rithöfundur og ritstjóri fæddist. Hann var um áratugaskeið einn svipmesti leikandi á sviði íslensks þjóðlífs, ritstjóri dagblaðs, áhrifamaður í stjórnmálum og athafnalífi og vinsæll rithöfundur. Í verkum sínum dró hann upp áhrifaríka mynd af þeim miklu umskiptum sem urðu á íslensku samfélagi um miðja tuttugustu öld þegar margra alda gömul þjóðmenning hvarf nánast á einni nóttu og Ísland varð að þéttbýlissamfélagi.

Umsjón: Kristján B. Jónasson

Skáldsögur Indriða G. Þorsteinssonar gerast í samfélagi þar sem hið gamla víkur fyrir nýjum vonum og nýjum siðum. Indriða voru þessar miklu breytingar á íslensku þjóðfélagi um miðja 20. öld hugleiknar og hann speglaði þær iðulega í því samfélagi sem hann hafði sjálfur kynnst á yngri árum, sveitasamfélaginu. En hann benti líka stöðugt á að margt var bogið við það og að þrátt fyrir fegurð og yndisleika voru þjófar á ferð í paradís.

Guðmundur Arnfinnsson var bráðkvaddur bíðandi eftir strætó í Hamraborginni með poka fullan af bókum sem hann hafði keypt í Bónus. Örfáum mínútum áður hafði hann verið í viðtali hjá umsjónarmanni Lestarinnar á Rás 1 sem var að ræða við farþega í strætó.

Þessi ótrúlega tilviljun er upphafið að ferðalagi þar sem Kristján Guðjónsson reynir að kynnast Munda, fyrrum sakarskrárritara, sérstæðum og hlédrægum hæfileikamanni sem skilur eftir sig mikinn fjölda kvæða og gríðarlegt bókasafn.

Að vanda er nóg að gera hjá meðlimum Kriðpleirs, á fjörur þeirra rekur áhugavert verkefni sem gæti breytt öllu fyrir þá og fjölskyldur þeirra. Ragnar og Árni eru til í þetta en Friðgeir er hins vegar á leiðinni til Tene þar sem hann ætlar að freista þess að klára bók fyrir jólin.

Leikarar: Árni Vilhjálmsson, Friðgeir Einarsson, Ragnar Ísleifur Bragason, Ragnheiður Maísól Sturludóttir, Sigrún Hlín Sigurðardóttir, Halldóra Geirharðsdóttir, Ylfa Ösp Áskelsdóttir, Hákon Jóhannesson, Hjörtur Jóhann Jónsson, Benedikt Nikulás Annes Ketilsson og Jón Kalman Stefánsson.

Hugmynd, handrit og leikstjórn:

Bjarni Jónsson, Friðgeir Einarsson, Árni Vilhjálmsson og Ragnar Ísleifur

Bragason.

Tónlist:

Benni Hemm Hemm.

Hljóðvinnsla:

Gísli Kjaran Kristjánsson.

Haldið er af stað í vettvangsferð til Hveragerðis með fargufu í farteskinu.

Steinunn Harðardóttir fjallar um sagnalist og sögumenn. Sagnalist er gömul listgrein sem fylgt hefur manninum um aldaraðir. Sögumenn hafa ávallt verið aufúsugestir og veitt kærkomna afþreyingu. Í þáttunum Sögum og sagnalist mun Steinunn ræða við nokkra sagnamenn nútímans, einn í hverjum þætti.

Þættirnir voru áður á dagskrá árið 2005

Í þættinum er rætt við Jón R. Hjálmarsson, fyrrverandi fræðslustjóra, sagnaþul og leiðsögumann, um bækurnar hans, sagnalistina og leiðsögnina, og hlustum á nokkrar sögur.

Útvarpsfréttir.

Víkingur Ólafsson fer í könnunarleiðangur um eitt af meistaraverkum Beethovens frá síð-tímabili tónskáldsins, Sónötu í E-dúr Op. 109. Samhliða rekur hann þræðina sem tengja þetta einstaka verk fyrri verkum Beethovens, auk tónsmíða Bachs og Schuberts.

Hljóðritun frá tónleikum Víkings í Eldborg Hörpu 1. apríl 2026.

Efnisskráin er full af ægifagurri tónlist og athyglisverðum uppgötvunum. Hin stórbrotna sjötta Partíta Bachs varpar til að mynda ljósi á hvernig róttækur frumleiki Beethovens undir lok tónsmíðaferilsins átti sér djúpar rætur í skilningi hans á tónlist Bachs, sem hann stúderaði allt sitt líf. Með því að flytja saman hina nánast gleymdu sónötu Schuberts í e-moll D566 og sónötu Beethovens í sömu tóntegund op. 90 dregur Víkingur Heiðar fram þá söguskoðun að verk Schuberts, sem löngum hefur verið afgreitt sem óklárað brot, sé alls ekki óklárað þegar allt kemur til alls, heldur fullkomlega mótað, fíngert meistaraverk undir áhrifum frá sónötu Beethovens, sem kom út í Vínarborg tveimur árum fyrr. Og sónötur Beethovens í e-moll og E-dúr afhjúpa hlið á tónskáldinu sem stundum gleymist: Hina hlýju, kærleiksríku og söngrænu fegurð sem á í samspili við hið hvassa og eldfima lundarfar sem svo oft er í forgrunni í verkum Beethovens.

EFNISSKRÁ:

Prelúdía í E-dúr BWV 854 eftir Johann Sebastian Bach.

Sónata nr. 27 í e-moll, op. 90 eftir Ludwig van Beethoven.

Partíta nr. 6 í e-moll, BWV 830 eftir Johann Sebastian Bach.

Sónata í e-moll, D 566 eftir Franz Schubert.

Sónata nr. 30 í e-moll, op. 109 eftir Ludwig van Beethoven.

Kynnir: Arndís Björk Ásgeirsdóttir.

Þáttur um íslensku og önnur mál.

Umsjón: Anna Sigríður Þráinsdóttir og Guðrún Línberg Guðjónsdóttir

Það er furðudönskuskotið, óþarft og rangt að segja „burtséð frá“ og líka orðin „skemmtilegheit“ og „harðheit“, segir Eiríkur Hreinn Finnbogason, umsjónarmaður Daglegs máls í útvarpinu árið 1956. Hann er líka þreyttur á því að fólk segðist „upplifa“ allt mögulegt og ómögulegt.

Fréttir

Fréttir

Samgöngur verða úr skorðum á morgun vegna óveðurs. Fólk sem hyggur á ferðalög er hvatt til að fylgjast vel með áður en lagt er af stað.

Kvöldopnun verður á skíðasvæðinu í Oddsskarði á Austurlandi. Illa hefur gengið að halda skíðasvæðinu opnu yfir páskana vegna snjókomu.

Þingmaður Miðflokksins vill auka niðurgreiðslur ríkisins vegna flugfargjalda barna sem þurfa að ferðast á milli landshluta til forráðamanna. Hann segist þekkja dæmi um að börn verði af umgengni við foreldri vegna kostnaðar við flug.

Stálþráður, með upphaflegri hljóðrás myndarinnar um Björgunarafreksið við Látrabjarg, finnst nýverið í fórum Þjóðskjalasafns Íslands eftir að hafa verið talið glatað í áratugi.

Í um 400 ár hafa ábúendur á Loftsstöðum notið sérstakrar verndar Galdra-Ögmundar.

Þau varðveita úr honum annan lærlegginn í lítilli glerkistu undir bókaskáp, og svo lengi sem beinið er á jörðinni ver það þau Tyrkjaránum, sjóskaða, náttúruhamförum og hvers konar mannraunum. En ein er sú vá sem enginn gat séð fyrir…

Þjóðsögur, flókin fjölskyldusambönd og erfðir mætast í þremur þáttum þar sem uppljóstrað er um rúmlega 70 ára gamalt leyndarmál.

Umsjón: Anna Marsibil Clausen

Í miðri leit að uppruna lærleggjanna, berast Sigrúnu nýjar upplýsingar um uppruna sinn.

frá Veðurstofu Íslands

Hljóðritun frá sýningu Metrópólitan-óperunnar í New York, 28. mars sl.

Í aðalhlutverkum:

Violetta Valéry: Lisette Oropesa.

Alfredo Germont: Piotr Buszewski.

Giorgio Germont: Luca Salsi.

Kór og hljómsveit Metrópólitan-óperunnar;

Antonello Manacorda stjórnar.

Umsjón: Una Margrét Jónsdóttir.

frá Veðurstofu Íslands

Í janúar voru augu heimsbyggðarinnar á Grænlandi. Bandaríkjaforseti hótaði að yfirtaka landið, NATÓ virkaði vanmáttugt og óstöðugt, þúsundir mótmæltu á götum úti og síðan, skyndilega, virtist allt vera búið. En hvað svo? Um viku eftir að Donald Trump Bandaríkjaforseti batt enda á hina svokölluðu baráttu um Grænland fóru Pétur Magnússon og Lóa Björk Björnsdóttir til Nuuk til að ræða við fólkið sem situr eftir með spurningar eins og Hvað gerðist? Hvers vegna? Og hvað tekur nú við fyrir grænlensku þjóðina?

Er ásókn Trump í Grænland það afdrifaríkasta sem komið hefur fyrir sjálfstæðisbaráttu Grænlendinga?

Við reynum að skilja samhengi sjálfstæðisbaráttunnar, afnýlenduvæðingu og samband Hans Egede og Hafmóðurinnar.

Viðmælendur í þættinum eru

Guðmundur (Gujo) Þorsteinsson

Inga Dóra Guðmundsdóttir Markussen

Aka Hansen

Lög sem spiluð voru í þættinum

Sooq - Tarrak og Peand-eL

Uummatip tusaataa - Uillut

QILAAT - Varna

ANAANA - Varna

Imigassaq - Sumé

Qullissat=Qullissat - Sumé

Brot úr þættinum Um Grænland frá 1976

Lestur úr bókinni A Kayak Full of Ghosts: Eskimo Tales eftir Lawrence Millman frá 1987

Umsjónarmaður spjallar um hvaðeina milli himins og jarðar, oft af sögulegu tagi, les forvitnilega texta úr ýmsum áttum, bæði íslenska og erlenda, og reynir af öllum mætti að hafa ofan af fyrir hlustendum þá klukkustund sem þátturinn stendur. Umsjón: Illugi Jökulsson.

Í þessum páskaþætti verður fjallað um uppruna hinna svokölluðu Zaraþústra-trúarbragða í Persíu. Þar segir frá ungum Baktríumanni sem gerbylti hugmyndum landa sinna um guðdóminn og lagði grunn að nýrri trú sem var síðan við lýði í tvö þúsund árum. Og snemma í sögu þessara trúarbragða höfðu þau mjög afdrifarík áhrif á trú Gyðinga og þar af leiðandi kristinna manna líka. Fyrri þáttur.