Bursti heimsækir leikskólann! Allt er nýtt og spennandi og margt sem Bursti þarf að læra í hinum stóra leikskólaheimi.

Mörgæsirnar Haddi og Bibbi haga sínu lífi eftir F-unum þremur. Fjör, fiskur og félagsskapur.

Litla Ló býr með Kisu, bróður sínum Húgó, foreldrum sínum - og líka álfinum Búa sem býr í holu í veggnum. Búi er algjör töframaður og á hverjum degi býður hann Litlu Ló og Kisu í nýtt ævintýri úti í náttúrunni.

Trymbill fer á flakk með systkinunum Hildi og Theó, sem eiga það þó til að gleyma honum. Þá hefjast sko ævintýri Trymbils!

Lærið um tölustafina með Tölukubbunum!

Símon er hress og skemmtileg kanína sem tekst á við alls kyns áskoranir og lærir af mistökum sínum.

Önnur þáttaröð um Lalla, sem færir ykkur allan heiminn þegar hann grípur litina sína. Hann er svo flinkur að teikna hann Lalli!

Fjórða þáttaröðin um vinalega hundinn Sám og krílin sem vinna sér inn merki á leikskólanum hans.

Róbert og hvolparnir mæta nýjum áskorunum og sanna enn og aftur að ekkert verkefni er of stórt fyrir litla hvolpa.

Þriðja þáttaröðin um hina vinsælu Blæju og Hælbein fjölskylduna. Daglegt líf fjölskyldunnar gengur sinn vanagang, en hins vegar er enginn dagur eins þegar Blæja og Bára eiga í hlut.

Hinir upprunalegu klassísku Strumpar í uppfærðri útgáfu í tilefni af 65 ára afmæli þáttanna.

Fjörugir þættir um sjóræningjastelpuna Rán og Sævar sem flýgur sinni eigin sjóflugvél.

Rebekka er ung stúlka sem er að læra á lífið, skólann og tilveruna. Örvar er græn veira sem lenti hjá mannfólkinu. Saman eru þau ótrúlegt teymi.

Þriðja þáttaröðin um Elías, unga og áhugasama björgunarbátinn. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.

Kári, Villi og Hanna lenda í alls kyns ævintýrum og þurfa að standa saman til að takast á við illmennið Ívar.

Marri leirkall og vinir hans eru afar uppátækjasamir og í þessum þáttum lenda þeir í háskalegum ævintýrum þar sem þeir búa. Heimkynni þeirra eru fremur óvenjuleg, en þeir búa á borðplötu.

Heimildarþættir frá BBC í þremur hlutum þar sem fylgst er með húsdýrum á breskum sveitabæjum allt árið um kring.

Þáttaröð þar sem Jónas Sen heimsækir átta íslenska söngvara og spjallar við þá um heima og geima. Þættirnir voru frumsýndir 2011. Stjórn upptöku: Jón Egill Bergþórsson.

Ein fegursta tenórrödd þjóðarinnar fær að njóta sín í þættinum. Brugðið verður ljósi á stöðu Garðars Thórs í óperuheiminum í dag, útrásina, plötuútgáfu, mismunandi gerðir tenóra og tilhneigingu landans til að setja listamenn í skúffur.

Danskir þættir þar sem við kynnumst fatahönnuðum sem leggja áherslu á fjölbreytileika og sjálfbærni.

Íslensk heimildarmynd um Þorbjörn Pétursson, fjárbónda og einsetumann sem þurfti að bregða búi vegna veikinda og neyddist í kjölfarið til að fella allt sauðfé sitt. Þar á meðal var fjárhópur sem Þorbjörn hafði alið sérstaklega og kallaði Svarta gengið. Hann ákvað að heiðra minningu Svarta gengisins með þeim hætti sem honum þótti við hæfi og jarðsetja það heima í stað þess að senda það til slátrunar. Dagskrárgerð: Kári G. Schram. Framleiðsla: Moment Films.

Helstu fréttir dagsins af innlendum og erlendum vettvangi. Alla daga, árið um kring.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Þórdís Claessen, Hafsteinn Vilhelmsson, Elsa María Guðlaugs - Drífudóttir og Amanda Guðrún Bjarnadóttir. Dagskrárgerð: Jóhannes Jónsson, Elvar Örn Egilsson, Hjalti Stefánsson og Björgvin Kolbeinsson.

Í Landanum í kvöld ætlum við að fræðast um silungsveiði i Mývatni, við skoðum tæki og tól í Vik í Mýrdal, við kikjum inn í slaturhús sem fengið hefur nýtt hlutverk og kynnumst því hvernig hestar eru notaðir við endurhæfingu fólks.

Sænskir þættir um keramikgerð þar sem Ika Johannesson ræðir við fólk sem hefur lagt fyrir sig keramiklist og kynnist ýmsum aðferðum við að búa til muni úr leir.

Matgæðingarnir og bræðurnir Adam og James Price ferðast um Bretland og töfra fram kræsingar sem eru vinsælar þar í landi.

Heimildarþættir frá 2022 sem fjalla um tónlistarmyndbönd nokkurra af stærstu poppstjörnum heims. Rætt er við leikstjóra, danshöfunda, gagnrýnendur og listafólkið sjálft.

Íslensk heimildarþáttaröð í fjórum hlutum um mannskæð snjóflóð sem féllu á byggðina í Norðfirði 20. desember 1974 og sópuðu burt öllu sem á vegi þeirra varð.

Í fyrsta þætti er fjallað um einangrað bæjarfélag og lífshættulegar aðstæður í fjallinu ofan við bæinn. Farið er yfir dagana fyrir flóðin og sagt frá fólkinu sem lenti í fyrra flóðinu.

Bresk þáttaröð um dýralæknastofu í Yorkshire á fjórða áratugnum. Þættirnir byggjast á bókum eftir Alf Wight sem skrifaði undir nafninu James Herriot. Aðalhlutverk: Nicholas Ralph, Anna Madeley og Samuel West.

Þorir þú að ræða allt við maka þinn? Í þessum norsku þáttum spyrja hugrökk pör hvort annað óvæntra spurninga.

Danskir þættir um ungt par sem vill einfalda líf sitt og hefur búskap.

Loft hefur svifið um loftin blá frá örófi alda án þess að lenda nokkurn tímann á jörðu. Það kynnist ævintýralegri tilvist mannsbarna í gegnum sjónaukann sinn og endurspeglar sjálft sig í þeim.

Áróra er 7 ára í dag og Loft er löngu hætt að telja sín afmælisár. Sunna og Máni gera við bilað útvarp en Loft gæti nú tekið þau til fyrirmyndar.

Anne Dorothea á mjög sérstakan besta vin, björgunarhundinn Bessa!

Víkingaprinsessan Guðrún býr úti í óbyggðum og á í sterku samband við náttúruna og dýrin.

Í þessum þáttum kynnumst við afkvæmum dýra frá mismunandi stöðum um allan heim. Við fræðumst um hvernig þau þroskast, hvernig þau sækja sér æti og svo margt margt fleira.

Nokkrir kunnulegir og ókunnulegir fiskar kynna sig fyrir áhorfendum.

Egill Helgason tengir bækur við ýmsa staði á landinu.

Egill Helgason tengir bækur við ýmsa staði á landinu. Í þessum þætti er fjallað um Guðmund frá Reykhólum, um bókina Virkisvegg og Jón Thoroddsen. Dagskrárgerð: Ragnheiður Thorsteinsson.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Þórdís Claessen, Hafsteinn Vilhelmsson, Elsa María Guðlaugs - Drífudóttir og Amanda Guðrún Bjarnadóttir. Dagskrárgerð: Jóhannes Jónsson, Elvar Örn Egilsson, Hjalti Stefánsson og Björgvin Kolbeinsson.

Önnur þáttaröð þessara íslensku dramaþátta. Benedikt Ríkharðsson snýr aftur í stjórnmál eftir að hafa tekið sér leyfi frá embætti forsætisráðherra vegna geðhvarfa. Hann kemur auga á ýmis konar ranghugmyndir stjórnkerfisins um samfélagið sem honum reynist erfitt að fá breytt enda brennimerktur vegna fordóma í garð geðsjúkdóma. Aðalhlutverk: Ólafur Darri Ólafsson og Aníta Briem. Leikstjórn: Arnór Pálmi Arnarson og Katrín Björgvinsdóttir.

Á sama tíma og andleg heilsa Benedikts fer versnandi lendir hann í átökum við Svanhvíti um niðurskurð í fjárveitingum, sérstaklega varðandi fyrirheitna geðdeild. Steinunn stendur frammi fyrir áskorunum bæði í fjölskyldulífi og vinnu. Grímur reynir að styðja Benedikt en spennan eykst og Benedikt er einangraður og óstöðugur.

Bandarísk bíómynd frá 2008. Eftir Watergate-hneykslið tók breski sjónvarpsmaðurinn David Frost nokkur viðtöl við Richard Nixon, fyrrverandi Bandaríkjaforseta og á þeim er þessi mynd byggð. Nixon þagði í þrjú ár eftir að hann hraktist úr embætti en sumarið 1977 féllst hann á að ræða um forsetatíð sína og Watergate-hneykslið í einu sjónvarpsviðtali. Fyrir það fékk hann vel borgað og valdi sjálfur spyrilinn enda hélt hann að að hann gæti vafið Bretanum um fingur sér og rétt hlut sinn í huga bandarísku þjóðarinnar. En annað kom á daginn þegar kveikt var á myndavélunum. Leikstjóri er Ron Howard og aðalhlutverk leika Frank Langella og Michael Sheen. Myndin er ekki við hæfi barna yngri en 12 ára.

Heimildarmynd um ævi bresku tónlistarkonunnar Amy Winehouse þar sem foreldrar hennar og nánustu vinir deila sögum af henni. Myndin var gerð af því tilefni að árið 2021 voru tíu ár frá því að Amy Winehouse lést.