Árið 2016 voru fimmtíu ár síðan Ríkisútvarpið hóf sjónvarpsútsendingar og á þessum fimmtíu árum hefur það sýnt ógrynni af efni allstaðar að af landinu. Í 50 ár eru níu sjónvarpsþættir sem sendir voru út frá vel völdum stöðum á landinu sumarið 2016 þar sem rifjaðar voru upp sögur og svipmyndir af sjónvarpssögu viðkomandi landshluta. Umsjónarmenn: Gísli Einarsson og Guðrún Gunnarsdóttir. Dagskrárgerð: Karl Sigtryggsson.
Í þessum þætti bregðum við upp svipmyndum úr safni sjónvarpsins frá Suðausturlandi. Við fylgjumst með þegar bílar eru ferjaðir yfir jökulfljót á gömlum bryndreka. Við sjáum fyrstu brýrnar sem komu á þessi sömu fljót og fræðumst um hversu mikil bylting það var. Við leitum að Gullskipinu og rifjum upp gullæðið á Skeiðarársandi. Við fáum sýnishorn af hornfirksri leiklist og heyrum hornfirska tóna. Síðan hittum við sjálfst „sjónvarpsbarnið“ sem fagnar fimmtíu ára afmæli sínu í haust.
Sænsk heimildamynd frá árinu 2019. Dagny Carlsson varð þjóðþekkt í Svíþjóð árið 2015, þá 103 ára bloggari. Nú er hún orðin 106 ára, vill nýta tímann sem hún á eftir vel og er tilbúin í ný ævintýri. Þegar finnski leikstjórinn Finn Power býður henni aðalhlutverk í bíómynd stekkur hún til. Hún fer á tökustað á Álandseyjum og við tekur óvænt atburðarás.
Laddi hefur skemmt þjóðinni um áratugaskeið. Flest þekkjum við þó persónurnar sem hann leikur betur en manninn sjálfan. Hver er maðurinn á bakvið gervin? Gísli Einarsson fær vini og samferðarmenn Ladda sér til aðstoðar við að draga upp nærmynd af Þórhalli Sigurðssyni, Ladda. Dagskrárgerð: Björn Emilsson.
![Leyndarmálið: Máttur draumsins](/spilari/DarkGray_image.png)
Rómantísk dramamynd frá 2020 byggð á sjálfshjálparbókinni Leyndarmálið. Miranda er ung ekkja með þrjú börn sem gengur illa að fóta sig í lífinu. Hún kynnist Bray, dularfullum manni, sem ástundar heimspeki þar sem áhersla er lögð á jákvæða hugsun. Aðalhlutverk: Katie Holmes, Josh Lucas og Celia Weston. Leikstjóri: Andy Tennant. Myndin er ekki við hæfi barna yngri en 12 ára.
Íslensk hrollvekja í tveimur hlutum, byggð á vinsælli skáldsögu Yrsu Sigurðardóttur. Ungt fólk ákveður að gera upp hús á Hesteyri í Jökulfjörðum um hávetur, en fer fljótlega að gruna að þau séu ekki ein í eyðiþorpinu. Leikstjórn: Óskar Þór Axelsson. Aðalhlutverk: Jóhannes Haukur Jóhannesson, Thor Kristjansson, Ágústa Eva Erlendsdóttir, Þröstur Leó Gunnarsson, Sara Dögg Ásgeirsdóttir og Anna Gunndís Guðmundsdóttir. Myndin er ekki við hæfi barna yngri en 16 ára.
![KrakkaRÚV](/spilari/DarkGray_image.png)
Önnur sería af Silfruskógi, sem er bresk sjónvarpsþáttaröð úr heimi vísindaskáldskapar fyrir unglinga. Lous, Meg, Glen og Kaz uppgötva að hópurinn þeirra er bara einn þeirra fjögurra sem taka þátt í leiknum um að bjarga heiminum.