![KrakkaRÚV](/spilari/DarkGray_image.png)
Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.
Sprenghlægilegir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það enda eru ævintýrin hjá stórri fjölskyldu mörg og ímyndunaraflið mikið.
Eddi strútapabbi býður krökkunum sínum upp á holla lautarferð en sumir kjósa frekar að borða ormana!
Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?
Teiknimyndaþættir um Lóu sem er 12 ára og býr með mömmu sinni í stórborg. Lóu finnst hún ekki lengur vera barn og ekki alveg vera unglingur ennþá og reynir að takast á við allar þær tilfinningar sem vakna þegar unglingsárin eru að hefjast.
Kortó, Mýsla og Eik eru álveðin að sigra Hvalabikarkeppnina, drónaflugkeppni sem leiða á í ljós hver verður arftaki vistfræðisnillingsins Hvals Hvíta og þar af leiðandi fá aðgang að nýjustu vistvísindunum til geta forðað því að eyjan þeirra hverfi í hafið.
Þáttaröð frá 2013 úr smiðju Ævars Vísindamanns. Ævar er nú kominn í nýja og enn stærri tilraunastofu í samstarfi við Sprengjugengið hjá HÍ, Marel og Vísindavefinn. Íslenskt hugvit verður haft að leiðarljósi, alvöru- og ímyndaðir vísindamenn birtast ljóslifandi fyrir augum áhorfenda og gerðar verða lífshættulegar tilraunir, þegar Ævar þorir. Dagskrárgerð: Eggert Gunnarsson.
Nýir íslenskir heimildarþættir. Viktoría Hermannsdóttir kynnist æskuslóðum viðmælenda sinna í ýmsum bæjum og hverfum. Umsjón: Viktoría Hermannsdóttir. Framleiðsla: Pera.
Leikkonan Helga Braga Jónsdóttir ólst upp á Akranesi. Við kynnumst æskuslóðum hennar á Skaganum og komumst að því hvar þetta byrjaði allt saman.
Íslensk þáttaröð í sex hlutum um dans. Þar er leitað svara við spurningum um hvers vegna fólk dansar, hvernig dansgleðin kviknar og hvers vegna sumir fæðast flinkir dansarar en aðrir taktlausir flækjufætur. Farið verður yfir sögu dansins á Íslandi, mismunandi danstegundir kannaðar og við kynnumst því hvernig dansinn brýst fram á ólíklegustu stöðum. Umsjón: Guðrún Sóley Gestsdóttir. Framleiðsla: Skot.
Dansinn gegnir ótal ólíkum hlutverkum. Hann býr til samstöðu, losar um hömlur og léttir lundina. Við stígum mótmæla- og mökunardans, merkingarhlaðinn fyrsta dans og kærulausan hversdagsdans. Í þessum þætti kynnumst við dansi sem örlagavaldi í lífi fólks, þegar dansinn kveikir neista sem verður að báli.
![KrakkaRÚV](/spilari/DarkGray_image.png)
Ævintýralegasta spurningakeppni sögunnar. Lestrarhestar og bókaormar töfrast inn í Söguspilið og þurfa að takast á við þrautir og spurningar sem byggja á þekktum barnabókum, þjóðsögum, kvikmyndum og ljóðum.
Í þessum fyrsta þætti Söguspilsins keppa þær Emma og Sigríður í liði dverga á móti Guðna og Bjarti í liði álfa.
Köttur og brunnur hittast í fyrsta sinn og brunnur felur ketti að stýra ævintýralega Söguspilinu en köttur á stundum erfitt með að segja satt.
Í Krakkakiljunni er fjallað um barnabækur úr öllum áttum, bæði gamlar og nýjar. Fulltrúar bókaormaráðs KrakkaRÚV koma í heimsókn til okkar, segja frá og spyrja höfundinn út í bókina.
Umsjón: Jóhannes Ólafsson og Sigyn Blöndal
Jón Baldur Hlíðberg mætir í Krakkakiljuna til að ræða bókina Fagurt galaði fuglinn sá. Bókin fjallar um fugla heimsins og hvernig má þekkja þá, allt frá þeim allra minnstu til þeirra allra stærstu.
Umsjón: Auðunn Sölvi Hugason
Þættir þar sem krakkar setja upp leikið verk. Það eina sem þau fá er leikmynd og málsháttur. Þau búa til söguna, ákveða hver gerir hvað og æfa vel og vandlega svo allt smelli saman fyrir sýninguna í lokin. Dagskrárgerð: Sigyn Blöndal og Sindri Bergmann Þórarinsson. Leikstjóri: Agnar Jón Egilsson.
Bjarmi þarf að gera heimaverkefni um það sem honum þykir áhugavert og ákveður að búa til myndband um skólahljómsveitina í skólanum sínum.
Bjarmi sýnir Öldu vinkonu sinni skólaverkefnið sitt. Saman læra þau um trompet og spjalla við þrjá krakka sem spila á hljóðfærið.
Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.
Það er vetrarríki á Gunnólfsvíkurfjalli sem rís meira en 700 metra úr sæ. Á fjallinu er ratsjárstöð og þar sinna tveir menn vinnu sinni, þeir Halldór Halldórsson og Ólafur Björn Sveinsson.
Bein útsending frá tónleikum á Ljósanótt, menningar- og fjölskylduhátíð Reykjanesbæjar, sem í ár fagnar 30 ára afmæli. Á meðal þeirra sem fram koma eru Elíza Newman, XXX Rotweiler hundar, Magnús og Jóhann, Baggalútur, Páll Óskar, Nanna, Júníus Meyvant, Jóhanna Guðrún, Árný Margrét, Herra Hnetusmjör. Umsjón: Hulda G. Geirsdóttir. Stjórn útsendingar: Ragnar Eyþórsson.
![Maður sem heitir Ove](/spilari/DarkGray_image.png)
Gráglettin og hugljúf kvikmynd byggð á samnefndri skáldsögu um Ove sem er 59 ára, býr einn í raðhúsi og ekur um á Saab. Í augum nágrannanna virðist hann vera beiskur og smámunasamur gamlingi en þegar nýtt fólk flytur í hverfið tekur líf hans óvænta stefnu. Leikarar: Rolf Lassgård, Bahar Pars og Zozan Akgün. Leikstjóri: Hannes Holm. Myndin er ekki við hæfi barna yngri en 12 ára.