Fallegir þættir um litla björninn Móa sem ferðast um allan heiminn á hjólinu sínu.

Apinn Skotti og fíllinn Fló eru bestu vinir og bralla ýmislegt skemmtilegt í skóginum ásamt vinum sínum.

Stuðboltarnir í þotuakademíunni, Súla, Kiddi, Lars og Fúsi, fara á heimshornaflakk til að bjarga þekktum kennileitum frá Galla-Grími.

Fjörugir þættir um sjóræningjastelpuna Rán og Sævar sem flýgur sinni eigin sjóflugvél.

Matthildur er 12 ára stelpa sem býr yfir sérstöku leyndarmáli. Á hverjum degi þegar hún vaknar býr hún yfir nýjum ofurkrafti sem hún þarf að læra að stjórna. Aðeins besti vinur hennar veit af þessu og saman lenda þau í alls kyns ævintýrum.

Teiknimyndaþættir um Ronju ræningjadóttur sem byggðir eru á þekktri sögu Astrid Lindgren. Ronja elst upp hjá ræningjum í skógum Skandinavíu. Líf hennar tekur stakkaskiptum þegar hún kynnist strák sem reynist vera sonur andstæðings föður hennar.

Kærulausi unglingurinn Don Diego þjálfar sig í skylmingum þar sem hann ætlar sér að takast á við það mikla óréttlætti sem samlandar hans eru beittir af ógnarstjórninnisem þar ræður ríkjum. Hann verður framúrskarandi skylmingamaður og tekursér nafnið sem mjög margir þekkja, Zorro.

Gamanþáttaröð byggð á sögu eftir Ólaf Hauk Símonarson. Vigga er 11 ára stelpa sem býr með fjölskyldu sinni í átta hæða blokk á höfuðborgarsvæðinu. Við kynnumst fjölskyldu hennar sem er ósköp venjuleg íslensk fjölskylda en þegar nánar er athugað er hún skemmtilega klikkuð eins og allir aðrir íbúar í blokkinni. Leikstjóri er Kristófer Dignus og meðal leikenda eru Andrea Marín Andrésdóttir, Gunnar Hrafn Kristjánsson, Gunnar Hansson, Kristín Pétursdóttir og Katla Margrét Þorgeirsdóttir.

Íslensk þáttaröð fyrir alla fjölskylduna. Hanna og Baldur eru ósköp venjulegir krakkar í Reykjavík. Lífið tekur stakkaskiptum þegar foreldrar þeirra ákveða að skilja. Leikstjóri: Bragi Þór Hinriksson.Leikarar: Andrea Birna Guðmundsdóttir, Lúkas Emil Johansen, Svandís Dóra Einarsdóttir og Jóhannes Haukur Jóhannesson. Framleiðsla: Hreyfimyndasmiðjan.

Mamma og pabbi átta sig á að hlúa þarf betur að Hönnu og Baldri og að öll fjölskyldan þarf að sætta sig við að sumu verður ekki breytt.

Þáttur um hljómsveitirnar sem tröllriðu tónlistarsenunni um aldamótin. Guðrún Sóley Gestsdóttir ræðir við helstu liðsmenn hljómsveitanna og rifjar upp sveitaböllin, tískuna og tíðarandann svo eitthvað sé nefnt. Stjórn upptöku: Salóme Þorkelsdóttir.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Chanel Björk Sturludóttir, Guðrún Sóley Gestsdóttir og Sigríður Dögg Auðunsdóttir. Í beinni útsendingu alla virka daga á eftir Fréttum og Veðri.

Uppnám ríkir á skrifstofu Eflingar eftir að meirihluti stjórnar, undir forystu Sólveigar Önnu Jónsdóttur, nýkjörins formanns, ákvað að segja upp öllu starfsfólki. Sólveig Anna segir hópuppsögnina vera gerða til að innleiða skipulagsbreytingar og hafi verið óhjákvæmilegar. Bergsteinn ræddi við Sólveigu Önnu.

Evrópusambandið ætlar að skera upp herör gegn hraðtísku, en textíliðnaður er fjórði mest mengandi iðnaður í heiminum. Hraðtíska gengur úr á snarpa framleiðslu á fötum sem endast oft stutt en eru aftur á móti ódýr. Chanel BJörk kynnti sér hraðtísku og hvaða möguleg áhrif aðgerðir ESB hafa fyrir neytendur.

Páskahelgin er framundan. Sigríður Halldórsdóttir og Sigríður Dögg stikla á stóru yfir það helsta sem er á seyði yfir helgina.

Matgæðingarnir í Price-fjölskyldunni töfra fram kræsingar við öll tækifæri.

Danskir þættir um kökubakstur og eftirréttagerð. Mette Blomsterberg útbýr kræsingar.

Brot úr menningarumfjöllun liðinnar viku. Fjallað á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu.

Fjórða þáttaröð um um ekkjuna Louisu Durell sem flyst búferlum með fjölskyldu sína frá Bournemouth til grísku eyjunnar Korfú um miðjan fjórða áratug síðustu aldar. Þættirnir eru byggðir á ævisögu Geralds Durrell. Aðalhlutverk: Keeley Hawes, Milo Parker, Josh O'Connor, Daisy Waterstone og Callum Woodhouse.

Þáttaröð fyrir alla fjölskylduna byggð á samnefndri metsölubók eftir Gunnar Helgason. Jón fer til Vestmannaeyja með liðsfélögum sínum úr Fálkum til að keppa á stærsta og skemmtilegasta fótboltamóti ársins. Draumar hans hafa þó verið slæmir þar sem eldgos og undarlega vondur markmaður eru að trufla hann. Í raunveruleikanum er það þó Ívar, brjálaði boltaþjófurinn, sem er hans helsti óvinur. Samtímis þarf Rósa að berjast fyrir tilverurétti sínum hjá Fylki. Innan vallar eru þau öll andstæðingar en utan vallar þurfa þau að snúa bökum saman og berjast upp á líf eða dauða.

Jón og Rósa fara heim til Ívars til að ná boltanum hans Jóns til baka. Það sem þau verða vitni að þar er verra en þau hafði nokkurn tímann grunað. Þau sjá að Ívar býr í víti. Nú þarf löggan að hjálpa.

Naomi er mætt aftur með enn þá fleiri furðuverur frá öllum heimshornum. Hvað óargardýr ætli hræði hana núna?

Önnur sería þar sem fylgst er með uppátækjum Lúkasar og öllu því sem gerist í hugarheimi hans.

Uppfinningamenn þurfa að leysa auðveld verkefni, eins og að vekja einhvern eða blása á kerti á afmælistertu, með stórum og flóknum vélum.

Fjórir krakkar í rokkhljómsveit æfa þekkt íslenskt rokklag og semja eigið lag. Í leiðinni fræðumst við um hljóðfærin í hljómsveitinni og rokktónlistarsöguna.

Við kynnumst Matthíasi trommuleikara betur, fræðumst um hvernig á að undirbúa tónleika og heyrum frumsamda lag krakkanna sem heitir „Þetta er okkar jörð“. Elísabet Hauksdóttir, Ragnheiður Helga Víkingsdóttir, Matthías Kristjánsson og Markús Móri Emilsson. Tónlistarstjóri: Sigurður Ingi Einarsson.

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Heimildarmynd um skóga á Íslandi í aldanna rás, allt frá því fyrir landnám og til dagsins í dag. Fjallað er um áhrif landnáms, járnvinnslu og skepnuhald á skóga landsins, upphaf skógræktar á Íslandi og gróðursetningu trjáa nú á dögum til að sporna gegn hamfarahlýnun. Leikstjóri: Ásdís Thoroddsen. Framleiðsla: Gjóla.

Íslensk kvikmynd frá 2004 um Dís sem er 23 ára kona á krossgötum. Hún býr með Blævi, vinkonu sinni, í miðbæ Reykjavíkur og vinnur á Hótel Borg á meðan hún fikrar sig áfram á menntabrautinni og á torfærum vegum ástarinnar. Leikstjóri: Silja Hauksdóttir. Aðalhlutverk: Álfrún Örnólfsdóttir, Ilmur Kristjánsdóttir, Árni Tryggvason og Ylfa Edelstein.