Bæn og hugleiðing að morgni dags.

Séra Helga Kolbeins flytur.

Umsjónarmenn eru Björn Þór Sigbjörnsson og Þórunn Elísabet Bogadóttir.

Heilbrigðisstéttirnar eru stéttir ársins. Aldrei hefur á heilu ári mætt jafn mikið á því mikilvæga fólki sem valdi sér að starfa í heilbrigðiskerfinu og nú. Allar aðstæður gjörbreyttust; álagið var gríðarlegt og vinnuskilyrðin mjög erfið. Til okkar komu formenn félaga sjúkraliða og hjúkrunarfræðinga, þær Sandra B. Franks og Guðbjörg Pálsdóttir, og ræddu um störfin og mikilvægið.

Líf okkar árið 2020 er gjörólíkt því sem við áttum að venjast. Stjórnvöld settu okkur strangar skorður og langflest samþykktum við og fórum að fyrirmælunum. En hvernig þróaðist afstaða þjóðarinnar til þeirra mála á árinu? Hefur fylgi stjórnmálaflokkanna breyst mikið á árinu? Já, hvaða áhrif hefur þetta rót allt og rask haft á afstöðu okkar til manna og málefna? Við veltum því fyrir okkur með Þorláki Karlssyni hjá Maskínu sem kannar og greinir hug landsmanna.

Og svo eru það bólusetningarnar sem hófust í gær. Við röbbum um verkefnið við Jón Torfa Halldórsson yfirlækni heilsugæslunnar á Akureyri. Í þéttbýlinu er tiltölulega einfalt að skipuleggja bólusetningu en hvernig verður farið að í dreifðari byggðum? Já og í eyjunum; Hrísey og Grímsey. Óðinn Svan Óðinsson, fréttamaður á Akureyri, ræddi við Jón lækni.

Tónlist:

New Year's Day - Taylor Swift

You Can't Make Old Friends - Kenny Rogers og Dolly Parton

Útvarpsfréttir.

Útvarpsfréttir.

Umsjónarmaður: Ásrún Brynja Ingvarsdóttir

Tæknimaður: Markús Hjaltason

Útvarpsfréttir.

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Þórhallur hefufr lengi starfað sem prestur í íslensku og sænsku þjóðkirkjunni en ferðalög um heiminn hafa alltat togað í hann. Hann hefur í gegnum árin ferðast vítt og breitt um heiminn einn og sem leiðsögumaður og þar hefur hann heimsótt höfðustöðvar og söguslóðir trúarheima.

Þórhallur var að skrifa bók sem hann nefnir Saga guðanna og þar sem hann býður lesandanum í ferðalag um heim trúarbragðanna.

Umsjón: Halldóra Björnsdóttir.

Útvarpsfréttir.

Umsjón: Kristján Kristjánsson.

Útvarpsfréttir.

Um litróf mannlífsins.

Umsjón: Guðrún Gunnarsdóttir og Gunnar Hansson.

Þetta ár hefur verið ólíkt öllum öðrum árum, krefjandi og skrýtinn tími. Við slógum á þráðinn til Bubba Morthens og heyrðum hvernig hann lítur yfir sviðið nú í lok árs. Hvernig hefur þetta ár verið hjá honum, hvað stendur uppúr?

Heilsa jaðarsettra hópa á þessu farsóttarári sem er að líða var til umfjöllunar á heilsuvaktinni í dag. Bergljót Baldursdóttir ræddi við Elísabetu Herdísar Brynjarsdóttur hjúkrunarfræðing og verkefnisstjóra hjá skaðaminnkunarverkefninu frú Ragnheiði um heilsu þeirra sem eru á götunni og þær vonir sem hún hefur á nýju ári.

UMSJÓN GUNNAR HANSSON OG GUÐRÚN GUNNARSDÓTTIR

Útvarpsfréttir.

Útvarpsfréttir.

Að minnsta kosti tíu slösuðust þegar aurskriður féllu á bæinn Ask í Noregi í nótt. Ekki er vitað um afdrif á þriðja tugs bæjarbúa sem búa í húsum sem grófust undir skriðuna. Hafdís Gunnarsdóttir býr í Ask og þurfti að rýma heimili sitt. Hún segir að ekki hafi gefist tími til að taka neitt með.

Íslensk stjórnvöld hafa komist að samkomulagi við lyfjafyrirtækið Moderna um kaup á bóluefni. Áætlað er að afhending hefjist á fyrstu mánuðum komandi árs.

Lokið verður við að bólusetja úr fyrsta skammti á landbygðinni í dag. Á sjúkrahúsinu á Akureyri verða rúmlega 120 starfsmenn bólusettir í þessari fyrstu lotu. Þá fengu íbúar á hjúkrunarheimilinu Bergi í Bolungarvík bóluefni í morgun.

Dreifing á bóluefni Astra Zeneca og Oxford-háskóla hófst í Bretlandi í dag eftir að bresk stjórnvöld gáfu leyfi fyrir bóluefninu. Fyrirtækið hefur ekki sótt um markaðsleyfi hjá lyfjastofnun Evrópu þar sem meðalvirkni efnisins er 70%.

Allt stefnir í að svifryksmengun á höfuðborgarsvæðinu verði yfir heilsuverndarmörkum frá gamlárskvöldi og langt fram á nýársdag. Gangi spár eftir verður mengunin jafn mikil eða meiri en um áramótin fyrir tveimur árum en þá mældist hún hvergi meiri í heiminum. Svona mikil svifryksmengun getur haft mikil áhrif á heilsu fólks.

Sara Björk Gunnarsdóttir var í gærkvöldi útnefnd Íþróttamaður ársins 2020. Hún fékk fullt hús stiga í valinu og er fyrst kvenna til að hljóta nafnbótina tvívegis.

Verðlaunahóf gærkvöldsins var sögulegt fyrir þær sakir að í fyrsta sinn hlutu konur öll stóru verðlaunin. Elísabet Gunnarsdóttir var valin þjálfari ársins og kvennalandsliðið í fótbolta var lið ársins.

Dánarfregnir.

Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Samfélagið sendir fyrri hluta þáttar út frá Akureyri. Gígja Hólmgeirsdóttir ræddi við Auðbjörgu Björnsdóttur, forstöðumann kennslumiðstöðvar og Þórodd Bjarnason, prófessor í félagsfræði. Spjallað um fjarnám og hvað þessi "tæknihraðall" á stafrænum samskiptum í covid hafi að segja með þróun fjarnáms. Einnig rætt um hvernig áhrif þetta hefur haft á landsbyggðina, og spá í hvað mun taka við, nú þegar er byrjað að bólusetja og þessi fjar-veruleiki fer að líða undir lok.

Edda Olgudóttir fer yfir árið í vísindum.

Gleðilegt ár!

Útvarpsfréttir.

Útvarpsfréttir.

Þröstur Helgason ræðir við forvitnilegt fólk um reynslu þess og viðhorf.

Þröstur Helgason ræðir við forvitnilegt fólk um reynslu þess og viðhorf. Gestur þáttarins er Finnur Ulf Dellsén, vísindaheimspekingur. Rætt er við Finn um viðfangsefni vísindaheimspekinnar og vísindin á tímum Covid 19.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Tómas Ævar Ólafsson.

Í Víðsjá í dag verður meðal annars rætt um bókaárið 2020. Spurt verður: Hvað stóð upp úr? Gestir þáttarins verða bókmenntagagnrýnendurnir Gauti Kristmannsson og Kolbrún Bergþórsdóttir. Halla Harðardóttir horfir að gefnu tilefni til himins og virðir fyrir sér glitrandi ský sem dansa á dimmum desemberhimni. Og Oddný Eir Ævarsdóttir rithöfundur ávarpar hlustendur Víðsjár undir skammdegissól.

Umsjón: Guðni Tómasson og Eiríkur Guðmundsson.

Útvarpsfréttir.

Fjallað er fordómalaust um menningu samtímans í öllum sínum fjölbreytileika, samfélagsmiðla, dægurmenningu, allt sem mótar líf okkar hér og nú og speglar frá degi til dags.

Umsjón: Lóa Björk Björnsdóttir og Bjarni Daníel Þorvaldsson.

Síðasti þáttur ársins og að því tilefni ætlum við að fara yfir menningarárið. Við buðum öllum pistlahöfundum haustsins Í lestinni að taka þátt í ársuppgjöri þáttarins og 10 þeirra brugðust við kallinu. Við báðum þau að gera þrennt, segja frá eftirminnilegasta listaverki eða menningarafurð ársins, segja hvað þeim fannst hafa verið markverðast í menningarlífinu í ár og hvað hafi einkennt menningarumræðuna á Íslandi.

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.

Komiði sæl og velkomin að Speglinum, Arnhildur Hálfdánardóttir er umsjónarmaður

Fimmtán er enn saknað eftir skriðuföll í bænum Ask í Gjerdrum í Noregi. Forsætisráðherra Noregs segir hræðilega sárt til þess að vita að enn séu svo margir ófundnir.

Það gæti þurft að rýma aftur þau svæði á Seyðisfirði sem rýmingu hefur verið aflétt á.

Stjórnvöld gerðu í dag samning við lyfjafyrirtækið Moderna um kaup á bóluefni fyrir 64 þúsund manns. Fyrirtækið áætlar að hefja dreifingu á fyrstu mánuðum nýs árs.

Umhverfisáhrif af virkjun Svartár í Bárðardal í Þingeyjarsveit verða verulega neikvæð, segir í áliti Skipulagsstofnunar

Forseti ASÍ segir að það verði mikil barátta á næsta ári. Alþingiskosningar muni að einhverju leyti snúast um stöðu almennings og launafólks og hvernig brugðist verði við halla ríkissjóðs. Hún segir að við verðum að þola að skulda kreppuna í einhvern tíma.

Gjaldþrot í ferðaþjónustunni hafa verið færri en búist var við, en Bjarnheiður Hallsdóttir, formaður Samtaka ferðaþjónustunnar, segir að yfir vofi snjóhengja

„Hlustaðu nú!" er þáttaröð fyrir krakka og fjölskyldur til að hlusta á saman, í sitthvoru lagi, í bílnum, uppi í rúmi, inni í tjaldi, á ferð og flugi eða bara heima í rólegheitum.

Þema þáttanna verður margbreytilegt, eins og heimurinn sem við búum í. Sannar og skáldaðar sögur, tónlist, íþróttir og leikir, dularfullar ráðgátur og allt þar á milli.

Og hlustaðu nú!

Umsjón: Ingibjörg Fríða Helgadóttir.

Þetta er síðasti þáttur ársins 2020 og því er viðeigandi að fjalla um mál málanna í lok ársins- Krakkaskaupið!

Krakkaskaupið er gert af krökkum fyrir krakka og fullorðna og er á dagskrá sjónvarpsins í kvöld, kvöldið fyrir gamlársdag, klukkan 19:40. Við fjöllum því um krakkaskaupið og það sem var var fyndnast árið 2020. Síðan fjöllum við aðeins um áramóta og þrettándahefðir - hvernig tengjast álfar áramótunum?

Viðmælendur úr Krakkaskaupinu:

Berglind Alda Ástþórsdóttir

Mikael Emil Kaaber

Hermann Guðmundsson

Guðjón Daníel Bjarnason

Baldvin Ísleifur Óskarsson

Sérfræðingur í álfum og áramótum: Björk Bjarnadóttir, umhverfisþjóðfræðingur

Umsjón: Ingibjörg Fríða Helgadóttir

Dánarfregnir.

Tónleikahljóðritanir frá Sambandi evrópskra útvarpsstöðva.

Umsjón: Bergljót Haraldsdóttir og Guðni Tómasson.

Hljóðritun frá tónleikum Fílharmoníusveitarinnar í München sem fram fóru í júní síðastliðnum í Gasteig tónlistarhúsinu í München. Á efnisskránni eru verk eftir Gioachino Rossini, Wolfgang Amadeus Mozart og Ludwig van Beethoven. Einleikari er hornleikarinn Matias Pineira. Stjórnandi: Valery Gergiev. Kynnir: Arndís Björk Ásgeirsdóttir.

Um litróf mannlífsins.

Umsjón: Guðrún Gunnarsdóttir og Gunnar Hansson.

Þetta ár hefur verið ólíkt öllum öðrum árum, krefjandi og skrýtinn tími. Við slógum á þráðinn til Bubba Morthens og heyrðum hvernig hann lítur yfir sviðið nú í lok árs. Hvernig hefur þetta ár verið hjá honum, hvað stendur uppúr?

Heilsa jaðarsettra hópa á þessu farsóttarári sem er að líða var til umfjöllunar á heilsuvaktinni í dag. Bergljót Baldursdóttir ræddi við Elísabetu Herdísar Brynjarsdóttur hjúkrunarfræðing og verkefnisstjóra hjá skaðaminnkunarverkefninu frú Ragnheiði um heilsu þeirra sem eru á götunni og þær vonir sem hún hefur á nýju ári.

UMSJÓN GUNNAR HANSSON OG GUÐRÚN GUNNARSDÓTTIR

Atómstöðin kom úr árið 1948. Þar segir frá Uglu, bóndadóttur að norðan, sem kemur til Reykjavíkur að læra á orgel. Hún ræður sig í vist hjá Búa Árland, sem er þingmaður og heildsali, og sækir tónlistartíma hjá Organistanum. Inn í söguna blandast meðal annars samningar um bandaríska herstöð í Keflavík, auk flutnings á beinum Jónasar Hallgrímssonar frá Danmörku til Íslands en í bókinni er hann kallaður Ástmögur þjóðarinnar. Búi er einn þeirra valdhafa sem taka þátt í beinamálinu og sölu landsins.

Höfundur les. Hljóðritað 1971.

Lestrar Halldórs Laxness úr safni RÚV eru færðir þjóðinni að gjöf í samstarfi við Guðnýju Halldórsdóttur og Sigríði Halldórsdóttur, dætur skáldsins.

eftir Halldór Laxness.

Höfundur les.

(Hljóðritað 1971)

Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Samfélagið sendir fyrri hluta þáttar út frá Akureyri. Gígja Hólmgeirsdóttir ræddi við Auðbjörgu Björnsdóttur, forstöðumann kennslumiðstöðvar og Þórodd Bjarnason, prófessor í félagsfræði. Spjallað um fjarnám og hvað þessi "tæknihraðall" á stafrænum samskiptum í covid hafi að segja með þróun fjarnáms. Einnig rætt um hvernig áhrif þetta hefur haft á landsbyggðina, og spá í hvað mun taka við, nú þegar er byrjað að bólusetja og þessi fjar-veruleiki fer að líða undir lok.

Edda Olgudóttir fer yfir árið í vísindum.

Gleðilegt ár!

Fjallað er fordómalaust um menningu samtímans í öllum sínum fjölbreytileika, samfélagsmiðla, dægurmenningu, allt sem mótar líf okkar hér og nú og speglar frá degi til dags.

Umsjón: Lóa Björk Björnsdóttir og Bjarni Daníel Þorvaldsson.

Síðasti þáttur ársins og að því tilefni ætlum við að fara yfir menningarárið. Við buðum öllum pistlahöfundum haustsins Í lestinni að taka þátt í ársuppgjöri þáttarins og 10 þeirra brugðust við kallinu. Við báðum þau að gera þrennt, segja frá eftirminnilegasta listaverki eða menningarafurð ársins, segja hvað þeim fannst hafa verið markverðast í menningarlífinu í ár og hvað hafi einkennt menningarumræðuna á Íslandi.

Næturútvarp Rásar 1.